Vangaveltur um ástæður lokunar bloggvefs Emils

Það hefur mikið verið rætt og ritað í morgun um lokun moggabloggssíðu Emils Ólafssonar. Það er sagt að hann hafi lokað sjálfur og margt annað bent á svosem. Ég trúi því nú pent að hann hafi tekið það upp hjá sjálfum sér að loka. Skrif hans síðustu dagana voru ekki beint þessleg að hann ætlaði að fara að draga sig í hlé og bloggast undir leyninafni. Hann skrifaði frekar nöturlega til Áslaugar og Ellýjar sem urðu um tíma ofar en hann á vinsældalista og þau skrif gáfu ekki beint til kynna að hann ætlaði sér að draga sig út úr samfélaginu.

Hvað með það. Ætla ekki að velta mér meira upp úr þessu máli. Það er hinsvegar mitt mat að fólk sem á greinilega við vandamál að stríða eigi ekki að auglýsa sig á vinsælasta fréttavef landsins. Það féllu mörg heit orð frá þessum bloggara, orð sem gleymast ekki og voru fyrir neðan allt eðlilegt. Þau voru til skammar fyrir þetta bloggkerfi, ég fer ekki ofan af því. En vonandi geta menn sett sér eðlileg siðleg mörk hérna varðandi bloggskrif, sumt á heima á virtu bloggkerfi og annað ekki.

Ég held að allir séu sammála um það. Það er eðlilegt að hver og einn hafi svigrúm til skrifta með sínu tagi, en öllu frelsi í tjáningu verða að fylgja eðlileg mörk.

Athugasemdir

[Aðalheiður Ámundadóttir, 25.6.2007 kl. 12:13]

Á eyjunni er það haft eftir moggamönnum það þeir hafi ekki lokað á hann heldur hafi hann sjálfur gert það.

Ef það er rétt sem hann sagði að hann ætlaði sér í meiðyrðamál við Elías má vera að lögmaður hans hafi mælt með því að hann lokaði blogginu, enda svosem ekki manna kurteisastur og margir gætu haft ágætisástæður til að höfða meiðyrðamál gegn honum sjáfum... kastandi steinum í glerhúsi.

En nú er mál að linni þykir mér. Ég er ánægð að hann er farin og óska þess að heilbrigðar umræður geti farið af stað að nýju 

[Haraldur Haraldsson, 25.6.2007 kl. 12:17]

Þetta orð i tima töluð/ekki að liða svona öfga/Halli Gamli

[Sannleikur, 25.6.2007 kl. 12:30]

Ég hef það samkvæmt áræðanlegum heimildum að hann hafi lokað aðgangnum sjálfur..allavega segir hann það í bloggfærslu eftir lokun(já éforvitnin sendi honum email og fékk passwordið)

Mér fannst samt nett "vontgott" að lesa bloggið hans..jú jú umdeild skrif og allt það...en fárið var orðið hálf einkennilega skemmtilegt að fylgjast með....Hann var skyndlega orðin paris hilton íslands...enginn þoldi hann en allir lásu...hann fékk sínar 15 mínutu frægð...og moggbloggið hætt að skjálfa...

[Már Högnason (IP-tala skráð) 25.6.2007 kl. 13:26]

Fleiri síðum en hjá Emil hefur verið lokað. Skoðið Vinsæl blogg núna á forsíðu Mbl. Þar vantar blogg Immu, vinkonu hans.

[Þröstur Unnar, 25.6.2007 kl. 13:54]

Tilvitnun

"Það er hinsvegar mitt mat að fólk sem á greinilega við vandamál að stríða eigi ekki að auglýsa sig á vinsælasta fréttavef landsins. " tilvitnun líkur.

Er þetta nú ekki fullmikið, eða þarfnast nánari útskýringa.