BMW hits the rocks

Stoltari bifreiðaeigendur í hópi vina minna þekki ég varla en þá sem eiga BMW-merkta glæsikerru. Þeir hreykja honum allir nær undantekningalaust mjög vel, eru stoltir af sínu merki út í eitt. Enda eflaust rétt að BMW sé með betri merkjum, traustur bíll sem gerir sitt fyrir eigendur sína - reynist vel hvort sem veðrið er gott eður ei.

Þeir hljóta að vera súrir með að sjá myndina af BMW sem fylgir þessari frétt, glæsikerruna í grjótinu. Ekki skemmtileg sjón. Það er óhætt að segja að þeir félagarnir sem keyrðu á bílnum á Húsavík geti prísað sig sæla með að hafa sloppið svona vel. Mildilega sloppið miðað við allar aðstæður.

Annars finnst mér oft merkilegt hvað menn hefjast upp við það eitt að tala um bíla, hversu uppveðraðir menn geta orðið. Á eftir að upplifa þann pakka.

BMW í grjótinu

Athugasemdir

[Auðbergur Daníel Gíslason, 19.11.2007 kl. 00:20]

Ég er mikill bílaáhugamaður og hef unun á að sitja á og horfa á fallega bíla. Að mínu mati eru engir bílar eins fallegir og vel hannaðir og Mercedes Benz þeir eru fullkomnir frá toppi til táar.

Bróðir mömmu á BMW frá 6 línunni og margir vilja meina að BMW standi fyrir: "bilar meira en venjulega" en hann segir, það þýða "brings more women" BMW eru fallegir bílar en ég stend þó fastur við þá skoðun mína að engir bílar ná með tærnar þar sem Mercedes hefur hælana. Ég er sammála Birni Bjarnasyni þar eins og á svo mörgum öðrum sviðum.

Auðbergur D. Gíslason

14 ára Sjálfstæðismaður

[Stefán Friðrik Stefánsson, 19.11.2007 kl. 00:24]

Er reyndar alveg sammála þér Aubbi. BMW eru flottustu bílarnir. Þetta var meira húmor hjá mér en annað. Skil allavega vel aðdáun þeirra sem eru hrifnir af BMW. :)

mbk.

[Auðbergur Daníel Gíslason, 19.11.2007 kl. 00:27]

Ég var nú að meina að Mercedes væru flottustu bílarnir.

Auðbergur D. Gíslason

14 ára Sjálfstæðismaður

[Stefán Friðrik Stefánsson, 19.11.2007 kl. 00:30]

Hefur orðið bara innsláttarvilla hjá mér. Átti að vera BMW og Mercedes, en ekki bara BMW.

[Auðbergur Daníel Gíslason, 19.11.2007 kl. 00:34]

Allt í fína, ég vildi bara hafa það á hreinu vegna þess að ég er svo gífurlegur "öfga Benz aðdáandi", og ég svík ekki lit.

Auðbergur D. Gíslason

14 ára Sjálfstæðismaður

[Stefán Friðrik Stefánsson, 19.11.2007 kl. 00:36]

Mér finnst þessar tegundir bera af. Mercedes er auðvitað mikill klassi, skrefi framar. Enda ef fólk kaupir sér Benz kaupir það sér bara þannig bíla eftir það. Ekkert aftur snúið með það. Annars er ég ekki mesti bílaáhugamaður sögunnar. Er aðeins því fegnastur ef að þeir virka hehe.

[Bjarki Hilmarsson (IP-tala skráð) 19.11.2007 kl. 13:06]

Álit manna á bílum fer nú bara eftir persónulegum smekk hvers og eins.  Ég á BMW og get ekki verið sáttari.

En snúum okkur þá að þessari frétt og það sem pirrar mig mest með hana og fleiri undanfarna mánuði.  Það vill nefnilega svo furðulega til að í hvert skipti sem BMW lendir í slysi þá sjá blaðamenn sig knúna til að taka það skýrt og skilmerkilega fram og jafnvel troða því í fyrirsögn!  Þetta sér maður aldrei gerast þegar aðrar tegundir eiga í hlut.  T.d. lenti jeppi úti í sjó hér á Akureyri í gær og ekki var einu orði vikið að því hverrar tegundar hann væri!  Aldrei sér maður það tekið fram hvort um toyota eða Mazda bifreið sé að ræða þegar fjallað er um árekstur eða útafakstur.  Ég veit að BMW eru merkilegir bílar en þetta er frekar skrítið samt.  Nema náttúrulega að þeir aðilar sem blaðamenn fá sínar upplýsingar frá (lögreglan) séu svona "hrifnir" af þessum fallegur bílum

[Stefán Friðrik Stefánsson, 19.11.2007 kl. 16:29]

Þakka gott komment Bjarki.

mbk.