Strákarnir fá fálkaorðuna - verðskuldaður heiður

Ég vil óska strákunum í landsliðinu til hamingju með fálkaorðuna. Mér líst mjög vel á það að þeir hafi fengið hana. Þeir hafa unnið fyrir henni og gott betur en það. Finnst það hið besta mál að fálkaorðan sé veitt Íslendingum sem skara framúr á alþjóðavettvangi.

Fáir verðskulda slíkt betur nú en íslenska handboltalandsliðið, sem hefur unnið afrek sem verður ritað gullnu letri í íslenskri íþróttasögu. Auðvitað má alltaf velta fyrir sé hvenær sé rétt að veita fálkaorðu vegna eins atburðar en ekki fyrir ævistarf, en í þessu tilfelli held ég að enginn velti því fyrir sér. Afrekið er það mikið.

Ég sé að sumir eru að ergjast yfir því að strákarnir okkar fái fálkaorðuna. Come on, segi ég nú bara á vondri íslensku. Þetta er íþróttaafrek, eitt hið mesta í íþróttasögunni. Við það tækifæri á að veita heiðursorðuna. Enda kominn tími til að sýna að hún er ekki bara skraut fyrir gamalt fólk til að verðlauna ævistarf heldur og mun frekar heiðursorða þjóðarinnar þegar mikið liggur við.

Orðuveiting á Bessastöðum

Athugasemdir

[Sesselja Fjóla Þorsteinsdóttir, 28.8.2008 kl. 00:35]

Afrekið er mikið eins og þú segir og er hvatning fyrir ungviðið okkar...ekki veitir af....spornar eflaust við frásögnum um unglingavanda landans um helgar næstu ár í miðbænum og skúmaskotum úti á landi.  Ég er eða var úti á landi.

[Simbi Sæfari (IP-tala skráð) 28.8.2008 kl. 06:47]

Bara ein spurning til þín Stefán Friðrik.  Veistu hversu  mörg gullverðlaun fatlaða fólkið okkar  hefur fengið í gegn um árin?  Þau eru mörg. Veistu hve mörg þeirra hafa fengið fálkaorðina?  Ekkert þeirra hefur fengið viðlíkar móttökur sem "strákarnir okkar"  fengu.  Eg er ekki handboltaáhugamaður en mér þótti nóg um allan þennan hamagang sem þessu fylgdi.  Allt djöfuls bruðlið í kringum þetta er forkastanlegt.  Allt í einu var til nógu fjármagn til að veita 50 milljónir til "strákanna okkar" 5  milljónir fóru í flandrið á Þorgerði Katrínu sem að mínu mati kann ekki að skammast sín og örlar ekki á sómatilfinningu hjá henni. Er þetta bara lítið dæmi um allan þann kostnað sem þessu fári fylgir og allt tekið úr vasa okkar skattgreiðaenda.

[Haraldur Haraldsson, 28.8.2008 kl. 08:38]

Stór stund i sögu íþróttanna/Til hamingju með það/Vonum að þetta hafi hvetjandi áhrif á okkur öll/ ekki syst börnin okkar/Kveðja Halli gamli