Heilagi blærinn farinn af fröken París Hilton

Það líður varla sá dagur vestan hafs er París Hilton er ekki í sviðsljósi fjölmiðlanna. Stutt er síðan að hún losnaði úr fangelsi og sagðist hún í viðtali við Larry King síðla júnímánaðar orðin dauðleið á djamminu og vildi helst hætta því. Heilagi blærinn er farinn af henni nú þegar, enda berast fréttir um að hún sé komin strax aftur í djammgírinn eftirminnilega. Það er greinilega fylgst með hverju spori hennar og eru minnstu athafnir hennar komnar í pressuna um leið.

Það er oft hlægilegt að lesa fréttirnar af fræga og ríka fólkinu, sérstaklega vestan hafs. Paris Hilton er sennilega orðin frægust af þeim uppagellum sem hafa flaskað á frægðinni og runnið til á göngunni á rauðu rósum glamúrlífsins. Það voru tíðindi þegar að hún rann til á svellinu og fékk dóminn um að afplána refsingu sína. Ekki virðist hún hafa lært mikið af þessu falli og er þegar komin í sama gírinn, ef marka má fréttirnar, sem flæða endalaust yfir allt vestan hafs.

Það er reyndar stutt síðan að fréttakona þar neitaði að fjalla um París Hilton og eyddi fréttinni í beinni. Það var vel af sér vikið. Það eru flestir búnir að fá hundleið á prímadonnustælum þessarar aumingjans konu.

Paris Hilton í fínu formi út á lífinu

Athugasemdir

[katikal, 10.7.2007 kl. 00:41]

Þessi frétt er nú ekki öll sem sýnist, veit ekki betur en að stúlkan hafi verið að fagna afmæli með vinkonu sinni, hún hlýtur nú að mega það!

[spammer, 10.7.2007 kl. 10:11]

Öll erum við nú mannleg og okkur verður stundum á í lífinu. Það getur ekki veri auðvelt að vera hundeltur af pressunni dag eftir dag og hvert skref sem þú tekur er blásið upp í eitt allsherjar drama. Ég persónulega sé ekkert athugavert við það að hún fari út á lífið öðruhverju. Maður getur lifað eðlilegu og heilbrigðu lífi án þess að „hætta“ að lifa ;)