Léleg fréttamennska - hundur í blaðamanni

Mér finnst það léleg fréttamennska á fréttavef Morgunblaðsins þegar því er blandað saman í eina frétt að fyrrverandi forsætisráðherra kveðji þingið eftir 22 ára störf og að hjálparhundur komi þar til starfa fyrir sjóndapran þingmann. Fyrirsögnin og framsetningin kemur upp um tjáningu fréttamannsins og vinnubrögðin. Þetta er ekki merkilegt og í raun til skammar á stærsta fréttavef landsins sem á að vera hafinn upp yfir svona vitleysu.

Ég hef eiginlega alltaf staðið í þeirri trú að fréttamenn eigi að segja fréttir en ekki tjá skoðanir sínar í skrifum eða framsetningu. Þegar farið er á svig við það skaddast orðspor þess fjölmiðils sem um ræðir eða dregið er í efa hvernig staðið er að málum. Ekki er við hæfi að láta pólitískar skoðanir fara inn í þá tjáningu. Fréttamenn eiga að segja fréttir án skoðana sinna. Enda er það ekki fréttamennska þegar skoðanir koma í gegnum skrifin.

Ég veit vel að Geir Hilmar Haarde er umdeildur eftir umbrotatíma í íslensku samfélagi síðustu mánuðina. Geir er grandvar og heiðarlegur maður, mjög vandaður og traustur. Enginn hefur dregið það í efa, þó vissulega séu skiptar skoðanir um pólitíkina sem hann stendur fyrir. Mér finnst það til skammar þegar svona er staðið að málum í fréttaskrifum, enda sést langar leiðir er þetta er lituð framsetning og mjög rætin.

Mér finnst nokkur hundur í þeim blaðamanni sem setur þetta fram.

Geir kveður og X heilsar

Athugasemdir

[Þráinn Jökull Elísson, 26.3.2009 kl. 03:05]

Ég er sammála þér, svona fréttamennska á ekki að eiga sér stað. Þó við Geir séum á öndverðum meiði hvað snertir pólítík þá ber ég virðingu fyrir honum.

Það mun aldrei breytast.

Ég óska honum alls hins best og vona svo sannarlega að hann nái fullum bata og komi tviefldur til starfa á ný.

Bestu kveðjur.

[Róbert Björnsson, 26.3.2009 kl. 05:27]

Mogginn væri nú frekar þunnur ef Agnes Braga skrifaði allar fréttirnar!   Annars finnst mér nú óþarfi að móðgast fyrir hönd Geirs í þessu tilfelli - sé ekki að honum sé mikil óvirðing sýnd þó svo fjallað sé um krúttlegt hjálpartæki Helga í sömu frétt.  Þóra Kristín á hrós skilið fyrir að koma með skemmtilega vinkla á fréttir sínar - ekki veitir af í skammdeginu.

Þið íhaldsmenn takið lífið og tilveruna alltof alvarlega!

[Jóhann Jóhannsson (IP-tala skráð) 26.3.2009 kl. 08:43]

Alveg er ´eg sammála, en því miður er þetta ekki eina dæmið sem svona fréttamennska er liðin á þessum annars góða vef. En, lyftum fréttamennsku upp á hærra plan og látum pirring fréttamanns ekki trufla störf hennar.

[Guðbjörn Guðbjörnsson, 26.3.2009 kl. 09:31]

Já, þetta var til algjörrar skammar og ekki orð um það meira að segja!

[Haraldur Haraldsson, 26.3.2009 kl. 09:49]

sammála þessu þetta er barsata skömm/Kveðja Halli gamli

[Hildur Helga Sigurðardóttir, 27.3.2009 kl. 10:27]

Sá ekkert athugavert við þetta.   Bara lífleg og litrík frétt.