Geir tekur skellinn - persónulega hrunið

Ég verð að segja eins og er að álit mitt á Geir H. Haarde er ekki mikið eftir yfirlýsingu kvöldsins. Hafði mikla trú á Geir og kaus hann af góðri trú sem formann Sjálfstæðisflokksins á landsfundi 2005 og taldi hann mikinn sómamann sem tæki aðeins grandvarar og réttar ákvarðanir. Ég hef oft borið blak af honum. Það álit er í besta falli stórlega skaddað eftir þetta, ella hrunið algjörlega. Mér finnst ekki hægt að verja hann framar eftir þetta.

Þessi vinnubrögð, styrkveitingin og allar hliðar þess, er skólabókardæmi um siðleysi og vilji Geir taka ábyrgð á því tekur hann á sig fallið sem því fylgir af minni hálfu. Svo er það nærtækasta skýringin að Geir sé að taka skellinn mikla fyrir aðra sem unnu í umboði hans og enn eru á sviðinu. Ill örlög eru það.

Ný forysta Sjálfstæðisflokksins klárar málið annars með sóma og er þeim til mikils vegsauka. Þar er tekið fumlaust af skarið og málið klárað, eins og ég vonaðist eftir. En menn verða að marka sér siðferði og taka af skarið í þeim efnum en ekki falla í sukkpyttinn.

Geir segist bera ábyrgðina

Athugasemdir

[Eggert Hjelm Herbertsson, 8.4.2009 kl. 20:49]

Geir er bara að fórna sér fyrir lélegan málstað - hann er hættur hvort eð er.

 Menn eru þjófar þótt þeir skili peningum.

[Margrét Sigurðardóttir, 8.4.2009 kl. 20:51]

Hvernig er forystan að klára málið með sóma? Mikill vegsauki? Hvernig skilur þú þessi 2 orð, sóma og vegsauka?

[Guðmundur Guðmundsson (IP-tala skráð) 8.4.2009 kl. 20:57]

Hvort eigum við að hlæja eða gráta?

„Svo er það nærtækasta skýringin að Geir sé að taka skellinn mikla fyrir aðra sem unnu í umboði hans og enn eru á sviðinu. Ill örlög eru það.

Ný forysta Sjálfstæðisflokksins klárar málið annars með sóma og er þeim til mikils vegsauka. Þar er tekið fumlaust af skarið og málið klárað, eins og ég vonaðist eftir.“

Nú skulum við nota ímyndunaraflið augnablik. Gæti það hugsast að „nýja forystan“ (Þogerður Katrín...) hafi skapað Geir þessi illu örlög?

[Gestur Guðjónsson, 8.4.2009 kl. 21:04]

Geir fórnar sér fyrir flokkinn. Trúir þú því eina mínútu að hann hafi einn vitað af þessum framlögum?

[Hrannar Baldursson, 8.4.2009 kl. 21:18]

Ég á bágt með að trúa því að þetta komi þér á óvart miðað við það sem á undan er gengið, spilling í ráðningum dómara, sakamaður á þingi eftir að hafa fengið uppreist æru frá samflokksfélögum, fjármálaráðherra meðeigandi í fjármálastofnun sem fær sérstakt loforð um hjálp... þetta er það sem poppar fyrst upp í hugann.

[Steingrímur Helgason, 8.4.2009 kl. 21:56]

Ja, núna vildi hann perzónugera vandann, frekar en 'haardera' ?

Ekki trúverðugt.

[Hjálmtýr V Heiðdal, 8.4.2009 kl. 21:58]

„Þar er tekið fumlaust af skarið og málið klárað, eins og ég vonaðist eftir.“

Búið og dautt. Geir farinn með alla skömmina og sólin skín á ný í Valhöll.

Þið eruð skemmtilegir sjálfstæðismenn. Verst hvað grínið ykkar er þjóðinni dýrkeypt.

[Guðmundur Guðmundsson (IP-tala skráð) 8.4.2009 kl. 22:25]

Hvort eigum við að hlæja eða gráta?

„Svo er það nærtækasta skýringin að Geir sé að taka skellinn mikla fyrir
aðra sem unnu í umboði hans og enn eru á sviðinu. Ill örlög eru það.

Ný forysta Sjálfstæðisflokksins klárar málið annars með sóma og er þeim til
mikils vegsauka. Þar er tekið fumlaust af skarið og málið klárað, eins og
ég vonaðist eftir.“

Nú skulum við nota ímyndunaraflið augnablik. Gæti það hugsast að „nýja
forystan“ (Þogerður Katrín...) hafi skapað Geir þessi illu örlög?

[Sigurður Ingi Jónsson, 8.4.2009 kl. 22:48]

Við skulum ekki persónugera þetta mál. Leyfum flokknum öllum að taka þetta á sig.

[JR (IP-tala skráð) 8.4.2009 kl. 23:50]

Það hefur margur skrifað á blogginu að Davíð hefði hitt og þetta á stjórnmálamenn !

