Dramatík í réttarsal

Það hefur heldur betur gengið á ýmsu í réttarsal í Héraðsdómi Reykjavíkur í dag. Mikil dramatík - Jóni Gerald vísað úr salnum af dómaranum, Arngrími Ísberg, á þeim forsendum að ákærðir væru ekki viðstaddir vitnaleiðslu yfir öðrum sakborningum. Jón Gerald mun eiga að koma fyrir dóminn eftir um tíu daga, en hann varð sjálfur sakborningur málsins á seinni stigum en hefur verið í miðpunkti þess frá upphafi.

Held að það sé rétt hjá mér að Baugsmálið sé fimm ára á þessu ári, þetta er orðið langvinnt mál; löng rannsókn og það hefur farið sem jójó á milli Hæstaréttar og Héraðsdóms Reykjavíkur, sem eru til húsa nærri á sömu torfunni í höfuðstaðnum. Flestir fylgjast með hvernig málinu lýkur. Þessi hluti málsins stefnir í að vera harður og fróðlegt að sjá hvernig umræðan verður á meðan.

Jón Ásgeir og Ingibjörg Pálmadóttir brugðu á leik í gær og mættu til dómshúss með Bónus- og Hagkaups-innkaupapoka upp á arminn - vissulega nokkuð snjallt PR. Þó að þetta mál sé orðið langdregið í huga margra Íslendinga og mjög teygt er fylgst vel með því svo sannarlega.

Það verður fróðlegt að sjá hvað gerist í Héraðsdómi og síðar fyrir Hæstarétti enda fer málið væntanlega þangað er á hólminn kemur.... og hvernig sem fer.

Jóni Gerald vísað úr réttarsal

Athugasemdir

[Guðfinnur Sveinsson, 13.2.2007 kl. 19:23]

Tek undir með síðasta  ræðumanni!

Mig grunar að þetta séu saklausir menn að lang flestu leiti og ef að það sé eitthvað í pokahorninu hjá þeim sé það eitthvað sem að lang flest fyrirtæki gætu verið sek um líka.

Fáránlegt að eyða peningum almennings í svona vonlaust mál með þann einn tilgang að eyðileggja orðspor baugsfeðga..