Guðlaugur Þór dregur flokkinn með sér í svaðið

Augljóst er að atburðarás helgarinnar hefur í engu klárað styrkjamálið í Sjálfstæðisflokknum, eins og ég spáði í gær. Þetta bara versnar og versnar fyrst ekki var tekið afdráttarlaust á málinu strax. Vandséð er hvernig flokksbundnir sjálfstæðismenn geti sætt sig við að Guðlaugur Þór Þórðarson leiða lista flokksins í Reykjavík suður eftir allt sem á undan er gengið, ef heill og hagur flokksins á að vera í fyrirrúmi.

Mér þykir tengslin við REI-málið orðin ansi augljós og eina leiðin til að slá á efasemdir um tengsl Vilhjálms og Guðlaugs er í raun að opna prófkjörsbókhaldið, ef þeir vilja hreinsa sig alveg. Þessi augljósa spilling og efasemdir um mútur munu ekki verða hreinsaðar af Sjálfstæðisflokknum svo glatt. Sukk og svínarí nokkurra manna og efasemdir um verklag þeirra hefur rýrt traust á flokknum umtalsvert.

Guðlaugur Þór fer með mál sitt til Ríkisendurskoðunar. Stóri vandi hans og Sjálfstæðisflokksins er þó sá að alþingiskosningar verða eftir tólf daga. Það er ekki tími til annars en taka stórar ákvarðanir og klára málið fumlaust, eitthvað sem átti að gera um helgina en mistókst því ekki var gengið hreint til verks.

Óskar úttektar á störfum sínum

Athugasemdir

[Gísli Foster Hjartarson, 13.4.2009 kl. 19:49]

Hjartanlega sammála þér Stefán, þetta erorðið ansi gruggugt þarna í kringum kappann og ég held að það sé ekki fjarri lagi að þú hittir naglann á höfuðið. Ef eitthvað gruggugt kemur upp úr þessu þá situr Guðlaugur Þór heldur betur í súpunni og er klárlega búinn að vera.

Þþað skrýtna finst mér að engin af öllu þessu liði sem við erum búin að horfa upp á í þessum slag síðan í hruninu, í öllum flokkum, hefur boðist til að stíga til hliðar á meðan málefni viðkomandi eru rannsökuð, hefði talið það dæmi um skynsemi og styrk að draga sig í hlé, fá nafn sitt hreinsað og koma sterkari út á eftir, en það því mður virðist vera aukatriði hjá þessu fólki.

[Guðmundur Ásgeirsson, 13.4.2009 kl. 20:19]

Skora á þá sem þó ætla að kjósa D hér í mínu heimakjördæmi, að fyrir alla muni hugleiða að strika a.m.k. Guðlaug út á kjörseðlinum.

 - fullveldissinnaður hægrimaður skrifar

[Grímur (IP-tala skráð) 13.4.2009 kl. 21:29]

Rauða spjaldið á Gulla - útaf með manninn

[Stefán Friðrik Stefánsson, 13.4.2009 kl. 22:18]

Þakka kommentin.

Þetta er engin óskastaða, en það skiptir öllu máli núna að taka heiðarlega á málinu og afgreiða það í eitt skipti fyrir öll. Afgreiðslan getur aldrei orðið annað en sársaukafull, enda reynir á alla innviði flokksins.

Guðlaugur Þór á að opna prófkjörsbókhaldið sitt ef hann hefur ekkert að fela og opna allt upp á gátt. Á meðan svo er ekki og kjaftasögurnar grassera finnst mér fátt annað fært en þeir víki sem tengjast þessu máli.

Þetta er dýrkeypt bið eftir endalokum málsins.

[Friðrik Hansen Guðmundsson, 13.4.2009 kl. 22:32]

Sammála þér Stefán.

Ég var að vona að flokkurinn og formaðurinn kæmi sterkur út úr helginni. Þvert á móti þá hefur hann veikst verulega. Áfram er haldið að taka rangar ákvarðanir. Hagsmunir einstakra manna lárnar ráða för, ekki horft á hagsmuni heildarinnar.

Er virkilega ætlast til þess að ég eigi að trúa því að enginn forystumanna félagsins annar en formaður hafi séð reikninga félagsins fyrir árið 2006?

Er virkilega ætlast til þess að ég eigi að trúa því að með því að biðja næst æðsta mann hjá FL group, þ.e. varaformanninn stjórnar um að útvega 30 milljónir þá hafi það ekki verið beiðni til FL group. Hvaða bull er þetta?

