Klámummælin umdeildu fjarlægð

Það er gleðiefni að sjá að Guðbjörg Hildur Kolbeins hefur fjarlægt hvöss ummæli sín um forsíðu auglýsingablaðs Smáralindar, þar sem sagt var að hún væri klámfengin. Varð ég nokkuð hissa á þeim skrifum, eins og sjá mátti hér á vefnum. Það voru mun harðari orð en tilefni gaf til. Eflaust má hafa ólíkar skoðanir á þessu blaði og hversu vel forsíðan sé stíliseruð, en ummælin voru alltof hörð.

Það virðist vera almenn undrun á netinu á þessum ummælum, sem varla er furða. Það má vissulega velta því fyrir sér hvað sé klám og hvað ekki. Sárasaklaus auglýsingaforsíða sem gefur varla neitt klámfengið til kynna hefur allavega fengið umfjöllun og vel það. Það hefur mun meira verið rýnt í hana en ella hefði eflaust orðið.

Þetta hefur verið mál sem hefur verið rætt - flestir hafa á því skoðun. Guðbjörgu tókst allavega að komast í umfjöllun og vefurinn hennar hefur komist í miðpunkt athygli hér á moggablogginu. Það var rétt hjá henni að taka skrifin út og vonandi munu öldur lægja eftir það.

En eftir sem áður stendur að þetta voru of harkaleg orð og þessi auglýsingapési fékk einum of hvassa gusu á sig. Svo var þetta auðvitað frekar leitt fyrir fyrirsætuna að lenda í miðpunkti svona máls. En vonandi lýkur þessu í góðu.

Athugasemdir

[Steini Briem (IP-tala skráð) 8.3.2007 kl. 15:56]

Lögfræðingar Smáralindar með brjóstvitið hafa haft samband við Guðbjörgu. Vond auglýsing er betri en engin auglýsing, sagði Kristur á krossinum. "Always look on the bright side of life!" Guð er góður.

[Stefán Friðrik Stefánsson, 8.3.2007 kl. 17:29]

Takk fyrir kommentin.

Nákvæmlega, Sófus Árni, þetta er ekki ósvipað því. Allavega hefur þessi blessaða kona vaknað eins og strákurinn í auglýsingunni með heiminn allan liggur við á móti sér. :) Flott samlíking hjá þér. Nákvæmlega það sem mér fannst allavega.

mbk.