Af hverju á að banna sjálfráða fólki að tjalda?

Mér finnst það afleitt þegar að yfirvöld vilja meina sjálfráða fólki að tjalda á stórhátíðum á þeirri forsendu einni að kannski minnki fylleríið og ástandið verði betra með því. Eitt er að banna ólögráða ungmennum að gista á tjaldsvæðunum en þetta er mun verra. Fyrir ári gagnrýndi ég mjög sambærilega ákvörðun bæjaryfirvalda hér á Akureyri, en hún varð mjög umdeild og ég er enn sannfærður um að þar hafi feilspor verið stigið sem ekki var þeim til frægðarauka og var illa að því staðið að öllu leyti.

Ég hef hvergi á nokkrum vettvangi sem ég hef fylgst með og heyrt rökstuðninga með og á móti þessum fáránlegu aldurstakmörkum heyrt þeirri spurningu svarað af hverju mörkin voru sett við 23 ára aldur. Af hverju ekki 22 ára, nú eða 24 ára, eða kannski 25 ára? Þessi tala meikar verulega lítinn sens í huga mér og hef ég velt þessu máli verulega fyrir mér. 20 ára aldurstakmark hefði kannski verið skiljanlegt að vissu marki vegna áfengiskaupaaldurs, þó að það sé samt á gráu svæði í huga margra.

Ég stóð í þeirri trú fyrir verslunarmannahelgina í fyrra að tekin hefði verið sú ákvörðun að hafa aldurstakmarkið 18 ár. Enda var það í sjálfu sér varla svo fáránlegt viðmið. Við erum öll sjálfráða 18 ára og getum gert flest það sem okkur dettur í hug. Það að taka ákvörðun um að fara til Akureyrar og dvelja þar yfir helgi telst varla ólöglegt þegar að maður hefur náð átján ára aldri og getur sett sér sínar lífsins reglur að mestu leyti sjálfur með tilliti til lagabókstafsins í það minnsta.

Það að fá sér í glas ætti líka að vera eigin ákvörðun á þessum aldri. Það leiðir vissulega hugann að því hversvegna áfengiskaupaaldri hefur ekki verið breytt og hann settur við hlið 18 ára aldurs. Það fór mjög í taugarnar á mér að Sjálfstæðisflokkurinn á Akureyri stóð að því að setja slík aldursviðmið. Bæjarfulltrúar flokksins hafa ekki enn réttlætt þessa ákvörðun með alvöru rökum og satt best að segja efast ég um að þeir hafi allir verið spurðir áður.

Nú eru aðrir að apa sömu vitleysuna upp og allt á þeirri forsendu að öllum á aldrinum 18-23 ára sé ekki treystandi til að fara á tjaldsvæði á stórhátíðum. Eðlilegt er að spyrja hvort að sjálfræðisaldurinn sé ekki marktækur í 18 árum. Ef ekki á að hækka hann sennilega til að þóknast þeim sem vilja færa viðmiðin annað.

Yngri en 23 ára bannað að tjalda nema í fylgd með fullorðnum

Athugasemdir

[Alexandra (IP-tala skráð) 14.5.2008 kl. 15:04]

mér þætti mjög sniðugt ef sjálfræðisaldurinn færi í 20 ára eins og áfengisaldurin. Þeir sem fara í framhaldsskóla útskrifast líka oftast þá. Sjálf er ég næstum 19 ára og ég hefði ekkert á móti því að hafa aldurinn 20 ára.

Ég drekk ekki en ég veit alveg að 18 ára einstaklingar kunna ekki að vera að með áfengi þannig að ég skil alveg þetta bann. en þetta eyðileggur fyrir einstaklingum sem vilja kannski fara á hátið en ekki drekka og eru með börn.

[Ásgrímur Hartmannsson, 14.5.2008 kl. 15:05]

Löggjöf (boð & bönn) er bara eitthvað, oftast.  Ætli þetta sé ekki eins og með hámarkshraðann, það er bara 90, "bara af því".  Þeir hafa sennilega skoðað einhverjar tölur frá því síðustu hátíð, og bara gert eitthvað byggt á þeim - í einhverri þoku.

Það er til betri aðferð - sem kom fram einusinni fyrir slysni: borgum ekki út örorku & atvinnuleysisbætur fyrr en viku eftir hátíðir.  Það svínvirkar.

[Sigurbjörn Friðriksson, 14.5.2008 kl. 16:31]

Það er eitt sem þarf að skilja, að til að hafa lög og reglur í lagi, þá þarf stundum að koma böndum á kringumstæðurnar.  Skemmtilegur enskur málsháttur: "Til að búa til eggjaköku, þá þarf að brjóta nokkur egg." ("To make an omelett, you need to break few eggs.")  Þá er ýmislegt gert sem fólk þar einfaldlega að sætta sig við.  Hraðatakmarkanir á þjóðvegum eru ekki sett heiðvirðum ökumönnum til höfuðs, heldur hinum bjánunun sem aka eins og fábjánar.  En það þurfa allir að fara eftir þeim reglum!

Með vinsemd og virðingu, Björn bóndi.

