Klámþingsfulltrúum úthýst úr Bændahöllinni

Mikið líf hefur verið í bloggheimum og samfélaginu öllu eftir að forysta Bændasamtakanna ákvað að meina hópi fólks í klámbransanum um gistingu á Hótel Sögu eftir hálfan mánuð, dagana 7.-11. mars. Hiti hafði verið í samfélaginu að undanförnu vegna málsins og hótelið bognaði með athyglisverðum hætti eftir að borgarstjórn samþykkti þverpólitíska ályktun gegn klámráðstefnunni undir verkstjórn Vilhjálms Þ. Vilhjálmssonar, borgarstjóra.

Aðstandendur ráðstefnunnar bregðast harkalega við á vef sínum og tala þar um að hræsni sé hjá Íslendingum að leyfa hvalveiðar en leyfa ekki aðstandendum ráðstefnunnar að koma til landsins með eðlilegum hætti. Skotin ganga þar heldur betur og yfirlýsing ráðstefnuhaldaranna er ansi beitt orðuð. Greinilegt er að Hótel Saga vísar sérstaklega í ákvörðun sinni til þess sem borgaryfirvöld hafa sent frá sér um málið. Meirihluti Sjálfstæðisflokks og Framsóknarflokks í borgarstjórn Reykjavíkur tók á málinu í upphafi með afgerandi ummælum borgarstjóra sem gerðist öflugur andstæðingur ráðstefnunnar við hlið femínista strax í upphafi.

Ég tjáði þá afstöðu í upphafi málsins að ég vildi ekki banna komu þessa fólks til landsins. Hinsvegar hefur staðan orðið þannig að hótelið hefur bognað og vísar til þess að borgaryfirvöld vilji ekki þessa gesti hingað. Þetta er fordæmalaus ákvörðun, man ekki eftir öðru eins, semsagt að gestum á hóteli hafi verið vísað á dyr og þeim hafnað sem viðskiptavinum. Þetta er því mjög athyglisverð ákvörðun. Ýmist er fólk ánægt eða ósátt við ákvörðunina. Það hefur valdið hvössum skoðanaskiptum á netinu.

Athyglisvert hefur verið að margir þeirra sem mest börðust fyrir komu Falun Gong-liða hér til lands á þeim forsendum að þau hefðu rétt til að koma hingað hafa stutt það að þessu fólki sé meinaður aðgangur. Ég vildi ekki meina því að koma og hef ekki stutt neitt í þá átt, enda tel ég að fólk megi koma hingað nema að það hafi beinlínis illt í huga fyrirfram. Mér finnst þetta ekki gott mál, enda vil ég að fólk hafi frelsi til að koma hingað og upplifa landið á sinn hátt.

En það er spurning hvernig að fólk metur frelsi til að koma hingað og í rauninni þetta hótel, ef út í það er farið, eftir þessa atburði. Það vakna margar spurningar við þessi sögulok að mínu mati.

Framleiðendum klámefnis vísað frá Hótel Sögu

Athugasemdir

[Fannar frá Rifi, 22.2.2007 kl. 19:21]

Hræsnin er svo gegndarlaus að það er engu lagi líkt.

[Greta Björg Úlfsdóttir, 22.2.2007 kl. 19:22]

Hótel Sögu hlýtur að vera frjálst að því að velja sína viðskiptavini út frá þeim forsendum sem stjórnendur þess gefa sér. Heyrði í dag í fréttum að Sigurgeir, formaður bændasamtakanna, sagði að þeir teldu ekki eftir sér að borga sektir ef til kæmu, fyrir að neita að hýsa fólkið.

En það að fólkinu hafi verið úthýst af Sögu þýðir ekki að því hafi verið bannað að koma hingað, eða eru ekki fleiri hótel á höfuðborgarsvæðinu? Ég hugsa að Geira á Goldfinger yrði ekki skotaskuld að finna húsnæði til að hola fólkinu niður í, langi það virkilega svona mikið til að koma hingað og skoða landið. 

[Steini Briem (IP-tala skráð) 22.2.2007 kl. 19:56]

Frægasti Vestmanneyingurinn var nú hvalur, óttalegur pornódog sem fékk hér gott atlæti, dekk og fleiri kynlífsleikföng, en nú segja klámhundarnir að við séum á móti hvölum!: "It seems that being connected in any way to pornography has become a new Icelandic law for declaring you persona non grata in their country. A country that seems to care more about adult women taking their clothes off by their own choice - without any pressure or threat - than about the extinction of living creatures like whales!" (Snjóleikarnir 2007.)

