Er Alcan að fara að færa sig til Þorlákshafnar?

Framtíðaráform Alcan á Íslandi verða ljós í dag. Flest bendir nú til þess að fyrirtækið ætli sér að færa sig um set og horfi til Þorlákshafnar sem framtíðarstaðsetningar sinnar. Fundur Alcan með ráðamönnum sveitarfélagsins Ölfuss í morgun sama dag og framtíðin verður kynnt hefur vakið mikla athygli. Fjölmenn sendinefnd hefur skoðað aðstæður við Þorlákshöfn og það gefur skýrar vísbendingar hvert stefni.

Það verður vissulega mikil blóðtaka fyrir Hafnarfjörð fari svo að sveitarfélagið missi Alcan frá sér. Það verða þáttaskil fyrir svæðið líði álverið við Straumsvík undir lok. Segja má að ljóst hafi verið frá niðurstöðu íbúakosningar í mars að Alcan myndi horfa í aðrar áttir og líkur á framtíðaruppbyggingu álvers væri úr sögunni. Það virðist vera sem að hugmyndin um landfyllingu hafi verið sett fram sem lokaskref í stöðunni og ljóst af viðbrögðum af henni mun ekki verða. Alcan horfir með áberandi hætti í aðrar áttir.

Það vakti athygli að sjá hversu eindreginn stuðningur var í Vogum við að tala við Alcan. Þar voru sárafáir sem lögðust beint gegn því að kanna málin. Það er ekki óeðlilegt að Alcan hafi horft til Keilisness, enda er stutt á milli Straumsvíkur og Keilisness og ekki eru nema fimmtán ár frá því að hugmyndir um álver þar voru uppi á borðinu. Hinsvegar kemur Þorlákshöfn sér vel varðandi framtíðaruppbyggingu og væntanlega mun sú staða mála skipta lykilmáli. Ferðin til Þorlákshafnar í dag vekur altént athygli.

Niðurstaðan mun vekja miklar umræður, sama hver hún verður í dag. Það verða auðvitað stórtíðindi muni álversuppbygging hefjast við Þorlákshöfn eða Keilisnes og álverið í Straumsvík líða undir lok. Á báðum þessum stöðum eru tækifæri fyrir fyrirtæki á borð við Alcan. Þar virðist vera horft til þess að stækka fyrirtækið og sú staða virðist ekki eiga samleið við það sem gerðist í Hafnarfirði. Þannig að örlögin virðast ráðin í þeim efnum.

Athugasemdir

[Jóhann Páll Símonarson, 21.6.2007 kl. 14:25]

Heill og sæll Stefán.

Nú munu leikflétta Samfylkingarmanna fara hallloka.Vegna slappleika bæjarstjórans í Hafnarfirði Lúðvíks Geirssonar og Ingibjargar Sólrúnar Gísladóttur sem höfnuðu álverinu í Straumsvík um stækkun heldur var ábyrgðin sett á íbúa sem feldu það í kostningum með naumum meiri hluta.

Þarna var saman kominn öfgahópar sem vilja helst lifa á krækiberjum og lingi þessi öfga hópur sem er í minnihluta vill ekki lifa á atvinnutækifærum og tekjum svo það sé á hreinu.

Ég sagði fyrir kosningar að þeir myndu fara burtu sem dæmi á Keilisnes. Alcan mun ekki láta neinn segja sér fyrir verkum hvort það sé Vinstri grænir eða Samfylking. Með þessum flutningi tapast störf fyrir starfsmenn í Hafnarfirði og tekjur og skattar.

Ef að þessu verður mun Hafnarfjörður fara á hausinn þetta eru miljarðar á ári sem tapast fyrir utan atvinnumissir fólksins og þeirra sem sjá um þjónustu fyrir Alcan. Þá er ég hræddur um að Samfylkingar fólk og Vinstri grænir verði ekki í stjórn í Hafnarfirði

það verða Sjálfstæðismenn sem munu stjórna mesta krata bæli fyrir tíma. Það mun verða saga sem menn muna og eftir verður tekið.

Jóhann Páll Símonarson.

[Stefán Friðrik Stefánsson, 22.6.2007 kl. 15:58]

Takk fyrir góðar pælingar Jóhann Páll. Er sammála þeim.

mbk.