Tekið á vandamáli á Moggablogginu

Ég sé að stjórnendur hér á Moggablogginu hafa tekið á því vandamáli sem hér hefur verið síðustu dagana í tilfelli einnar bloggsíðu hér, því sama bloggi og ég vék að vegna ógeðfelldra ummæla um kvenréttindi. Það er ánægjulegt að stjórnendur vilja halda standard á skrifunum hér og taka fyrir þá sem brjóta þann ramma sem á að vera utan um þetta bloggkerfi. Það skiptir máli í krísustandi að stjórnendur þori að taka af skarið og taka út þá sem eru gagngert að skemma bloggsamfélagið hér eða lækka standard þess.

Athugasemdir

[Pétur Björgvin, 25.6.2007 kl. 10:02]

Hvar eru mörkin, hver ákveður þau?

[Stefán Friðrik Stefánsson, 25.6.2007 kl. 10:06]

Stjórnendur og yfirmenn á vefkerfi Morgunblaðsins taka auðvitað á svona málum. Í smáa letrinu við innskráningu hér eru skýrar klausur um að þetta kerfi er á vegum Mbl og það hefur fullt vald yfir því hvernig þessu er háttað. Það var vel greinilegt að fólki ofbauð stórlega þau skrif sem þarna var um að ræða, ég tel að þetta sýni og sanni vel að menn þora að taka á vandamálunum sem geta komið til sögunnar.

mbk.

[Jóhann Páll Símonarson, 25.6.2007 kl. 10:07]

Heill og sæll Stefán.

Það var mikið að mbl tók fyrir þessi mál sem sumir sem blogga hér hafa farið offari með málatilbúnaði sínum. Þá er átt við svívirðingar og hótanir sem hafa viðgengist allt of lengi.

Enn þessi umræða er þörf Stefán og gott hjá þér að benda fólki á þessa skýringu mbl.

Jóhann Páll Símonarson.

[Snorri Bergz, 25.6.2007 kl. 10:11]

Já, hrein snilld. Hreinlega ógeðslegt hvernig maðurinn skrifaði.

[Jens Guð, 25.6.2007 kl. 10:42]

  Maðurinn sem um ræðir er fatlaður (greindarskertur) og þau eru nokkur í samfélagi hans sem halda úti bloggi.  Ég veit ekki hvernig á að bregðast við sumu sem þar dúkkar upp. 

  Ég rakst í ógáti inn í blogg þessa hóps.  Þar var maðurinn að halda því fram að fyrrverandi tengdamóðir hans væri vændiskona.  Hann orti níðvísur um hana o.s.frv.  Út um allt blogg er nafn og myndir af fyrrverandi konu hans þannig að allir sem til þekkja vita jafnframt hver móðir hennar er.

  Ég ákvað að fara aldrei inn á bloggsíðu mannsins aftur.  Og vissi ég þó ekki þá um nauðgunarkærur á hendur honum,  barnaperraskap á spjallsíðum barna eða klámhringinn sem hann er í. 

  Stjórnendur blog.is eiga í lengstu lög að forðast ritskoðun.  En þeir mega alls ekki hampa eða vekja athygli á og auglýsa sjúk blogg veikra einstaklinga. 

[Fransman (IP-tala skráð) 25.6.2007 kl. 11:07]

"ógeðfelldra ummæla um kvenréttindi" ?

Hverju missti ég af ? 

[Ragnheiður , 25.6.2007 kl. 11:52]

ég er hrædd um að hann hafi bara lokað þessu í bili en mæti galvaskur til baka. Það þarf að setja skýrari reglur til að koma í veg fyrir svona. En svo má auðvitað segja að það sé þá komin ritskoðun og fæstir vilja slíkt.

Vandrataður meðalvegurinn eins og oft áður.

[S. Lúther Gestsson, 25.6.2007 kl. 12:22]

Drengurinn virðist hafa lokað á aðgang að síðunni sinni sjálfur með því að nú þarf lykilorð til að komast þarna inn. Hann er ennþá á topp listanum í 3 sæti. Forsvaramenn moggabloggsins segast hvergi hafa komið nálægt þessu.

Einhvernveginn er mér alveg sama hvað lykilorðið er, ég mun ekki reyna að fá aðgang að hans síðu.

[Ósk Sigurðardóttir, 25.6.2007 kl. 14:22]

Villtist einu sinni inn á síðu umtalaðs manns, sem greinilega er greindarskertur. Ofbauð skrifin og fór ekki aftur. En mér er spurn, afhverju var hann orðinn svona vinsæll? 

[Stefán Friðrik Stefánsson, 25.6.2007 kl. 15:32]

Takk fyrir kommentin.

Ætla ekki að skrifa meira um þetta. Hef sagt það sem mér býr í brjósti. Það nægir. Eftir stendur að ég er viss um að það var tekin ákvörðun um að loka á þetta blogg. Í upphafi var því lokað en síðar var því aðeins læst. Er viss um hvernig þetta var og er satt best að segja ekki hissa á því, eftir skrif þessa manns sem fóru yfir öll eðlileg mörk. Það er ekki æskilegt að fólk sem skrifar með þessum hætti sé auglýst upp.

mbk.