Gullfaxi fer til Akureyrar - ánægjuleg tíðindi

Það eru ánægjuleg tíðindi að það hafi tekist að kaupa stjórnklefa Gullfaxa, sem markaði þáttaskil í flugsögu Íslendinga sem fyrsta farþegaþota landsins, og hann sé á leiðinni á flugsafnið hér á Akureyri. Það hefði verið mikið slys ef ekki hefði tekist að bjarga einhverju af Gullfaxa og geyma á safni hérlendis.

Það hefði vissulega verið enn betra ef þotan hefði verið keypt öll en það er var of dýrt til að hægt væri að leggja út í, þrátt fyrir það er þetta góð niðurstaða fyrir áhugamenn um sögu flugsins að það tókst að bjarga einhverjum hluta þotunnar, en við blasti að brytja ætti hana alla niður á næstunni í Nýju-Mexíkó.

Sagan er mikilvæg - það má vel vera að Gullfaxi sé kominn til ára sinna og þjóni ekki lengur lykilhlutverki í samgöngusögu landsins. En hann lék þar sögulega rullu og það er mikilvægt að bjarga þotunni frá því að verða brytjuð niður.

Það verður mikill hátíðisdagur á flugsafninu hér á Akureyri þann 24. júní nk. þegar að stjórnklefi Gullfaxa mun bætast í veglegt safnið.

Gullfaxi verður á Akureyri

Athugasemdir

[Benóný Jónsson (IP-tala skráð) 30.3.2008 kl. 00:13]

Mikið þykir þykja mér þetta góðar fréttir, enda hef ég alltaf verið mikill vinur flugsins og aðdáandi þess frá því ég var peyji.

Held að þetta væru einhverjar bestu fréttir sem Árni heitinn í Múlakoti, fyrrum nágranni minn og vinur vildi hafa. Enda var hann einn af þeim mönnum sem dýrkaði flugið og átti sinn þátt í einstakri sérfræði íslendinga í fluginu.

Kv: Benóný Jónsson

[Þorkell Guðnason, 30.3.2008 kl. 00:27]

Hugsið til baka, hvað sá væri í dag álitinn flottur - og yfir alla gagnrýni hafinn - sem hefði fórnað sér fyrir þjóðina með því – að kaupa ALLT nefið af Jóni Sigurðssyni eða Jónasi Hallgrímssyni af því ekki hefði verið til pláss til að geyma þá heilu lagi – hvorki að Hrafnseyri eða Hrauni ! ! ! ! ! ! ! ! og hefði síðan fullkomnað afrekið með þvi að stoppa upp nasirnar á þeim með rétt dagsettu neftóbaki frá mektarárum þeirra ! ! ! !  

Ef ekki er pláss fyrir haminn af þotunni Gullfaxa oní eyfirska skurðinum, á auðvitað að geyma hann á hans fæðingarstað – í Vatnsmýrinni ! ! ! !

Ef ekki er til fyrir Gullfaxa, skila menn til baka helstu verðmætunum sem í honum felast - mótorum og hjólastelli - eftir að vélinni hefur verið flogið til Reykjavíkur ! ! !

Takk, Benóný fyrir að minnast Árna í Múlakoti - Ég og allir flugmenn sem til hans þekktum, söknum  Árna og viljum heiðra minningu vinar okkar með viðeigandi hætti.

[Stefán Friðrik Stefánsson, 30.3.2008 kl. 00:30]

Takk kærlega fyrir kommentin Benóný og Þorkell.

Mikilvægt að minnast þess mikla heiðursmanns Árna í Múlakoti. Það verður að gera með viðeigandi hætti.

mbk.

[Atli Hermannsson., 30.3.2008 kl. 11:11]

Það ber að fagna því að stjórnklefinn af Gullfaxa skuli vera á leiðinni norður. En eins og þú segir Stefán þá væri miklu betra ef öll vélin væri á leiðinni norður. Mig minnir að Arngrímur Jóhanns hafi boðið safninu Júmbó fyrir nokkrum árum sem ekki gat ekki þegið hana vegna stærðar. Því leikur mig forvitni á að vita hug Arngríms til Gullfaxa og hvort ekki hafi verið haft samband við hann vegna þessa máls. Þá tengjast Akureyringar vélinni órjúfanlegum böndum í gegnum Jóhannes Snorrason sem flaug vélinni heim á sínum tíma -  og þjóðinni inn í þotuöldina.