Áberandi tímamót í íslensku viðskiptalífi

Það er ekki hægt að segja annað en að íslenskt viðskiptalíf sé að verða alþjóðlegt. Ráðning William Fall, fyrrverandi forstjóra Alþjóðasviðs Bank of America, sem forstjóra Straums-Burðaráss markar áberandi tímamót í viðskiptalífinu hérlendis. Alþjóðlegi blærinn leynir sér ekki. Það eru auðvitað nokkur þáttaskil að maður af þessu kalíberi taki við íslenskum fjárfestingabanka.

Þetta er augljóslega mikill fengur fyrir bankann, enda er þetta maður með umtalsverða reynslu og greinilega mjög fær á sínu sviði. Ég man ekki til þess að erlendur maður hafi áður stýrt íslensku fyrirtæki af þessu tagi. Þetta er því nýr kafli sem er að opnast í íslensku viðskiptalífi og gott sýnishorn á það hversu alþjóðlegur bransinn er orðinn.

Ráðning nýs forstjóra Straums-Burðaráss sögð marka tímamót

Athugasemdir

[Þorsteinn Sverrisson, 29.5.2007 kl. 19:44]

Sæll Stefán.  Mér lýst vel á þett félag og hef reyndar fjárfest lítillega í því nýlega. Ég held að íslensk fjármálastarfsemi eigi ennþá eftir að vaxa mikið og þetta er eitt skref í því ferli.

[Gústaf Níelsson, 30.5.2007 kl. 00:31]

Ég er ekki jafn upp með mér og margir yfir því að erlendur maður hafi verið fenginn til að reka íslenskt fjármálafyrirtæki. Að vísu er það engin nýjung að erlendir menn hafi stýrt stórum fyrirtækjum hér á landi með ágætum árangri, en ég er alltaf jafn hissa hvað mörlandinn heldur illa þvaginu þegar útlendingar eru annars vegar. Hitann og þungann í íslensku útrásinni hafa Íslendingar borið hingað til. Ráðning þessa manns kann að vera vísbending um breytingar og skert forræði. Munum við sjá fleiri útlendinga í forstjórastólunum á næstu misserum? Hver veit?

[Stefán Friðrik Stefánsson, 30.5.2007 kl. 13:28]

Takk fyrir kommentin.

Þorsteinn: Já, þetta er klárlega skref á nýrri leið. Finnst það blasa við. Þetta er mjög traust og gott fyrirtæki sem vex af miklum krafti, sem er auðvitað mjög ánægjulegt.

Gústaf: Já, þetta er auðvitað merki þess að við lifum í alþjóðlegum viðskiptaheimi. Það verður spennandi að sjá hver framvindan verður, en þessi fyrirtæki eru sífellt að verða alþjóðlegri og þessi bransi er orðinn mjög opinn.

mbk.