Lygilega góð hitabylgja

Það hefur verið alveg yndislegt veður víðsvegar um landið síðustu dagana. Sönn og góð hitabylgja t.d. í gær, notalegt hérna á Akureyri allavega. Það er samt lygilega hressandi að heyra af því að 68 stiga hiti hafi verið í Reykjavík. Það hlýtur að vera vænlegt hitamet. En það er ekki allt sem sýnist. Mælirinn ruglaðist eitthvað, enda hefðu flestir kvartað frekar en notið hefði sú orðið raunin.

Þetta sumar hefur verið ótrúlega gott í heildina. Ég man ekki eftir svona þurru sumri í áraraðir. Þetta er að stefna í sögulegt sumar hvað það varðar. Rigningardagarnir hér á Akureyri síðustu vikurnar eru allavega léttilega teljandi. Það var mörgum kærkomið þegar að fór að rigna um daginn, enda gras hreinlega farið að gulna og flestir búnir að vökva lóðina sína mjög vel.

Það verður spennandi hvernig veðrið næstu dagana. Þó að öll vonumst við eftir góðu vetri er ekki kræsilegt að við endum í 68 stiga hita eins og mælist við Kringluna.

Lygamælir slær met

Athugasemdir

[Þorsteinn Sverrisson, 13.7.2007 kl. 17:05]

Jæja Stefán minn. Þið Akureyringar eruð frægir fyrri að vera voðalega ánægðir með veðrið ykkar.  Ég var þarna um síðustu helgi með strákinn minn á N1 mótinu frá fimmtudegi til laugardags og það var meira og minna vætutíð og hálf kalt allan tímann meðan það var bongóblíða fyrir sunnan

En það var gaman að koma norður engu að síður. Akureyri er alltaf fallegur bær.

[Stefán Friðrik Stefánsson, 13.7.2007 kl. 17:35]

Takk fyrir kommentin.

Steini: Þú komst akkúrat þegar að fór að rigna eftir langa þurrkutíð. Þegar að þarna kom sögu hafði ekki rignt hér í mánuð. Gras var orðið sölnað af þurrki og bændur farnir að kvarta. Það hefði verið skemmtilegra ef N1 mótið hefði getað haldist þurrt, verið t.d. helgina á undan sem var virkilega góð. Vona samt að það hafi verið gaman.

Árni: Eflaust.

mbk.