Ísland á ÓL - glæsilegur sigur á Svíum

Mikið innilega var það nú sætt og gott að sjá íslenska liðið sigra það sænska í kvöld í Póllandi og komast þar með á Ólympíuleikana í Peking í sumar. Þetta er góð hefnd fyrir rasskellinn sem þeir veittu okkur á EM í janúar, sem var skelfilegur leikur hjá okkur og markaði ekki gott mót fyrir okkur. Því er þetta svo góður sigur, einkum í ljósi þess.

Þetta er sannarlega langþráður íslenskur sigur gegn Svíum og bætir upp katastrófuna sem við upplifðum er við mættum þeim síðast. Er svo beinlínis fyndið að sjá Svíana kvarta yfir að hafa ekki fengið dæmt eitt markið sitt. Þetta væl hljómar sem síðasta hljóðið í þjálfaranum þeirra, sem var rekinn eftir tapið. Væntanlega er Faxi hinn margþekkti að verða þjálfarinn þeirra. Skiptir svosem ekki máli. Þetta er sætt fyrir okkur og Svíar hafa gott af því að sleikja sárin sín.

En til hamingju strákar. Ykkur tókst að vekja aftur áhugann á handboltanum og það var glaðst í hverri stofu landsins er sætið til Peking var tryggt. Vonbrigðin eftir EM eru gleymd og nú verður horft af áhuga á ólympíuhandbolta í sumar.

Svíar kvarta en kæra ekki

Athugasemdir

[Marinó G. Njálsson, 1.6.2008 kl. 22:55]

Samkvæmt sumum sænskum fjölmiðlum, þá eru menn hættir við að reka þjálfarann.

Annars voru Svíar byrjaðir að undirbúa sig fyrir áfall, þar sem lesa mátti í sænsku pressunni í dag að leikurinn hafi verið 88. leikur Kim Andersson á 326 dögum.  Það var greinilegt í keppninni að Kim var svipur hjá sjón og skoraði heil 3 mörk.  Öll á móti Argentínu.  Sjálfur segir Kim "Sinnessjukt system" í viðtalið við Aftonbladet.

[Jón Bóndi (IP-tala skráð) 1.6.2008 kl. 23:20]

....þar sem strákarnir munu standa sig eins og aumingjar eins og þeim einum er lagið!