[Haraldur Haraldsson, 14.5.2008 kl. 16:44]

Sammála þarna Friðrik,þetta er ekki það sem við viljum!!!!!/Kveðja Halli gamli

[Gísli Baldvinsson (IP-tala skráð) 14.5.2008 kl. 16:50]

Þetta kemur ekki fyrir aftur á Akureyri...

[Sigurður Viktor Úlfarsson, 14.5.2008 kl. 18:17]

Það er auðvitað afleitt að þurfa að gera þetta en það virkaði í fyrra - um það er ekki deilt.  Mörg árin á undan var búið að kvarta yfir látunum en enginn búinn að þora að taka af skarið og gera eitthvað í málinu.  Næsta skref finnst mér er að prófa t.d. 22 ára í ár og athuga hvort það hafi sömu áhrif.  Síðan slaka á smám saman árlega þangað til punktinum er náð.  Markmiðið hlýtur að vera að hafa þetta opið fyrir eins marga og mögulegt er.

Þótt einhver sé sjálfráða þá leyfir þú honum ekki að koma aftur og aftur inn til þín ef hann rústar íbúðinni þinni í hvert skiptið.  Sjálfráða fólk verður að haga sér sem slíkt ef það vill fá að njóta réttinda sinna.  Öllum réttindum fylgja líka skyldur.

Ég tek hins vegar heilshugar undir að það er auðvitað afleitt að þurfa að gera þetta.

[Stefán Friðrik Stefánsson, 14.5.2008 kl. 18:24]

Þakka kommentin.

Gísli: Rétt er það, Gísli minn, þetta verður ekki gert aftur. Menn lærðu sína lexíu hér.

Sigurður Viktor: Þetta virkaði ekki vel, enda var ákvörðunin umdeild og margir voru mjög illir í baklandi þeirra sem tóku þessa ákvörðun. Enda verður þetta ekki aftur gert hér. Finnst sjálfsagt að leggja af sérstök ungmennatjaldsvæði en það er afleitt að banna sjálfráða fólki að fara á tjaldsvæði. Heiðarlegt mat og ég held að það séu flestir hér á þessari skoðun.

mbk.

[Fannar frá Rifi, 14.5.2008 kl. 18:55]

Stenst þetta stjórnarskrá?

Þetta er mismunum á lögráðum einstaklingum. Þetta er gróft brót á jafnræðisreglu stjórnarskrár Íslands.  

[Haraldur Davíðsson, 14.5.2008 kl. 19:17]

Var ekki ein af ástæðunum fyrir þessu í fyrra á Akureyri sú, að illa hafi gengið með gæslu árið áður? Makalaust að menn hysji ekki upp um sig brækurnar frekar en að fara út í sovétskar aðferðir við fólksstýringu. Ef ég man rétt var tap verslunar og þjónustu á Akureyri metið á uþb 700 milljónir. Gaman væri að fá tölur frá Akranesi. Forsjárhyggja af þessu tagi er forneskjuleg og ekki í neinum tengslum við nútímann. Annars er gaman að því, að nú hljóta allir upp að 23 ára aldri að vera komnir úr lögsögu lögreglu. Þetta eru jú börn.

[Halldór Sigurðsson, 14.5.2008 kl. 21:57]

65. gr. [Allir skulu vera jafnir fyrir lögum og njóta mannréttinda án tillits til kynferðis, trúarbragða, skoðana, þjóðernisuppruna, kynþáttar, litarháttar, efnahags, ætternis og stöðu að öðru leyti.

[Bjarki Hilmarsson (IP-tala skráð) 14.5.2008 kl. 22:25]

Sigurður Viktor, hvað villtu gera næst?  Banna öllum að keyra bíl vegna þess að nokkrir keyra of hratt eða keyra fullir?    Væri ekki gáfulegra að taka út þá einstaklinga sem eru með vesen frekar en að dæma allann hópinn?  Ég var orðinn fjölskyldufaðir fyrir 23 ára aldur og hefði samkvæmt þessu ekki mæta með konu og barn til að tjalda þarna, enda klárt mál að maður kemur ekki nálægt bæjarfélögum sem er stjórnað að fólki sem er svona illa farið í hausnum.

[Nebúkadnesar (IP-tala skráð) 15.5.2008 kl. 00:49]

Hvenær er maður fullorðinn og hvenær er maður ekki fullorðinn?

Ég varð fullorðinn þegar ég tók við fyrsta launaumslaginu mínu.  Þar var ritað nafn mitt, og upphæðin sem ég hafði unnið mér inn að frádregnum einhverjum opinberum gjöldum og svo upphæðin sem var eftir í umslaginu.  Ég var orðinn launamaður og borgaði mitt til ríkisins.  Þá var ég 12 ára.

Að vera fullorðinn kemur ekkert því við að vilja geta drukkið brennivín og bjór sjálfum mér og öðrum til leiðinda.  Mér finnst að fjölskyldufólk með börn, hafi full mannréttindi og eigi að hafa forréttindi að vera laus við rumpulýð á hátíðisdögum. 

Sjá myndband: http://www.youtube.com/watch?v=Do2Kt0XrbTQ