Davíð ýjaði sjálfur að slíku í viðtölum .

Er þetta ástæðan fyrir því að Geir gat ekki rekið seðlabankastjóran Davíð Oddsson ?

[annag (IP-tala skráð) 9.4.2009 kl. 00:10]

Maður getur alltaf á sig blómum bætt!

Aumingja Geir er blóraböggull alls ills í FLokknum. Hver trúir svona rugli?

FLokksmenn viðurkennið þið bara hvers konar fólk þið eruð!

[Bjarni G. P. Hjarðar, 9.4.2009 kl. 00:22]

Við skulum ekki persónugera vandann...  Baráttukveðjur til Geirs.

[steina (IP-tala skráð) 9.4.2009 kl. 01:16]

Ertu galinn, heldurðu virkilega að Geir hafi verið sá eini sem vissi þetta, við erum að tala um 30 milljónir ekki 30,000.- ef svo er þá er rekstur sjálfstæðisflokksins eitthvað skrýtinn, enginn gjaldkeri, enginn bókhaldari BAra Geir.      "Ný forysta Sjálfstæðisflokksins klárar málið annars með sóma og er þeim til mikils vegsauka    Þar er tekið fumlaust af skarið og málið klárað, eins og ég vonaðist eftir"   Þetta er nú eiginlegast fyndnasta setning sem ég hef lesið   Að láta Geir taka skömmina er það huglausasta og lélegasta sem ég hef séð lengi og á þessum tímum er það ansi mikið.

[Ingólfur, 9.4.2009 kl. 01:18]

Stebbi,

Trúir þú því í alvöru að Geir hafi einn vitað af tugmilljóna mútugreiðslum sem skyndilega voru komnar inn á reikning flokksins?

Heldurðu virkilega að FL-okkurinn sé saklaus í þessu?

[Gunnar Gunnarsson (IP-tala skráð) 9.4.2009 kl. 03:24]

Skín það ekki í gegn.....

[Kjartan Pétur Sigurðsson, 9.4.2009 kl. 06:15]

Ef engin veit neitt hjá flokknum um þessar 55 milljónir nema einn maður, að þá verð ég að segja að völd viðkomandi eru mikil til að ráðskast með það fé!

[Valsól (IP-tala skráð) 9.4.2009 kl. 06:51]

Þetta er bara öfug smjörklýpa hjá Geir til að bjarga flokknum sínum, flokknum sem hann trúir meira á en æru sína. Sérðu ekki núna hversu sjúkt þetta er, menn fórna sjálfum sér fyrir FLOKKINN. Sérðu ekki núna að þessi flokkur er orðin svo óheiðarlegur eftir langa valdasetu að það er algjörlega komin tími til að hvíla þennan flokk og reyndar væri rétt að leggja flokkinn niður í þeirri mynd sem hann er núna. Ég get ekki skilið hvernig heiðarlegt fólk getur lagt lag sitt við þennan flokk með því að kjósa hann. Ég hef sjálur sagt það á mínu bloggi að ef Samfylkingin opnar ekki bókhald sitt þá segi ég mig úr Samfylkingunni, ég myndi aldrei heiðarleika míns vegna kjósa flokk sem væri uppvís af svona löguðu, en svo er auðvitað mismunandi hvar menn setja sín siðferðilegu mörk. Hvar setur þú þín mörk Stefán?

[Jón Árnason (IP-tala skráð) 9.4.2009 kl. 08:05]

Álit þitt á Geir hefur beðið hnekki?  Ég hélt það þú værir blár í gegn en nú kemur í ljós að þú ert algjörlega grænn.  Þú trúir því í barnslegri blindni og algjörri afneitun að Geir sé eini maðurinn sem hafi vitað af þessu.  Ætlarðu ekkert að fara að hugsa út fyrir litla bláa kassann þinn?

[Snæbjörn (IP-tala skráð) 9.4.2009 kl. 08:31]

Geir tekur á sig sökina. Guð blessi Geir!

[Stefán Stefánsson, 9.4.2009 kl. 10:00]

Það er náttúrulega fáránlegt og barnalegt að reyna að telja fólki trú um að fleiri en Geir hafi ekki vitað um þetta. Hann er bara hættur og þá þorir hann að viðurkenna hluti og meira segja gagnrýndi hann Davíð um daginn sem aldrei skeði áður............

En nú er þessi spilling komin upp á borðið hjá Sjálfstæðisflokknum..... hvernig skyldi þetta vera hjá Samfylkingunni? Trúlega á eitthvað misjafnt eftir að koma í ljós þar á bæ..

[loki (IP-tala skráð) 9.4.2009 kl. 10:02]

Fín færsla hjá þér, og raunverulega í fyrsta skiptið sem ég sé Sjálfstæðismann ræða ástandið í flokknum með gagnrýni,  og viðurkenna að spillingarpottur sjálfstæðismanna hafi verið taumlaus undanfarin ár.

