Guðlaugur Þór verður að víkja

Mér finnst yfirlýsing Guðlaugs Þórs Þórðarsonar fjarri því eyða efasemdum um hlutdeild hans í styrkjamálinu. Hann er að stórskaða flokkinn og ætti að sjá sóma sinn í að víkja. Heimildir bæði RÚV og Moggans eru afdráttarlausar um aðkomu hans að styrkjunum og mér finnst varla hægt að bjóða flokksmönnum upp á getgátur um þetta það sem eftir lifir kosningabaráttunnar. Ekki er hægt að klára þetta mál með sóma nema viðurkenna þátttöku í styrkjasiðleysinu og þeir víki sem þar komu nálægt.

Þetta er lágmarkskrafa hins almenna flokksmanns. Þeir sem ætla sér að sitja sem fastast og ætla að draga flokkinn með sér í því falli ættu að muna það sem Jóhann Hafstein, fyrrverandi formaður Sjálfstæðisflokksins, sagði forðum daga, að enginn einn maður væri merkilegri en Sjálfstæðisflokkurinn sjálfur.

Mér finnst að forysta Sjálfstæðisflokksins á síðustu þremur árum eigi að skammast sín og biðja almenna flokksmenn opinberlega afsökunar á siðleysi sínu. Þau brugðust sjálfstæðisfólki um allt land sem unnið hefur fyrir flokkinn og stutt það í góðri trú.

Guðlaugur Þór: Ég óskaði ekki eftir styrk

Athugasemdir

[Hjálmtýr V Heiðdal, 9.4.2009 kl. 17:47]

Ertu að nálgast vandamálið úr réttri átt Stefán?

Þú telur að forystan hafi brugðist ykkur fótgönguliðinu.

Ég held að þið berið ábyrgðina - þið kusuð þetta lið til forystu.

[Guðmundur Júlíusson, 9.4.2009 kl. 17:57]

Ég get ekki verið meira sammála þér vegna þessa, þetta er engin hæfa hve stíft menn sækja að halda völdum á kostnað okkar skattgreiðenda, það virðist vera sama hve sannanir eru ríkar á þeirra hendur, þeir eru alltaf með afsakanir og útúrsnúninga á reiðum höndum! dapurlegt!

[Guðmundur Júlíusson, 9.4.2009 kl. 17:57]

Ég get ekki verið meira sammála þér vegna þessa, það er engin hæfa hve stíft menn sækja að halda völdum á kostnað okkar skattgreiðenda, það virðist vera sama hve sannanir eru ríkar á þeirra hendur, þeir eru alltaf með afsakanir og útúrsnúninga á reiðum höndum! dapurlegt!

[Gísli Ingvarsson, 9.4.2009 kl. 18:00]

mér finnst að sjálfstæðismenn ættu að halda áfram málþófinu á þingi.... þeir geta varla skipt um umræðuefni úr þessu... allt sem þeir hafa gert uppá síðkastið er þeim til sóma svo forustskipti og þess háttar getur varla verið málið... Geir hefur friðþægt fyrir flokkinn sinn og það verður að nægja... verjum gömlu gildin og stjórnarskrána... það er mikilvægast núna... nefnilega...

[Már (IP-tala skráð) 9.4.2009 kl. 18:09]

Stoltur af þér félagi. Þú sýnir loksins á þér hlið sem fáir Sjálfstæðismenn hafa þorað að sýna á undanförnum misserum. Nefnilega Siðferðiskennd. En þú þarft líka að átta þig á því að þinn flokkur þarf meira eina endureisnarnefnd og landsfund til að uppræta áratuga spillingu. Ef vel er unnið að hreinsunarstarfinu þá verður þessi flokkur kannski alvöru valmöguleiki eftir 4. ár.

Fólk lætur ekki plata sig lengur á Íslandi og veit að of margt er að á þessari stundu til að kjósa flokkinn.  Of mörg krabbamein eru í líkama hans og það þarf algert detox í langann tima til að breytast aftur í Stjórnmálaflokk. Í dag er hann Valdaflokkur. 

[Gísli Foster Hjartarson, 9.4.2009 kl. 19:02]

Hjartanlega sammála þér Stefán Friðrik - þetta lið á að skammast sín og Guðlaugur Þór á að víkja sæti, spurning meira að segja hvort aðrir þurfi ekki að skoða sin gang líka. Hreinsa bara vel út og byrja frá grunni - held að það geti orðið heillavænlegt skref fyrir flokkinn.

[Hilmar Hafsteinsson (IP-tala skráð) 9.4.2009 kl. 20:52]

Sæll Stefán minn. Eg vona að þú sért núna búinn að sjá það svart á hvítu hvað búsáhaldabyltingin var lífsnauðsynleg fyrir landsmenn.

