Átökin innan Frjálslynda flokksins magnast

Tveir dagar eru þangað til að kosið verður á milli Margrétar Sverrisdóttur og Magnúsar Þórs Hafsteinssonar um varaformennsku Frjálslynda flokksins. Átökin innan flokksins magnast sífellt og verða æ meira áberandi. Mikla athygli hefur vakið að allir forystumenn Frjálslyndra í borgarstjórnarflokki flokksins hafa lýst yfir afgerandi stuðningi við Margréti, sem er varaborgarfulltrúi.

Það greinilega féll varaformanninum illa og hann talaði um að forystan í Reykjavík hefði klúðrað því að komast í meirihluta. Nú hefur Ólafur F. Magnússon svarað því í harðorðri yfirlýsingu þar sem að segir orðrétt: "Það er afleitt að vegið sé að flokkssystkinum með slíkum hætti og lítið gert úr störfum þess fólks sem af alúð hefur haldið á lofti málstað Frjálslyndra í borginni með miklum árangri á undanförnum árum."

Það stefnir í líflega helgi hjá frjálslyndum. Margir spyrja sig að því hvort að gróið geti um heilt milli aðila. Það er vandséð, enda hafa átökin verið mjög djúpstæð og harðvítug. Formaður flokksins er í harðri kosningabaráttu fyrir Magnús Þór og merkilegt að sjá hvernig hvernig hann geti verið sterkur formaður með varaformann sér við hlið sem hann hafi unnið gegn með áberandi hætti vinni Margrét. Ofan á allt annað blasir við að Sverrir Hermannsson eigi nafn flokksins og geti því jafnvel farið með það með sér ef flokkurinn klofnar tapi Margrét.

Framkvæmd landsþings frjálslyndra er merkileg vissulega. Ekki þarf kjörbréf til að sitja fundinn og því greinilega nóg að vera flokksbundinn til að mæta þar og kjósa. Þetta stendur því allt og fellur með smölun. Greinilegt er að grimmt verði smalað og erfitt að spá á hvorn veg þetta muni fara. Allavega verður fróðlegt að sjá á hvorn veg fer - umfram allt hvað gerist eftir kosninguna.

„Ósannindum um borgarstjórnarflokk Frjálslyndra mótmælt“

Athugasemdir

[Almar, 25.1.2007 kl. 10:17]

Það er ekki rétt sem kemur fram í í pistli þínum að Sverrir Hermannsson eigi nafn flokksins eins og fjölmiðlar og aðrir hafa verið að fjalla um upp á síðkastið, lyktar langar leiðir að fréttamenn hafa ekki unnið vinnuna sína og leitað til sér fróðari manna um einkarétt á nöfnum og vörumerkjum, skrifaði pistil um þetta í vikunni sem sjá má hér:

[Heimir Lárusson Fjeldsted, 25.1.2007 kl. 10:25]

Árgjald þarf að greiða kr. 2000 eftir því sem varaformaðurinn upplýsti í útvarpsviðtali í gær þar sem hann hraunaði yfir Margréti og hina í borgarstjórnarflokknum.

Mannskemmandi félagsskapur.

[Sigrún Sæmundsdóttir, 25.1.2007 kl. 16:01]

      Eitthvað hafa þeir á samviskunni Guðjón og Magnús Þór, því ef eitthvað er sagt um Frjálslyndaflokkinn  þá taka þeir það sem persónulga árásir á sig. Yfirlýsingar þeirra  um hinn frjálslynda-flokkinn, frjálslynda-borgatrstjórnarflokkinn,  eru ornar svo reifarakendar að það hálfa væri nó. 

   Þeir tveir tala alltaf eins og þetta séu 2 flokkar með sitt hvorar áheyrslur. Þeir eru í frjálslynda-þinflokknum. Hvorugur er að vinna sér atkvæði með þessu. Þeir eru komir í svo mikla vörn að það er pínlegt að horfa á, og til skammar fyrir Guðjón að sleppa sér svona hvað eftir annað. Mér hefur alltaf fundist að formaður ætti að vera samnefnari fyrir flokk sinn, fyrirmynd flokksins, en það er hann svo sannalega ekki.