Konudagur

Ég vil óska öllum konum landsins innilega til hamingju með daginn.

Móðurbróðir minn, Helgi Seljan, fyrrum alþingismaður, er þekktur hagyrðingur og hann orti eitt sinn ljóðið Kvennaminni, sem er fallegt mjög, það eru 20 erindi - óður til kvenna. Birti hér nokkur erindi.


Konur okkur gleði gefa,
geta náð að hugga og sefa.
Dásamlegar utan efa
við að knúsa og kela,
kossum mætti stela.

Kostum ykkar karlar lýsa,
kannski á suma galla vísa,
fegurð ykkar frómir prísa,
færa lof í kvæði,
njóta ykkar í næði.

Ekki má ég einni gleyma,
yndi mínu og gleði heima.
Í hjarta mér sem gull vil geyma,
gjöfin lífsins besta.
Konan kostamesta.

Ykkur konum yl ég sendi,
á ástarþokkann glaður bendi.
Mínu kvæði í kross bendi,
kyssi ykkur í anda
enn til beggja handa.

Athugasemdir

[Eygló Þóra Harðardóttir, 18.2.2007 kl. 17:07]

Sæll Stefán,

takk fyrir kveðjuna.  

[halkatla, 18.2.2007 kl. 17:58]

takk fyrir! þetta er fyrsta svona kveðjan sem ég fæ í dag - sennilega sú síðasta líka

[Ester Júlía, 18.2.2007 kl. 18:03]

Takk innilega Stefán !  Og mikið er þetta vel samið kvæði..og skemmtilegt. Klár karl hann Helgi.