Ljótasti hundur heims ber nafn með rentu

Ég hló eins og galinn maður yfir kvöldfréttunum er myndir voru sýndar frá vali ljótasta hunds heims. Það er óhætt að segja að sigurvegarinn hafi verið skelfilega ljótur greyið. Hundurinn Elwood er svo ófrýnilegur að það er eiginlega með ólíkindum að einhver vilji eiga hundspottið. Það virðast engin mörk fyrir því hvað einn aumingjans hundur getur verið innlega og suddalega ljótur.

Fannst þó hann Elwood greyið vera eins og mildasti ljósglampi miðað við þann sem var valinn í fyrra og hét Sam að mig minnir. Fann mynd af honum eftir mjög langa leit. Hann var svo ófrýnilega ljótur að margir voru hræddir við hann. Sam var víst meinlaus en hafði svo ljóta ásýnd að fólk varð skelkað við það eitt að sjá mynd af honum. Sam greyið drapst reyndar tiltölulega skömmu eftir valið.

Set hér inn myndir af þeim báðum. Þið getið valið hvorum ykkar finnst ljótari, en eitt er ljóst að hvorugur eru þeir eins og ljúfu hundarnir hérna í íslensku sveitasælunni.

Ljótasti hundur heims krýndur

Athugasemdir

[Karl Tómasson, 23.6.2007 kl. 21:04]

Sæll Stefán.

Afi minn átti hund sem hét Spurðann.

Hvað heitir hundurinn á myndinni???

[Ragnheiður , 23.6.2007 kl. 21:06]

Svakalega ljótt kvikyndi...ég færi ekki með þetta apparat út að labba nema þá í poka. Mínir hvuttar eru voða sætir, það eru myndir af þeim á síðunni minni.

[Ásdís Sigurðardóttir, 23.6.2007 kl. 21:26]

Sam vinnur. ég ætla að kíkja á hundana hjá hrossinu

[Axel Jón Fjeldsted (IP-tala skráð) 24.6.2007 kl. 02:13]

Sam er eins og djöfullinn ásýndar ef hann er til en Elwood er bara dúlla eins og stelpurnar kalla þa ð.

[Stefán Friðrik Stefánsson, 24.6.2007 kl. 18:24]

Takk fyrir kommentin.

Sam er já miklu ljótari, þvílíkt sem greyið hundurinn var forljótur. :)

mbk.