 Ég tek undir það að forystan gerði rétt með því að skila peningunum og ekkert vera verja hlutina, enda óverjanlegir.

 En Bjarni verðu að  losa sig við Þorgerði, ef hann ætlar að fá fólk til að kjósa sig, fyrir fólk er Þorgerður Katrín andlit taumlausar eiginhagsmunaspillingu, og fólk fyrirgefur henni ekki, þó að hún sé kona 

[Kristján Hrannar Pálsson, 9.4.2009 kl. 11:03]

Ég vitna nú bara í Geir sjálfan fyrir síðustu kosningar í auglýsingarherferð ykkar sjálfgræðismanna: "Því þegar öllu er á botninn hvolft er traust fjármálastefna stærsta velferðarmálið."

Þið ættuð að drulla ykkur til Sikileyjar.

[Benedikt Sigurðarson, 9.4.2009 kl. 11:08]

Líklega hefur þú farið aðeins framúr þér Stefán . . . . Geir er auðvitað ekki einum um að kenna . . og kannski ekki um að kenna . . þó hann taki á sig höggið eftir því sem hann getur; til að hlífa öðrum

Það er nefnileg rétt hjá Sigurði Inga að þetta er ekki hægt að "persónugera" . . Flokkurinn ber ábyrgðina þó líklega verði alveg óhjákvæmilegt að refsa einstaklingum á sviðinu.

Guðlaugur Þór er væntanlega úr sögunni . . . (með Illuga vegna sjóða Glitnis). . . og því ekki glæsilegt að flokkurinn missi leiðtoga sína í Reykjavík rétt fyrir kosningar.

Nú eru dagar þess minnis sem Davíð beindi sjónum að á Landsfundinum um daginn - - til lítillar fremdar fyrir hann sjálfan.   En mér sýnist ljóst að það voru bara ræningjar  og handbendi þeirra sem lögðu á ráðin innan og í kring um Sjálfstæðisflokkinn . . . og enginn "frelsari" til að krossfesta "hreinan og saklausan"

Þetta mál er vont fyrir okkur öll og vont fyrir pólitíkina og viðskiptalífið; - en á sama hátt algerlega tímabært að fletta ofan af því og öllum öðrum slíkum.

Hvar er nú Styrmir? og hans heilagleiki Matthías (sem skrifaði óþverra og róg um Ingibjörgu Sólrúnu  í Lesbók Morgunblaðsins um síðustu helgi)

[Rúnar (IP-tala skráð) 9.4.2009 kl. 12:01]

Sjáið hvað þeir fara létt með að klína þessu öllu á Geir.  Maðurinn er í læknismeðferð út í Hollandi og liggur vel við.  Svaka hreinsun.  Svo er Gulli "kveikti í sjálfum sér" bara glaður og kætu með öllum hinum.  Held að landsmenn ættu að setja Sjallanna í góða hreinsun.  Þvílik skömm af þessu liði.

[Stefán Friðrik Stefánsson, 9.4.2009 kl. 12:08]

Þakka kommentin.

Geir ber á þessu fulla ábyrgð og getur ekki flúið undan því, þó greinilegt sé að fleiri séu sekari en hann. En Geir lét þessi siðlausu vinnubrögð viðgangast. Það er stóri glæpurinn hans. Ég vil losna við þessa klíku alla.

[Einar Karl, 9.4.2009 kl. 14:26]

Ég vil losna við þessa klíku alla

Margir kjósendur munu vera þér sammála, og munu einfaldlega útiloka D-ið í kosningunum.

[Stefán Friðrik Stefánsson, 9.4.2009 kl. 14:29]

Ég er að tala um klíkuna sem var í kringum Geir, nánustu hjörð hans. þessi vinnubrögð eru hennar. Gróðamennirnir sem hengdu sig utan á þennan hóp voru siðlausir og vinnubrögðin síðustu tvö til þrjú árin eru það líka. Gleymum ekki hörðum innanflokksdeilum og því að þessir aðilar komu og dældu inn peningum eftir að Björn og Kjartan urðu undir innan flokksins. Enn eru kjaftasögur um að auðmenn hafi dælt peningum í prófkjörsslag Guðlaugs. Gleymum því ekki. Við verðum að skoða heildarmyndina til að skynja umfangið.

[Stefán Friðrik Stefánsson, 9.4.2009 kl. 14:30]

Bensi: Ég sagði í pistlinum að Geir væri að fórna sér fyrir aðra. Lestu þetta aftur. Hitt er svo annað mál að Geir brást. Ég stend við þessi skrif. Ég er búinn að missa allt álit á þessum manni.

[Valsól (IP-tala skráð) 9.4.2009 kl. 16:03]

Svo elskaði Geir Sjálfstæðisflokkinn að hann gaf æruna svo flokkurinn fengi eilíft líf.

[Adda Laufey , 10.4.2009 kl. 11:41]

ég er ekki viss um að xd fái mitt atkvæði eftir þetta.en góður pistill og gleðilega páska!