Óhugnaður

Það er mikill óhugnaður sem fylgir því að lesa fréttir um það hversu mjög barnaklám, kynferðislegt ofbeldi í garð barna, grasseri nú. Þessi frétt á vef Morgunblaðsins er allavega sláandi og segir frekar dökka sögu af því ógeði sem víða finnst, t.d. á netinu í þessum efnum.

Fróðlegt er að sjá ábendingar um klámauglýsingar á tölvuleikjasíðum, sem tengdar eru íslenskum leikjasíðum, sem og annarsstaðar á netinu. Þetta er mjög skelfilegt bara. Hvet fólk til að lesa ummæli Petrínu Ásgeirsdóttur, hjá Barnaheillum, sem er í fréttinni hér fyrir neðan.

Þetta er óhugnaður sem berjast verður gegn með öllum tiltækum ráðum að mínu mati.

Um 30-40% ábendinga barnaklám

Athugasemdir

[Gústaf Níelsson (IP-tala skráð) 20.3.2007 kl. 11:18]

Ég get deilt með þér og öðrum áhyggjum vegna ósæmilegs klámefnis á netinu og Mbl. segir í forsíðufrétt í dag að börn séu berskjölduð fyrir klámi á Netinu og að yfir eitt þúsund ábendingar hafi borist Barnaheillum vegna ólöglegs efnis. Í þessu samhengi vakna ýmsar áleitnar spurningar. Kann það að vera að nokkrir einstaklingar séu svo uppteknir af klámi að þeir sitji dægrin löng á Netinu í klámleit í því skyni að geta kvartað undan ósómanum? Hversu margir einstaklingar lögðu fram þessar rúmlega eittþúsund ábendingar? Voru þeir 5, 20, 50 eða 500? Sjálfur nota ég netið mjög mikið, en aldrei hef ég rekist á klámefni fyrir slysni eða óumbeðið. Þó virðist um helmingur íslenskra barna verða fyrir því, skv. könnun. Ég óttast að samtíð okkar sé að "kjafta upp" klámið og beinlínis með því beini athygli og sjónum æskunnar að klámefni, mis geðslegu.