Er Bill Gates búinn að missa dýra titilinn sinn?

Bill Gates hefur drottnað yfir viðskiptaheiminum sem ríkasti maður heims í áraraðir. Enginn hefur komist nærri honum. Nú bendir flest til þess að hinn mexíkóski Carlos Slim sé orðinn ríkari. Það eru auðvitað stórfréttir. Síðan að stóra tölvubylgjan varð að veruleika, með nýjum tímum tölvuheimsins, með tæknivæðingu Microsoft undir leiðsögn hans fyrir rúmum áratug hefur hann verið sem Guð í bransanum. Hann hefur drottnað. Áhrif hans eru óumdeild, hann hefur markað mikil spor á sínum vettvangi.

Bill Gates hefur átt meiri peninga en okkur hér dreymir um að eignast að ég tel til samans. Ríkidæmi hans hefur verið í fréttum öll þessi ár. Held að það séu litlar líkur á að einhver sem les þennan vef eða alla bloggvefi landsins geti komist yfir helming þess sem hann á. Slíkt er veldið. En ég held að okkur öllum dreymi nú innst inni um að eignast slíka fúlgu. En það er stundum ágætt bara að láta sig dreyma.

Það er annars löngu sannað að lífsins hamingja felst ekki í peningum. Ríkasti maður heims getur átt slatta af peningum en samt sem áður ekki átt neina lífshamingju. Fátækustu hjón heimsins gætu verið rík, án peninga, með sanna lífshamingju. Peningar eru ekki samasem-merki fyrir lífshamingjuna og gleði. Sú fylling lífsins kemur með hugarfarinu okkar.

Ég held að slík fúlga ræni fólk slatta af lífshamingju um leið og hún breytir hugarfarinu. Það er mitt mat. Ríki maðurinn verður ekkert sælli við að telja peninga alla sína ævi. Það er að ég tel lífsins speki.

Bill Gates er ekki lengur ríkasti maður heims

Athugasemdir

[Geir Jónsson (IP-tala skráð) 4.7.2007 kl. 02:14]

Ekki samt reikna með því að það gerist fyrir alla ríka...

Sumir gleyma ekki rótunum sínum og fara vel að því að aðlagast nýja lífinu. En jú það er samt alveg algengt að peningar spilli fólki, en það er ekki sjálfgefið.

[Stefán Friðrik Stefánsson, 4.7.2007 kl. 13:04]

Takk fyrir kommentin.

Geir: Þeir sem verða ríkir eru ekki endilega eins. Sumir haldast á jörðinni, aðrir ekki.

Nelson: Gates er týpan sem hefur haldið karakter sínum svo til eins fyrir og eftir ríkidæmi. Hann hefur gert margt gott og gefið vel af sér og sínu ríkidæmi til þeirra sem minna mega sín. Hann á mikla virðingu skilið fyrir það.

Kristjana: Einmitt, ekki spurning með það. :)

mbk.