Fyrsta skrefið til að hreinsa til í þjóðmálunum var að koma getulausri stjórn samfylkingar og sjálfstæðisflokksins frá völdum og hreinsa til í stjórnkerfinu.

Vinsamlega áttaðu þig á því að VG og samspillingin hafa enga burði til að leysa vanda Íslendinga. Sjáumst í júníbyltingunni

[thi (IP-tala skráð) 9.4.2009 kl. 20:55]

Eftir allt sem undan er gengið í þessum flokki þá eru það annaðhvort hálfvitar eða fólk sem grætt hefur á Sjálfstæðisflokknum í gegnum tíðina með að hafa þá við kjötkatlana, sem kjósa þá aftur. Ég biðst foláts á orðbrqgði mínu gagnvart þroskaheftum. Sjá síðan í gær formanninn á kjördæmafundinum reyna að verja kvótalögin eins og þau eru fram í rauðan dauðann þrátt fyrir að  hluti útgerðar- manna sé  búin að  veðsetja aflaheimildirnar fram í tímann. Það þarf að koma öllu þessu pakki í burtu og fá nýja vendi.

[Kolbrún Bára (IP-tala skráð) 9.4.2009 kl. 21:18]

Með leyfi, höfundar bloggsíðu.

Stefán, þú ert sannur Akureyringur. Gengur hreint til verks og segir þína skoðun afdráttarlaust. Ef ég hyggðist kjósa Sjálfstæðisflokkinn, sem auðvitað hefur, eða öllu heldur hafði  til síns ágætis nokkuð, þá hefði ég hugsað málið á svipuðum nótumog þú. En þið sjálfstæðismenn. Lofið  Guðlaugi að njóta vafans, á meðan óyggjandi sannanir, um vafasama aðkomu hans að málinu, liggja ekki fyrir. Ekki taka hann af lífi, rétt si sona bara, fyrirfram,  til að friða kjósendur, þó þið séuð í tímahraki. það er stutt  til kosninga, ég veit það, en samt. Dokið við. 

Með afar góðri kveðju, til Akureyrar

Kolbrún

[Kolbrún Bára (IP-tala skráð) 9.4.2009 kl. 21:31]

Með leyfi, höfundar bloggsíðu.

Stefán, þú ert sannur Akureyringur. Gengur hreint til verks og segir þína

skoðun afdráttarlaust. Ef ég hygðist kjósa Sjálfstæðisflokkinn, sem

auðvitað hefur, eða öllu heldur hafði  til síns ágætis nokkuð, þá hefði ég

hugsað málið á svipuðum nótum og þú. En þið Sjálfstæðismenn. Lofið  Guðlaugi samt að njóta vafans, á meðan óyggjandi sannanir, um vafasama aðkomu hans að málinu, liggja ekki fyrir. Ekki taka hann af lífi, rétt si sona

bara, fyrirfram  til að friða kjósendur, þó þið séuð í tímahraki. það er

stutt  til kosninga, ég veit það, en samt. Dokið við.

Með afar góðri kveðju, til Akureyrar

Kolbrún

[Haraldur Haraldsson, 9.4.2009 kl. 22:00]

Þarna erum við ekki sammála Stefán Friðrik,það er engin sekur fyrr en sekt er sönnuð/Halli gamli

[Ólafur Sveinn Haraldsson (IP-tala skráð) 9.4.2009 kl. 23:26]

Sammála þér, hann þarf að segja af sér. Nú kemur í ljós hvort honum sé annt um flokkinn.

kv.

[Einar Solheim, 10.4.2009 kl. 13:26]

Stefán Friðrik hefur ekki öðlast neina siðferðiskennd. Hann hefur aldrei verið mikið fyrir GÞÞ, enda heiðblár Davíðsmaður.

[Landið (IP-tala skráð) 10.4.2009 kl. 16:17]

Vandamálið með Sjálfstæðisflokkinn er að hann er að allur að rotna að innan. Í flokknum er tvær fylkingar sem berjast um völdin. Annars vegar gamla valdaklíkan þar sem Björn Bjarnason er guðfaðirinn og Bjarni Ben og Illugi nýju prinsarnir og hins vegar grasrótarklíkan þ.e. fólkið sem alltaf var haldið út og vildi komast í kjötkatlana í óþökk flokkseigandanna. Nýju klíkan valdi sér Guðlaug þór sem forningja og tókst að sparka BB í prófkjöri fyrir tevimur árum og nú er BB að hefna sín.

Stefán Friðrik var mikill stuðningsmaður Bjarna Ben (yngri) og því spurning hvað liggur á bakvið blogginu hans. Það sagt þá finnst mér sjálfsagt að Guðlaugur segi af sér ef satt er að maðurinn hafi verið sá sem stóð á bakvið styrkina en sé hann saklaus ættu aðrir menn að íhuga afsagnir.