Er klámþingið umdeilda ólöglegt?

Væntanlegt klámþing í Reykjavík er hitamál nú í samfélaginu - sitt sýnist hverjum um það. Femínistar hafa tjáð andstöðu sína af miklum krafti og skorað á ríkisstjórn, þingmenn, borgarstjórn, lögreglustjóra höfuðborgarsvæðisins og ríkislögreglustjóra að koma í veg fyrir þinghaldið. Vísa femínistar til þess að landsmenn hafi ekki viljað fulltrúa skipulagðra samtaka lögbrjóta hingað og er koma Vítisengla hingað fyrir nokkrum árum til landsins nefnd í því samhengi.

Femínistar fullyrða að þinghaldið brjóti í bága við 210. grein hegningarlaga. Þar segir: "Ef klám birtist á prenti, skal sá, sem ábyrgð ber á birtingu þess eftir prentlögum, sæta sektum ...1) eða fangelsi allt að 6 mánuðum.
Sömu refsingu varðar það að búa til eða flytja inn í útbreiðsluskyni, selja, útbýta eða dreifa á annan hátt út klámritum, klámmyndum eða öðrum slíkum hlutum, eða hafa þá opinberlega til sýnis, svo og að efna til opinbers fyrirlestrar, eða leiks, sem er ósiðlegur á sama hátt."

Ef marka má þetta er þetta fundahald varla löglegt. Mikilvægt er að lögregluyfirvöld taki af skarið í þessum efnum. Vilhjálmur Þ. Vilhjálmsson, borgarstjóri, hefur nú tekið undir kröfur femínista um að fundurinn sé ekki áhugaverður og telur það í mikilli óþökk borgaryfirvalda að í Reykjavík verði haldið klámþing. Segir hann að það sé yfirlýst stefna borgarinnar að vinna gegn klámvæðingu og vændi.

Hefur borgarstjórinn hvatt lögregluembættið til þess að rannsaka hvort ráðstefnugestir kunni að vera framleiðendur barnakláms, eða annars ólögmæts klámefnis, ef það mætti verða til þess að koma í veg fyrir dvöl meintra kynferðisbrotamanna hér á landi.

Það verður fróðlegt að sjá hvað gerist nú en væntanlega minnka líkur á þessu þinghaldi og ef marka má hegningarlög er það ekki löglegt. Taka verður þá á því með þeim eina hætti sem fær er.

Ung vinstri-græn harma að íslensk fyrirtæki taki á móti klámframleiðendum

Athugasemdir

[Bergur Þorri Benjamínsson (IP-tala skráð) 17.2.2007 kl. 11:24]

Sammála þér Kristinn, það er hins vegar spurning með þá aðila sem hafa tilkynnt sig hingað og framleiða einhver viðbjóð eins og barnaklám. Það er þá bara handtaka þá við komuna til landsins og sitja þá í yfirheyrslu etv hjá Sigurði nokkrum.. hann hlýtur að geta tekið svoleiðis að sér :)

Hina á einfaldlega að láta í friði svo framarlega sem þeir gera ekkert ólöglegt af sér.

[Rúnar (IP-tala skráð) 17.2.2007 kl. 11:36]

jú auðvita er stefna allra að vinna gegn klámvæðingu sem er gott og gilt en ráðstefna í lokuðum fundarsal að banna það er eins og að ef ég vissi að einhver væri að horfa á klám ætti ég að hringja á yfirvöld og láta taka manninn ????

 svo er annað,  ef á að banna svona ráðstefnu þar sem engöngu komast útvaldir aðilar,  á þá ekki að banna lyfjaráðstefnur því það gæti komið illa við dópista ??

og einnig ráðstefnu um áfengi og tóbak, er ekki verið að míga í garðinn hjá sjálfum sér með að fara að banna eina tegund af ráðstefnum og leyfa aðra 

jú allt eftirlit er af því góða en hvaða áhrif haldið þið að það myndi hafa á þau fyrirtæki sem hugsanlega vildu halda árlega ráðstefnu hérna ef það mættu bara sumir halda þær og aðrir ekki,  ekki það að ég sé eitthvað að lofa og vegsama þennan iðnað  en það er bara þannig að við getum ekki sett einhvern á hraunið fyrir eitthvað sem hann GÆTI gert í framtíðinni, 

http://bjolli.blog.is/blog/bjolli/entry/125401/ var klausa sem er áhugaverð

[Rúnar (IP-tala skráð) 17.2.2007 kl. 11:36]

jú auðvita er stefna allra að vinna gegn klámvæðingu sem er gott og gilt en ráðstefna í lokuðum fundarsal að banna það er eins og að ef ég vissi að einhver væri að horfa á klám ætti ég að hringja á yfirvöld og láta taka manninn ????

 svo er annað,  ef á að banna svona ráðstefnu þar sem engöngu komast útvaldir aðilar,  á þá ekki að banna lyfjaráðstefnur því það gæti komið illa við dópista ??

og einnig ráðstefnu um áfengi og tóbak, er ekki verið að míga í garðinn hjá sjálfum sér með að fara að banna eina tegund af ráðstefnum og leyfa aðra 

jú allt eftirlit er af því góða en hvaða áhrif haldið þið að það myndi hafa á þau fyrirtæki sem hugsanlega vildu halda árlega ráðstefnu hérna ef það mættu bara sumir halda þær og aðrir ekki,  ekki það að ég sé eitthvað að lofa og vegsama þennan iðnað  en það er bara þannig að við getum ekki sett einhvern á hraunið fyrir eitthvað sem hann GÆTI gert í framtíðinni, 

http://bjolli.blog.is/blog/bjolli/entry/125401/ var klausa sem er áhugaverð

[Púkinn, 17.2.2007 kl. 11:50]

Púkanum finnst eins og þeir sem kalla þetta "þing" eða "ráðstefnu" hafi ekki kynnt sér dagskrána.

[Gísli Aðalsteinsson , 19.2.2007 kl. 09:19]

Ég get í raun tekið undir flest það sem að Ung Vinstri Græn segja og eðlilegt að mótmæla klámi og taka persónulega afstöðu gegn því en ég er hins vegar algerlega á móti því að stjórnvöld skipti sér af þessu ferðafólki nema að það brjóti lög hér á landi eða hafi brotið alvarlega af sér á Shengen svæðinu. Hvar eru nú öll vinstri græn sem börðust fyrir ferða- og málfrelsi Falun Gong? Eða á ferða- og málfrelsi eingöngu að vera fyrir þá sem að eru manni sjálfum þóknanlegir?