Notaleg verðlækkun

Það er ekki hægt annað en að vera ánægður með lægra vöruverð eftir skattabreytingarnar sem tóku gildi þann 1. mars sl. Flestir hafa orðið varir við þessa lækkun, enda er greinilegt að gott eftirlit hefur tryggt neytendum þessa lækkun. Fá tilvik hafa allavega verið í umræðunni þar sem fólk var svikið um lækkunina og hafi svo verið hefur það verið tilkynnt. Það er greinilegt að neytendur hafa fylgst vel með.

Ekki lækkar bara maturinn, þó flestir verði sennilega fyrst varir við það, enda þurfum við öll að kaupa mat flesta daga ársins. Um helgina fór ég í verslun og keypti mér þar geisladisk, DVD-myndir og eina bók; hlutir sem ég kaupi jafnan nokkuð af. Það er sérstaklega gleðilegt að sjá lækkunina á þessu. Þetta er svona gleðiauki fyrir menningaunnendur. Það er allavega hægt að brosa eitthvað við að kaupa þessar vörur, en þetta er lækkun sem maður tekur eftir. Þetta eru vörur sem fólk vill kaupa og ég held að innst inni verði mesta gleðin með lækkun þar.

Íslendingar hljóta annars að vera ánægðir með að pylsan og hamborgarinn hafa lækkað. Guðni Ágústsson hlýtur að vera glaður. Öll munum við nú eftir því þegar að hann hvatti unga fólkið til að borða nú mikið af pylsum, við litla gleði Lýðheilsustöðvar eða einhvers slíks apparats.

Borgarinn og pylsan hafa lækkað í verði

Athugasemdir

[Steini Briem (IP-tala skráð) 5.3.2007 kl. 14:28]

Ekki veit ég hvort landbúnaðarráðherrann hefur gott af því að hesthúsa meira af pulsum en hann ætti náttúrlega að vera í góðum málum eftir að hafa lesið Jakob ærlegan. Fyrir samgönguráðherrann ætti Bókin um veginn að vera fróðleg lesning og nú ætti dómsmálaráðherrann að hafa efni á að fjárfesta meira í Wagner og senda kollega sínum í Jerúsalem sem vináttuvott. 

[Haraldur Haraldsson, 5.3.2007 kl. 15:21]

Næst verður lækkunin á Landbunaðarvöru ,það hlitur að koma að þvi er það ekki næst/Við biðum eftir þvi fyrr er þetta ekki i lagi/Halli Gamli

[Steini Briem (IP-tala skráð) 5.3.2007 kl. 15:41]

Þetta er kallað "hækkun í hafi", Kolbrún mín. Það er alltaf að hækka í hafinu. Það gera gróðurhúsaáhrifin.

[Gummi, skattgreiðandi, skuldari og neytandi (IP-tala skráð) 5.3.2007 kl. 22:22]

Teljið dagana þangað til verðið er komið í það sama og það var  fyrir"lækkunina".

Hér verður einhver stærsti þjófnaður Íslansdssögunnar. 22 milljarðar á ári sem seljendur vöru og jónustu fá í sinn vasa á ári.  

Ríkisstjórnin hefði betur notað þetta fé til að auka barna- og vaxtabætur eða hækka skattleysismörkin og elli- og örorkubætur   Það hefði þó verið varanlegt og skilað sér þúsundfalt betur en.  

Þessi aðgerð er bara plat og í besta falli dúsa fyrir atkvæðin rétt fyrir kosningar