Mun Gunnar sitja áfram á bæjarstjórastóli?

Eins og staðan er í Kópavogi yrði ég ekki hissa á því að niðurstaða sjálfstæðismanna í Kópavogi yrði að standa og falla með leiðtoganum Gunnari Birgissyni. Hann færi í veikindaleyfi og myndi bíða og sjá til. Látið yrði reyna á stöðu hans síðar, hver vígstaðan sé í raun. Lögfræðiálit Lex gegn úrskurði Deloitte gefur til kynna að taka eigi baráttuna fyrir Gunnar.

Svo verður að ráðast hvort sjálfstæðismenn ná stuðningi við hann áfram á bæjarstjórastóli fram að næstu kosningum. Eitt hefur komið í ljós síðustu daga; samstaða næst ekki um annan bæjarfulltrúa í stólinn.

Er á hólminn kemur er erfitt að velja annan til verksins nema samstaðan sé algjör. Efast ekki um að Gunnar hefur fullan stuðning fulltrúaráðsins.

En þar ræðst framtíðin. Ekki verður hróflað við Gunnari eða valinn nýr leiðtogi nema fulltrúaráðið staðfesti þann gjörning.

Sjálfstæðismenn enn á fundi

Athugasemdir

[Ólafur Sveinsson (IP-tala skráð) 15.6.2009 kl. 22:06]

Málið snýst ekki um álit LEX eða Deloitte. það snýst um siðleysi og aðferðarfræði Gunnars.

[Magnús (IP-tala skráð) 15.6.2009 kl. 22:53]

Svo ég vitni í færslu frá þér frá 12.6:

Mér finnst það virðingarvert að Gunnar Birgisson hafi ákveðið að taka hagsmuni Sjálfstæðisflokksins og Kópavogsbæjar fram fyrir sína eigin og fallist á að víkja af bæjarstjórastóli.

Síðan segirðu í athugasemd fyrir sömu færslu:

Það er alveg ljóst að Gunnar mun hætta. Hann hefur ákveðið að víkja úr bæjarmálum á næsta bæjarstjórnarfundi.

15.6:

Sjálfstæðismenn hljóta að geta landað þessu máli traust.

Eru heimildirnar eitthvað farnar að klikka? Finnst þér þetta bera merki um að Sjálfstæðismenn séu að landa þessu máli traust? Varstu ekki sjálfur gagnrýninn á Gunnar Birgis og allt þetta fíaskó?

Hver er þín skoðun á þessu, finnst þér að Gunnar sé að axla ábyrgð og réttlætanlegt að niðurstaðan standi og falli með honum í  máli þar sem er deilt um hann? Miðað við frammistöðu Gunnars í Kastljósi í síðustu viku mun sá maður aldrei axla ábyrgð á þessu nema "með að leggja þetta í dóm kjósenda" í næstu kosningum. Fulltrúaráðið aldeilis að standa sig, getur ekki komið sér saman um eftirmann og neitar að axla nokkurra ábyrgð.

Sama hvað þetta lögfræðiálit segir (hver pantaði það?) þá eru þetta siðlaus vinnubrögð. Svona klíkuskapur og hyglingar eru ekki verjandi nú í dag. Kannski ekki ólöglegt en algjörlega siðlaust.

Ekki humma þig í gegnum hverja yfirlýsinguna á fætur öðrum frá þessu máli og bíða átekta eftir því hvaða línur flokkurinn leggur. Trúi ekki að þú sért sáttur við þessa framgöngu mála? Jú, reyndar... 

[ASE (IP-tala skráð) 15.6.2009 kl. 22:57]

Ég trúi varla uppá ykkur Sjálfstæðimenn að ætlið að samþykkja að þessi "táknmynd spillingar í stjórnmálum" sitji áfram sem bæjarstjóri.  Hafið þið virkilega efni á að sýna kjósendum ykkar og öðrum landsmönnum slíka óvirðingu eftir allt sem á undan er gengið?  Get bara ekki ímyndað mér að þetta verði flokknum ykkar til framdráttar.  Hvað segir nýji formaðurinn um þetta mál, eða er hann bara stikkfrí í þessu máli?  Aftur lítur skringilega út fyrir hann, ef hann getur ekki tekið á svona máli þá held ég mörgum finnist nýji formaðurinn ykkar ekki til stóræðana líklegur. 

Þú ert einn af fáum Sjálfstæðismönnum sem sé stundum gagnrýna flokkinn og hefur m.a. talið að Gunnar ætti að víkja.  Ertu að taka flokksbundna u-beygju í þessu máli?