[Kolbrún Baldursdóttir, 22.2.2007 kl. 20:52]

Klámþingið sem búið er að blása af. 
Svo virðist sem fleiri konur fagni þessari niðurstöður en karlar?   Einhver benti á, sem hafði skoðað vefsíður þessa fólks, að þarna væri allt eins verið að gera lítið úr körlum eins og konum. En mótmælin gegn því þetta klámþing yrði haldið hér heyrðist mér koma hvað mest frá konunum. Körlum finnst þetta meira vera í lagi svo fremi sem hópurinn brjóti engin lög hér á landi.  Þetta finnst mér vera þess virði að skoða nánar. Sú skoðun leiðir kannski til almennra viðhorfabreytingu sem síðan gæti dregið úr kynjamismun á upplifun sem þessari, upplifun sem auðvitað á sér langa sögu. Alla vega er ég ánægð með þessa niðurstöðu.

[Fannar frá Rifi, 22.2.2007 kl. 20:59]

Ætli það komi ekki á næstuni að menn neyti þeldökkum einstaklingum að gista á hótelum hjá sér eða banni Gyðingum að versla hjá sér. Nei þetta er ekki í lagi því það er verið að mismuna eftir þjóðerni eða litarhætti. En þegar það kemur að því að mismuna eftir skoðunum þá verður það allt í einu í lagi. 

Hið frjálsa ísland dó í dag. 

[Steinn E. Sigurðarson, 22.2.2007 kl. 21:14]

Ég bíð bara eftir því að samkynhneigðir eða ógift pör fái ekki herbergi saman..

[Andrea J. Ólafsdóttir, 22.2.2007 kl. 21:18]

Er Fannar ekki með skynsemina í lagi hér??? Eru Gyðingar og þeldökkir einstaklingar að brjóta af sér??? Ef þeir væru glæpamenn á erlendri grundu skv. íslenskum lögum, þá væri að sjálfsögðu hægt að vísa þeim úr landi.

Ef kannabisdreifiaðilar í Hollandi ætluðu að halda hér ráðstefnu til að tryggja viðskiptatengsl væri þeim vissulega vísað frá. Þegar slíkir aðilar með starfsemi sem er algerlega ólögleg hér á landi, ætla sér að vera með ráðstefnur, þá er þeim betra að gera það í löndum þar sem starfsemi þeirra og "viðskiptatengsl" þar með eru lögleg.

Alveg sjálfsagt mál. Engin lög hafa verið brotin með þessari frávísun!

[Greta Björg Úlfsdóttir, 22.2.2007 kl. 21:19]

Fólk er ekki sjálfrátt um þjóðerni sitt (upprunalegt, í það minnsta) eða litarhátt, en hins vegar ræður það skoðunum sínum, að minnsta kosti í lýðræðisþjóðfélögum, sá er munurinn, Fannar frá Rifi. Þess vegna er mjög ósanngjarnt að mótmæla fólki á grundvelli þjóðernis eða litarháttar, en við getum með fullri sanngirni mótmælt lífsviðhorfum sem við erum ósammála eða höfum andstyggð á. Í þetta skipti urðu viðhorf þeirra sem hafa skömm á klámiðnaðinum ofan á skoðunum þeirra sem eru með þeirra framleiðslu eða slétt sama. Sem sagt, lýðræðið vann. Er það svona hræðilegt? Af hverju skyldum við meta meira starfsval einhverra einstaklinga í útlöndum en skoðanir meirihlutans í landinu?

Auk þess hefur  þessu fólki hefur alls ekki verið bannað að koma til landsins, aðeins hefur Hótel Saga afturkallað fyrirhuguð viðskipti við það, aðallega vegna þess að þeir sáu fram á ónæði fyrir aðra gesta hótelsins vegna hugsanlegra mótmælaaðgerða.

Ég hugsa að álíka mótmæli og nú komu fram yrðu höfð uppi ef nýnasistar af ýmsu þjóðerni hyggðu á ráðstefnu hér, en sú stefna er nefnilega kennd við fasisma en ekki lýðræði.

[M.R. (IP-tala skráð) 22.2.2007 kl. 21:41]

Bændurnir þoldu ekki þrýstinginn frá sínum flokki. Þetta verður endanlega til að fara með Framsóknarflokkinn í gröfina.

Enn og aftur sína þeir það í verki að þeir eru engum takt við það sem er að gerast í kringum sig. Svo vilja þeir ganga í Evrópusambandið...... og Evrópa sem er klámdrottning heimsins. Hjálpi mér allir heimsins klámenglar.

[leibbi (IP-tala skráð) 22.2.2007 kl. 22:17]

Stebbi minn ég held bara að ráðstefnan hafi ekki verið á réttum tíma. Hefði hún verið um fengitímann, þ.e. í desember hefðu bændahöfðingjarnir örugglega ekkert haft á móti því að leggja bændahöllina undir tilhleypingar.

[Kári S. Lárusson (IP-tala skráð) 22.2.2007 kl. 23:15]

Þessi gjörningur er bændaforystunni til skammar og það verður hlegið að Íslendingum um allan heim. 

 Ferðaþjónustan mun líða fyrir þetta. Þetta fólk ætlaði nú bara að skemmta sér hérna og hefði eflaust eytt hér miklum peningum.

