Steingrímur J. farinn að lofsyngja bjórinn

Það vekur talsverða athygli að sjá í kosningabaráttunni hér í Norðausturkjördæmi hvernig að Steingrímur J. Sigfússon, sem greiddi atkvæði gegn lögleiðingu bjórsins fyrir tveim áratugum, er farinn að tala fyrir bjórverksmiðjunni útfrá á Árskógssandi og nefnir hana sem nýsköpun í atvinnumálum sem VG geti talað fyrir. Þetta eru vissulega stórtíðindi að mínu mati. En er þetta ekki bara vandræðagangur hjá VG?

Það kemur manni vissulega spánskt fyrir sjónir að sjá bjór-efasemdarmanninn og andstæðing lögleiðingar hans hérlendis tala fyrir bjórverksmiðju í einkaeigu til að nota sem tal fyrir nýsköpun í atvinnulífinu gegn tali um álver á Bakka við Húsavík. Það eru ekki ný tíðindi að stjórnmálamenn teygi sig a nýjar slóðir í kosningabaráttu en þetta vekur vissulega mikla athygli svo ekki sé meira sagt.

Rifjum annars upp hvað Steingrímur J. sagði um bjórinn í lokaafgreiðslu um hann á Alþingi í maí 1988. Þá sagði núverandi stuðningsmaður verksmiðjunnar sem bruggar eðalbjórinn Kalda: "Ég hef til viðbótar pólitískar ástæður fyrir því að ég vil ekki standa að breytingum hvorki í áfengismálum né annarsstaðar sem gera fólkið óvirkara og sljórra gagnvart umhverfi sínu. Það tel ég að stóraukin neysla bjórs, jafnvel þó að eitthvað dragi úr neyslu annarra áfengistegunda, muni gera."

Batnandi (vinstri/grænum) mönnum er best að lifa! Það liggur við að maður skáli í Kalda fyrir Steingrími J.

Athugasemdir

[Jens Sigurjónsson, 5.5.2007 kl. 21:34]

Steingrímur er oft hálfgerður Reykhás.

[Pálmi Gunnarsson, 5.5.2007 kl. 21:38]

Halló er bannað að skipta um skoðun í ykkra heiðbláa himnaríki?? ha

[Jóhann F Kristjánsson (IP-tala skráð) 5.5.2007 kl. 22:23]

He he,, góður...

Næst verður leyft að selja íslenskan bjór og vín í matvöruverslunum

Annars þá eru Reyka Vodka auglýsingarnar á Youtube svo fyndnar að mann langar bara ekkert í bjór ,sjá 

http://www.youtube.com/watch?v=6O-BZhcuzG8 

[Kristján Pétursson, 5.5.2007 kl. 22:36]

Má Steingrímur ekki skipta um skoðun á 20,ára fresti.Mér finnst Stefán, Steingrímur ekki setja niður fyrir svona skoðanaskipti,fremur má segja að batnandi manni er sé best að lifa við eðlileg skoðanaskipti,annast stæði allt í stað,ekki viljum við það.

[Arnfinnur Bragason, 5.5.2007 kl. 22:40]

Eins gott fyrir aumingja Steingríma að skipt um skoðanir og þær sem flestar því hann hefur verið á móti flestu ef ekki öllu sem hefur verið gert hér s.l. 20 ár. Spáið aðeins í  hvar við værum hefðu hans líkir verið hér við stjórn allan þann tíma

[Guðríður Hrefna Haraldsdóttir, 5.5.2007 kl. 23:11]

Alltaf þroskamerki að geta skipt um skoðun.

[Páll Einarsson, 5.5.2007 kl. 23:37]

Vandinn með skoðanir Steingríms að hann virðist alltaf vera á móti framförum. Forsjárhyggjan hans er mjög svo sorgleg og telur oftast að almenningur geti ekki tekið sjálfstæðar ákvarðanir. Eða það er allavegana mitt mat

kveðja,

[Jóhann Rúnar Pálsson, 5.5.2007 kl. 23:40]

Steingrímur á kannski eftir að ganga í Framsóknarflokkinn!!

[Jón Agnar Ólason, 6.5.2007 kl. 02:59]

Batnandi mönnum er sannarlega best að lifa, og skál í Kalda fyrir Steingrími.

Það er aldrei of seint að komast á rétta skoðun, því betra er seint en aldrei. En er þetta ekki vísbending um að Steingrímur er 20 árum á eftir ... ?!