[Haraldur Haraldsson, 13.4.2009 kl. 23:08]

Hvaða bylting er i gangi /Halli gamli ætlar að kjósa Gulla /en ef þið með ykkar samsæriskenningar eins og vinstra liðið er með hafi rétt fyrir ykkur,skoðar maður málið,en ekki fyrr/Halli gamli

[Loftur Altice Þorsteinsson, 13.4.2009 kl. 23:52]

Væri ekki nær að beina spjótum sínum að Samfylkingunni ? Ég bara spyr ???

[Friðrik Hansen Guðmundsson, 13.4.2009 kl. 23:56]

Það er nú bara þannig Haraldur að mér og sjálfsagt fleirum er ekki sama hvaða menn ég kýs á þing sem mína fulltrúa.

[loftur (IP-tala skráð) 14.4.2009 kl. 00:01]

Stefán,

Telur þú að  foringinn í þínu kjördæmi, Kristján Þór Júlíusson, standist þær kröfur sem þú gerir til Guðlaugs Þórs?

['Arni H Kristjánsson (IP-tala skráð) 14.4.2009 kl. 00:06]

Þið Sjálfstæðismenn þurfið enga andstæðinga og eyðið ykkur sjálfir okkur hinum til ánægju.Takk,'Arni Hó

[Jens Guð, 14.4.2009 kl. 00:41]

  Sem gamall atvinnumarkaðsfræðingur (vann meðal annars fyrir Sjálfstæðisflokkinn sem slíkur í lok áttunda áratugarins) undrast ég klaufalega afgreiðslu forystumanna Sjálfstæðisflokksins á þessu máli.  Menn virðast ekki tala saman til að samræma málflutning.  Gefa misvísandi skilaboð og sumir hreinlega skrökva til að afvegaleiða umræðuna.  Eins og þetta blasir við mér er þarna um innanhúsuppgjör að ræða.  Að hluta í það minnsta.  Enginn er bróðir í annars leik,  segir máltækið.  Mér segir svo hugur að fleiri fletir eigi eftir að dúkka upp. 

[Herbert Guðmundsson, 14.4.2009 kl. 11:34]

Sæll Stefán Friðrik!

Ef þú og aðrir sem taka undir með þér varðandi aðild Guðlaugs Þórs að hinum umdeildu styrkjum til Sjálfstæðisflokksins og um líkleg tengsl við REI-mál; mútur, flettið samtíma fréttaskýringum í Morgunblaðinu frá seinni hluta ársins 2006 og á árinu 2007, um öll þessi orkumál, kemur eftirfarandi í ljós meðal annars:

Guðlaugur Þór var formaður OR á þessum tíma fram á vor 2007 og stóð þar til hann hætti formennsku gegn sameiningu orkuútflutningsblokkanna ásamt með háu framlagi OR og þar með borgarbúa.

Það var ekki fyrr en Bjarni Ármannsson kom til sögunnar sem líf kviknaði í spilverkinu, um haustið 2007, og leiddi á skömmum tíma til upplausnar í borgarsjórn Reykjavíkur, þar sem sex borgarfulltrúar Sjálfstæðisflokksins tóku afstöðu gegn öllu plottinu sem sá sjöundi stóð að ásamt borgarfulltrúum Framsóknar og Samfylkingar með hjásetu Svandísar Svavarsdóttur, sem nú spýr eitri á Guðlaug Þór!

Það var fróðlegt að hlusta á Pétur Blöndal blaðamann á Morgunblaðinu, sem skrifaði margar þessara fréttaskýringa á meðan atburðirnir stóðu yfir, fara yfir þessa sögu í morgun á Bylgjunni.

Ég þekki Guðlaug Þór ekki persónulega og er ekki að gæta hagsmuna hans, heldur að vekja athygli á að til er samtímasaga um öll þessi umdeildu mál, sem er svo nærtæk að ekki er verjandi að hafa uppi öll þessi stóryrði og brigsl sem dunið hafa á síðustu daga um Guðlaug Þór og "múturnar".

Það er svo allt annað með hvaða hætti Sjálfstæðisflokkurinn blés til fjársöfnunar í vondri fjárhagsstöðu 2006, og hvers vegna FL-group og Landsbankinn kepptust um að leggja fram svo mikið fé sem raun ber vitni, þótt það væri raunar eins og krækibær í helvíti á forsendum þessara fyrirtækja þá.

Með kveðju norður.

[Stefán Friðrik Stefánsson, 14.4.2009 kl. 12:12]

Þakka kommentin.

Gott að heyra í öðrum. Varðandi Samfylkinguna já. Ég geri meiri kröfur til míns flokks, sem ég hef kosið í fimmtán ár samfellt, en til annarra. Sé hann í klúðrinu er það engin sáluhjálp eða styrkur fyrir mig að skammast út í aðra flokka.