Netbarátta við femínistana?

Einn góður vinur minn spurði mig á förnum vegi í dag hvort að ég væri kominn í einhverja ritdeilu við femínistana vegna skrifa minna gegn þekktum ummælum um nýlegt auglýsingablað Smáralindar. Sagðist ekki vita það hreinlega. Hef þó ekki óskað eftir einhverju stríði við þá. Hef þó verið hugsi yfir þessu eiginlega síðustu dagana. Tel þó ekkert að því að ég hafi skoðanir á skrifum annarra og sé hugsi yfir því máli öllu. Öll höfðum við skoðanir á því máli annars.

Skrifin gegn þessu auglýsingablaði skóku netheimana og auðvitað var það rætt víða. Sagði mitt mat á því. Enda bara eðlilegt. Hér hef ég skoðanir á flestu sem er í gangi. Tel mig ekki vera í stríði eða deilu við femínistana. Þær hljóta að telja mig geta sagt mínar skoðanir án þess að tryllast yfir því. Það er nú fjarstæðukennt ef að femínistar telja skoðanir mínar hefta sitt skoðanafrelsi. Femínistar hafa tjáð sínar skoðanir óhikað og það er ekkert nema eðlilegt.

En svona er þetta bara. Annars tjá femínistar sína skoðun hér bara ef þær vilja. Það er eins og það er bara. Ég get aldrei skrifað hér svo allir séu sammála. Ef einhverjir eru ósammála tjá þeir bara sína skoðun.

Athugasemdir

[Jenný Anna Baldursdóttir, 19.3.2007 kl. 17:43]

Hm þessi feministi skilur ekki alveg um hvað málið snýst.  Varðandi Smáralindarbækling þá var FÍ ekki mér vitanlega mikið að tjá sig um það. Rólegir á því bara.

[Ásdís Sigurðardóttir, 19.3.2007 kl. 18:54]

Áfram Stebbi, mér líkar bloggið þitt vel, þetta eru þínar skoðanir og ættu ekki að skaða eða hefta aðra

[Steini Briem (IP-tala skráð) 19.3.2007 kl. 19:26]

Allir sem vilja rétt hlut kvenna gagnvart körlum eru femínistar, Stebbi minn, bæði karlar og konur. Hins vegar eru til alls konar femínistar og alls konar Sjallar, bláir Sjallar, jafnvel grænir Sjallar, mismunandi mikið til hægri og vinstri Sjallar, sumir frjálsblindir og aðrir kommúnistar. Og svo Árni Johnsen, vinur minn og fyrrum starfsfélagi á Mogganum, sem er náttúrlega ekki einn á báti í öllum sínum græna sjó. Öll viljum við jafnrétti, konur gagnvart körlum og karlar gagnvart konum. Það eru líka lög í landinu, sem kveða á um það. Eigum við ekki öll að fara eftir þeim, smávinir fagir, foldar skart? 

[Steini Briem (IP-tala skráð) 19.3.2007 kl. 19:31]

Smávinir fagrir, foldar skart, átti þetta nú að vera. Ég ætlaði nú ekki að gera lítið úr ykkur, börnin mín stór og smá.

[Stefán Friðrik Stefánsson, 19.3.2007 kl. 19:47]

Takk fyrir kommentin.

Þakka sérstaklega Sófúsi Árna fyrir skemmtilegar pælingar.

Takk fyrir góð orð Ásdís. :)

mbk.

[Doddi - Þorsteinn G. Jónsson (IP-tala skráð) 20.3.2007 kl. 10:31]

Maður á alltaf að segja það sem manni finnst, og mér finnst þú standa þig vel í því, Stefán!