Strokufangar frá Litla-Hrauni finnast

Öryggismál á Litla-Hrauni hljóta að verða til umræðu eftir að tveir fangar struku þaðan. Virðist flótti fanganna tveggja hafa verið á stolnum bíl er þeir komu af AA-fundi. Það má vel vera að það geti verið auðvelt að strjúka úr fangelsinu, en það getur varla verið eðlilegt. Það hlýtur að kalla á uppstokkun málefna fangelsisins þegar að fangar eru farnir að geta látið sig hvarfa með skipulögðum hætti af svæðinu.

Vissulega á fangelsi að vera betrunarvist. Það eru samt sem áður deildar meiningar um það. Dauðsfall tveggja fanga nýlega hefur kallað á umræðu um aðbúnað þar og eins hlýtur að vera rætt um öryggismálin núna. Veit ekki betur en að þar hafi verið hert á verkferlum, svo að það geti hreinlega ekki gerst að fangar flýi eða komist undan. Eitthvað virðist að í því. Það má vel vera að einhverjar glufur séu í öryggismálum og verður að taka á því.

Það er þó ánægjulegt að fangarnir hafi fundist, enda er flestum ljóst að fangar geta ekki falist lengi eftir flótta sinn alla jafna. En það hlýtur að vera spurt að því hversu stórar glufurnar á Litla-Hrauni eru fyrir fanga sem eru í þeim hug að láta sig hverfa.

Strokufangarnir fundnir

Athugasemdir

[Ásdís Sigurðardóttir, 3.10.2007 kl. 13:47]

Takk fyrir góðar kveðjur Stebbi. Landið okkar er of lítið til að fela sig á til lengdar.

[Gísli Baldvinsson (IP-tala skráð) 3.10.2007 kl. 14:09]

Minnir á söguna þegar spurt var eftir einum fanga á Hrauninu fyrir nokkrum áratugum: "Nei, hann er ekki við...hefur ekki látið sjá sig í nokkra daga..svei mér þá."

[Kristín Björg Þorsteinsdóttir, 3.10.2007 kl. 14:56]

Fengu þeir bílinn lánaðann til að fara á fundinn?  Minnir í söguna þegar fangar fengu að fara á bíó á Selfoss með þeim orðum að ef þeir væru ekki komnir fyrir ellefu þá yrðu þeir lokaðir úti......

[Stefán Friðrik Stefánsson, 3.10.2007 kl. 15:01]

Frábærar sögur Gísli og Kristín. Skemmtilegur húmorinn að því er virðist hjá fangavörðunum. :)

Já, vonandi gengur vel hjá þér Ásdís mín. Sendi góðar kveðjur til þín.

mbk.