Fínn þáttur hjá Birni Inga - Egill fær samkeppni

Ég má til með að hrósa Birni Inga Hrafnssyni fyrir nýjan spjallþátt sinn á laugardagsmorgnum. Horfði á þáttinn af miklum áhuga og fannst margt þar bæði mjög áhugavert og gott. Viðtal Björns Inga við yfirmann sinn, Þorstein Pálsson, ritstjóra Fréttablaðsins og fyrrum forsætisráðherra, var tvímælalaust hápunktur þáttarins, en þar talaði Þorsteinn í Evrópuátt um stöðuna og sendi margar pillur í Seðlabankann, til mannsins sem felldi hann af formannsstól Sjálfstæðisflokksins.

Egill Helgason hefur til þessa ekki fengið verðuga samkeppni í spjallþáttum hérlendis, nema mögulega síðasta árið með þátt Sigmundar Ernis, Mannamáli. Þessi þáttur er mjög vandaður og vel gerður og er sannarlega upp að hlið Silfursins ef haldið verður áfram með svipuðum brag og var í morgun. Við sjónvarpsáhorfendur hljótum að fagna því að fá fleiri trausta spjallþætti um pólitík og viðskipti.

Mér finnst það reyndar skondið að þátturinn byrji í dag. Ár er í dag liðið frá því að Björn Ingi sleit meirihluta Sjálfstæðisflokks og Framsóknarflokks og var örlagavaldur í borgarmálunum. Sá meirihluti sprakk því ekki var full samstaða um að rétta útrásarvíkingunum beinan aðgang í orkuauðlindir þjóðarinnar.

En það er önnur saga....

Athugasemdir

[Sigurður Þórðarson, 11.10.2008 kl. 13:40]

Þorsteinn lætur ekkert tækifæri fram hjá sér fara til að koma höggi á Davíð.

[Þórarinn Þ Gíslason (IP-tala skráð) 11.10.2008 kl. 14:06]

Sæll .

Því mður náði ég bara í restina á þættinum en það sem að ég heyrði lofar góðu !

[Júlíus Valsson, 11.10.2008 kl. 14:26]

Egill er samt bestur.

[Stefán Friðrik Stefánsson, 11.10.2008 kl. 14:28]

Sammála því Júlíus. Það toppar enginn Egil. Þátturinn hans hefur líka verið lengi og staða hans orðin traust og afgerandi.