Ömurlegt virðingarleysi í samfélaginu

Það er skelfilegt að lesa fréttir af því að fólk ráðist á eldri borgara, að tilefnislausu algjörlega að því er virðist. Í þessari frétt ráðast tveir menn á eldri mann, á áttræðisaldri. Það er því miður að verða svo að svona fréttir eru hættar að vera einstakt fyrirbæri, þetta er orðið alltof algengt. Það er eiginlega ekki undrunarefni að maður hugsi við að lesa svona fréttir á hvaða leið samfélagið okkar sé eiginlega.

Er virðingarleysið orðið algjört? Því miður er ekki hægt annað en hugsa á þeim forsendum. Hvers vegna ætti yngra fólk að ráðast að tilefnislausu að ráðast á gamalt fólk nema vegna þess að eitthvað sé stórlega að. Þetta er grimmd og mannvonska af verstu sort. Það þarf svosem ekkert að rökstyðja það frekar. Svona fréttir eru napur vitnisburður þess hvernig samfélagið er orðið að mörgu leyti.

Merkilegast við þessa frétt fannst mér, fyrir utan auðvitað að ráðist var á eldri borgara, að það þurfti að nota maze-úða á annan árásarmanninn og fjórir lögreglubílar héldu í útkallið. Sjokkerandi. En já, það er víst árið 2007, segir einhver. En þetta er sorglegt, engu að síður.

Ráðist á mann á áttræðisaldri á Miklubrautinni

Athugasemdir

[Saumakonan, 30.3.2007 kl. 14:54]

Manni verður bara illt af að lesa svona! Þvílíkur hrottaskapur!

[Steini Briem (IP-tala skráð) 30.3.2007 kl. 15:32]

ÞETTA LIÐ er allt í eitrinu.

[Baldvin Esra Einarsson (IP-tala skráð) 30.3.2007 kl. 16:15]

Getur verið að eitthvað annað liggi að baki, eins og geðsjúkdómar til dæmis.

Vandinn er ekki virðingaleysi heldur fordómar. Menn dæma atburði og fólk án þess að hafa allar upplýsingar á reiðum höndum.

[Stefán Friðrik Stefánsson, 30.3.2007 kl. 16:47]

Saumakonan: Já, vægast sagt. Þetta er nöturlegt.

Baldvin: Það má vel vera. Veit ekki hvort ég dæmi svosem neitt harkalega, mér finnst þetta nöturlegt að eldri borgarar þessa lands geti ekki verið gangandi um götur nema eiga á hættu að vera barið í klessu eða jafnvel drepið hreinlega. Þetta er svakalegt, og það er engum greiði gerður með því að þaga um það.

mbk.