Gott framtak hjá Bubba og Geir

Mér finnst það gott framtak hjá Bubba Morthens að boða til tónleika gegn fordómum gegn útlendingum, sem hafa grasserað að undanförnu og sést t.d. á vefsíðum. Það styrkir baráttuna að Geir H. Haarde, forsætisráðherra, skuli veita stuðning sinn með því að taka lagið á tónleikunum.

Það er full þörf á að ræða málefni innflytjenda, en það verður þó að gerast án fordóma og kuldalegra orða í garð eins tiltekins hóps, eins og sést hefur í garð Pólverja að undanförnu. Það er ekki þörf á fordómafullri umræðu og eðlilegt að tala gegn henni. Forsætisráðherrann á hrós skilið fyrir framlag sitt.

Forsætisráðherra ætlar að taka lagið

Athugasemdir

[Ásdís Sigurðardóttir, 13.2.2008 kl. 21:24]

Ábyggilega gott framtak, það þarf að stoppa þetta hatur.

[Jón Reynir, 13.2.2008 kl. 21:32]

Inn með útlendinga. Út með íslendinga.

[Linda Linnet Hilmarsdóttir, 13.2.2008 kl. 21:52]

Við erum öll manneskjur,af holdi og blóði og komum öll af sama stað og endum öll á sama stað og við eigum öll að geta lifað saman í sátt og samlyndi við Guð og menn,og það er nauðsynlegt að kenna börnum okkar að enginn er yfir öðrum hafin og við erum öll sérstök og einstök.

[Jóhann Hannó Jóhannsson, 13.2.2008 kl. 22:21]

Án öfga, þarf að stöðva þetta rugl, með málefnalegri umræðu og fræðslu. Tek undir það að framtakið er frábært hjá þessum höfðingjum tveimur.

[Haraldur Haraldsson, 14.2.2008 kl. 10:30]

Honum Geir Haarde Foringja okkar er margt til lista lagt/Halli  gamli

[Brynja skordal, 14.2.2008 kl. 12:37]

Bubbi klikkar ekki

[Brjánn Guðjónsson, 14.2.2008 kl. 14:36]

Vel mælt Linda!