Valur missir af tækifærinu að leiða úrvalsdeildina

Það hlýtur að vera gremja hjá stuðningsmönnum Vals eftir að liðið missti af gullnu tækifæri til að leiða úrvalsdeildina í kvöld. Þeir töpuðu fyrir Fylki 4-2. Þetta var í senn óvæntur og athyglisverður sigur, enda töldu flestir að Valsmenn myndu sækja sigur í Laugardalinn. En þessi ósigur þýðir að FH heldur velli og getur aukið muninn, enda á liðið leik til góða og spilar gegn Kelfvíkingum í Hafnarfirði á laugardag.

Það verður fróðlegt að sjá hvort að Valur nái svo góðu tækifæri til forystu aftur. Vinni Keflvíkingar Hafnfirðinga á laugardag geta þeir jafnað Valsmenn. Það getur varla ríkt gleði hjá Hlíðarendaliðinu á þessu kvöldi með stöðuna, en enn er auðvitað séns og mótið fjarri því búið. Staða KR er enn umhugsunarefni. Á morgun mætir liðið Blikum í Kópavogi. Síðast þegar að KR spilaði í Kópavogi töpuðu þeir með niðurlægjandi hætti fyrir nýliðum HK. Sigur er þeim mikilvægur á þessum tímapunkti.

Það er ekki beint beysin staðan í boltanum hérna heima. Akureyrarliðin eru í tómu tjóni. Botnbaráttan verður hlutskipti KA þetta sumarið, sem er reyndar fyrir nokkru ljóst. Það er óviðunandi staða. Staða Þórs er skárri, en þar munar þó litlu á. Þeir hafa þrjú stig fleiri í deildinni en KA og eru í sjöunda sæti. Þetta er ekki beint ásættanleg staða hjá Akureyrarliðunum. Þetta verður ekkert gullaldarknattspyrnusumar hér, svo mikið er víst.

Fylkir skellti Val 4:2 í Laugardalnum

Athugasemdir

[Bjarni Kjartansson, 25.7.2007 kl. 08:49]

ÞEtta sýnir, að menn geta ekki og MEGA ekki fara inn á völlinn með sigurinn í vasanum.

Slíkt er ávísun á mistök.

Það varð.

Við erum fúlir, Hlíðarenda-strákarnir

Miðb´jaríhaldið