Þetta er nú meiri andskotans móðursýkin í þessum femínistabullum sem hér hafa stjórnað umræðunni. Langbezt hefði verið að láta þetta fólk í friði. Svo býður hótelið upp á sjónvarpsstöðvar sem sýna klámmyndir sem þetta fólk hefur jafnvel leikið í eða framleitt.

Þvílík hræsni.

[Fannar frá Rifi, 22.2.2007 kl. 23:15]

Jú maður getur ekkert gert sjálfur útaf litarhæti manns eða hvar maður fæðist. En það þýðir ekki að það sé í lagi að kúga aðra til þess að vera manni sammála. Eða fynnst þér Gréta það hafi verið í lagi í þýskalandi hitlers að vegna þess að meirihluti þjóðverja kaus Nasista þá hafi lýðræðið unnið og af því að meirihlutinn studdi þá og stefnu þeirra þá hafi lýðræðið unnið og þess vegna hafi verið allt í lagi að ráðast á gyðinga. 

Nei. Fasisminn er ekki bara um litarhátt og þjóðerni. Fasisminn leynist víða. Að reyna að stjórna og kúga skoðanir annara er svo mikil íllska og mannfyrirlitning að ég legg hana nánast að jöfnu við nasisma.

Það voru engir glæpamenn að koma til landsins Andrea. Ekki frekar en þegar vinir þýnir umhverfisvinirnir komu í sumar. Það var á ferð heiðvirt fólk sem hefur bara verið að vinna vinnu sína sem er lögleg í heimalöndum þeirra. Þeir höfðu ekkert unnið sér til sakar á Íslandi og ef svo hefði orðið þá hefðu viðkomandi einstakling verið teknir af lögregluni eins og gert er með aðra glæpamenn. Barnaklám og þrælasala er bönnuð á öllum vesturlöndum. Mjög einfald fyrir lögregluna að gera væri (sem ég trúi að hún hafi gert) að hafa samband við Interpol og tékka hvort viðkomandi einstakling væru tengdir mannsali eða barnanýðingshringum. Því þessi mál eru alþjóðleg.

En það góða við þetta að nú er komið fordæmi. Í sumar verður hægt að kæra alla umhverfisverndar sinnana sem koma til landsins til að mótmæla virkjunum og stóriðju og kalla þá hryðjuverkamenn. Jú Earth First samtökinn standa að því að reka stálfleyga í tré og þannig örkumla eða drepa skógarhöggsmenn. Af þessum sökum getum við nú stimplað þá alla hryðjuverkamenn eins og þú stimplar alla sem koma nálægt klámi barnaperra og þrælahaldara.

Það á eftir að breiðast eins og eldur um sinu í netheimum að hérna búi einhverjir fáfróðir afturhaldsamir hvalamorðingjar sem ekkert vita í sinn haus. Þetta verður nýja ímynd íslands. 

Til hamingju með að hafa kúgað skoðanir fólks. 

[Guðfinnur Sveinsson, 23.2.2007 kl. 00:30]

Hið besta mál! Ekki myndi ég leyfa þessu fólki að gista í gestaherberginu hjá mér til að taka upp klámmyndir.

[Glanni (IP-tala skráð) 23.2.2007 kl. 10:21]

Legg til að allir þeir sem eru opinberlega búnir að lýsa því að þeir séu á móti komu þessa fólks borgi þær milljónir sem kaupmenn,ferðaþjónustan og ríkið hefur orðið af vegna þessarar vitleysu.

Ekki víst að svo margir myndu þá vilja vera á móti ef þeir ættu að taka ábyrgð á gerðum sínum.

[Árni Matthíasson , 23.2.2007 kl. 11:13]

Ágæti "Fannar frá Rifi".

Þýski þjóðernisjafnaðarverkamannaflokkurinn, NSDAP, nasistaflokkurinn, náði aldrei hreinum meirihluta á þýska þinginu. Hann komst hæst í 43,9% atkvæða, sem dugði honum til meirihlutasamstarfs með íhaldsmönnum á þýska þinginu. Það er því ekki rétt að segja að meirihluti Þjóðverja hafi kosið nasista.

[Stefán Friðrik Stefánsson, 23.2.2007 kl. 12:13]

Þakka öllum fyrir kommentin. Gaman að lesa, það eru svo sannarlega skiptar skoðanir á þessu. Gott að fá viðbrögð á þetta.

mbk.

[þorsteinn (IP-tala skráð) 23.2.2007 kl. 12:45]

það sem að feministar hafa ekki skoðað í þessu er að margir framleiðandur á klámi eru konur, og að konur sem að leika í klámmyndum eru með 2-3x hærri laun en karlmenn sem að leika í þessum myndum. Loksins þegar það er til atvinnuvegur sem að konur hafa hærri laun en karlmenn þá eru þær á móti því og hald því fram að það sé bara verið að niðulæga konur í þessum myndum. sumar af þessum myndum eru ekkert verri en svokallaðar Listrænar myndir