Diplómatískur rembihnýtur Icesave-málsins leystur

Mjög mikilvægt er að loksins hafi tekist að landa Icesave-málinu og koma því á traustan leiðarenda, eftir harkalega og erfiða atburðarás fyrir okkur Íslendinga. Niðurstaðan er auðvitað ekki sú sem við hefðum helst viljað. Við vorum orðin ein eftir í þessari baráttu og gátum ekkert annað gert en sætta okkur við þrýstinginn frá alþjóðasamfélaginu þar sem allir sneru við okkur baki. Mér finnst þetta lærdómsrík niðurstaða, enda kom varnarleysi okkar þar fram, bæði napurt og afgerandi. Þetta er ekki góð niðurstaða fyrir stolta þjóð í því tilliti.

En mikilvægast fyrir íslensku þjóðina er að þoka málum áfram og koma hlutunum á einhverja hreyfingu. Icesave-málið hefur verið alltof lengi í diplómatískum rembihnút og komið í veg fyrir að við getum farið að byggja upp eftir bankahrunið - komið samfélaginu aftur af stað. Þetta var orðið að spurningu um örfáa daga fyrir þjóðina, til að allt myndi hér ekki stöðvast vegna hinnar vondu stöðu í gjaldeyrismálum.

Þetta er lærdómsrík niðurstaða. Við vitum nú betur að fáum er í raun að treysta þegar kemur að því að velja vini og við verðum að fóta okkur upp á nýtt. Niðurstaðan er ekki sú besta fyrir okkur sem stolta þjóð en sú eina sem gat hentað úr því sem komið var. Ómögulegt var að hafa þessi mál áfram í rembihnút.

Icesave-deilan leyst

Athugasemdir

[Anna Benkovic Mikaelsdóttir, 16.11.2008 kl. 18:57]

Er þessi niðurstaða ekki í samræmi við EES-samninginn?

[Fannar frá Rifi, 16.11.2008 kl. 19:55]

Lánið frá IMF	$    6.000.000.000
+ Icesave	$    4.911.360.000
Samtals skuld =	$    10.911.360.000
í Krónum talið =	1.558.765.714.286 kr.
Icesave skuld í kr.	640.000.000.000 kr.
í evrum	3.840.000.000 €
Í dölum	4.911.360.000 €
1 Evra =	$     1,279
1 króna =	0,01 €
Fjöldi  Íslendinga	311.000
Skuld hver og eins vegna IMF	$   19.292,60
Vegna Icesave	$   15.792,15
Samtals skuld	$   35.084,76
skuld í krónum	5.012.108,41 kr.
Vextir	5,00%
Greiðslu tími í mánuðum	60
Afborgun á mánuði	-252.171,99 kr.
Skuldir ef Icesave er borgað upp í topp og allt næst á besta möguleganveg
Vextir	3,50%
Greiðslu tími í mánuðum	120
Afborgun á mánuði	-110.515,14 kr.
Formúla sem er notuð:	PMT(Vextir;Földi_greiðslna;Upphæð;;1)

þetta er enginn smá upphæð Stefán. 

[Gunnlaugur Ingvarsson (IP-tala skráð) 16.11.2008 kl. 21:00]

Heldurdu tad virkilega Skynsemis madurinn tu Sefan Fridrik !

Serdu ekki ad urtolulidid og landradahyskid i Samfylkinguni er ad draga ykkur a tvilikiar landradatalar ! Sjalfstaedisflokkurinn nu mun loga stafna a milli og klofna baedi langsum og tversum. haegri vinstri snu ! 

[Stefán Friðrik Stefánsson, 16.11.2008 kl. 21:05]

Þetta er enginn óskaniðurstaða. Mjög fjarri því að ég sé ánægður með niðurstöðuna. En hvað var eftir annað? Áttum við að fara gegn öllu alþjóðasamfélaginu, baráttu sem við vorum gjörsamlega ein á og varnarlaus gegn öllu öðru valdi heimsins. Held að það hafi ekki verið valkostur, því miður segi ég. En þetta er bein afleiðing af algjöru varnarleysi okkar. Við höfðum ekki vald og kraft til að berjast gegn þessu á neinu stigi alþjóðasamfélagsins. Við erum gjörsamlega ein í þessari baráttu. Ég skrifaði um þetta um daginn og sagði þá að þetta væru kröfur sem væru ekki þjóðum bjóðandi sem gætu varið sig og beitt valdi, en við höfum ekki slíkt vald.