Árás á bloggsíðu

Mér brá verulega þegar að ég leit á bloggsíðu Hallgríms Viðars Arnarsonar, félaga míns, fyrir skömmu. Þar tók ég eftir þeim skrifum hans að ráðist hefði verið inn á bloggsíðuna. Ung stelpa hafði farið í leyfisleysi og ritað bloggfærslu inn á bloggsíðuna hjá honum með þeim afleiðingum að það leit út fyrir að Halli væri argasti rasisti sem væri með svívirðingar gagnvart öðrum aðilum. Ég hafði samband við hann eftir að hafa heyrt af þessu leiðindaatviki og var hann satt best að segja mjög miður sín yfir þessari árás á mannorð hans.

Það er miður að sjá þessa aðför að blogginu hans, því að Halli hefur verið ötull baráttumaður fyrir réttindum ólíkra hópa hér í þjóðfélaginu. Einnig er skondið að hann sé úthúðaður sem rasisti út af þessu máli því svo vill nú til að eiginkona hans er af erlendu bergi brotin.

Það er mjög leitt þegar að misnotkun á sér stað undir nafni annarra. Það hefur einnig hent mig að óprúttnir aðilar hafi loggað sig inn á spjallvefi undir mínu nafni og verið að skrifa eitthvað í mínu nafni sem ég vil ekki kannast við og reynt hafi verið með því að ráðast að nafni mínu.

Það er ömurlegt að verða vitni að slíku.

Athugasemdir

[Lára Stefánsdóttir, 9.5.2007 kl. 00:00]

Sammála þér Stefán, það er alltaf dapurlegt að sjá fólk sigla undir fölsku flaggi til þess eins að sverta annað fólk. Í barnaskap halda menn stundum að þetta sé "saklaust" grín en þetta er afar lúalegt bragð. Vonandi hefur stúlkan sú arna lært sína lexíu og fleiri á sama tíma.

[Stefán Friðrik Stefánsson, 9.5.2007 kl. 17:32]

Takk kærlega fyrir kommentið Lára. Tel alveg heilshugar undir þessi góðu orð hjá þér.

mbk.