Eiður Smári kýldur í miðborg Reykjavíkur

Knattspyrnumaðurinn Eiður Smári Guðjohnsen var kýldur í miðbæ Reykjavíkur um helgina eftir kvöld á djamminu. Hafa fréttir af þessu borist út í dag og verið í umræðunni. Það er afar leitt að heyra af þessu atviki. Vissulega getur maður í stöðu Eiðs Smára átt von á að einhverjum sé í nöp við hann og hugsi honum illt. Það er samt sem áður ömurlegt að heyra fréttir af svona líkamsárás.

Það hefur jafnan verið svo að fólk telji að frægt fólk geti farið út og skemmt sér án þess að verða fyrir svona leiðindum. Það er reyndar orðið svo að líkamsárásir í borginni eru orðnar mjög svæsnar. Sérstaklega var ömurlegt að heyra fréttir af því að konur hafi ráðist á aðra konu og bitið af eyranu á henni. Grimmdin í líkamsárásum er að verða verulega áberandi og þær verða sífellt harkalegri.

Það er mikið talað um að konur ráðist hverjar á aðra og það séu fjarri því mildustu árásirnar. En það er langt síðan að ráðist hefur verið á þekkt fólk bara vegna þess hvert það er. Þess vegna er athyglisvert að heyra af því að Eiður Smári hafi orðið fyrir árás. Þetta er mjög ömurlegt mál í alla staði.

Athugasemdir

[Sigurður Axel Hannesson, 31.7.2007 kl. 16:30]

Mín reynsla er sú að berserkirnir gera sér ekki mannamun, og því gildir það einu hvort Jón eða séra Jón hefur orðið fyrir barðinu á þeim. En að sjálfsögðu er það alltaf leitt að heyra þegar slíkt á sér stað.

[Bjarni Kjartansson, 31.7.2007 kl. 16:41]

Auðvitað þarf hann að koma til Íslands, nánar tiltekið Mðborg Höfuðastaðarins. til að' verða almennilega bankaður.

Iss þessir Spanjólar geta ekki kýlt neitt.  Algerar kjedlingar.

[Stefán Friðrik Stefánsson, 31.7.2007 kl. 16:41]

Mér finnst það alveg augljóst að ráðist var að Eiði Smára vegna þess að hann heitir Eiður Smári. Það getur varla verið tilviljun. Áreiti á fólk sem er þekkt er vel þekkt en líka það að ráðist sé að þeim því að einhverjum sé illa við þá eða velgengni þess á ýmsum sviðum.

mbk.

[Stefán Friðrik Stefánsson, 31.7.2007 kl. 16:42]

Skemmtilegt komment Bjarni :)

[Sigurður Axel Hannesson, 31.7.2007 kl. 16:58]

Augljóst? Tja, ég myndi ekki þekkja manninn nema hann kynnti sig með nafni ef við tækjumst í hendur.

Góður punktur, Bjarni!

[Stefán Friðrik Stefánsson, 31.7.2007 kl. 17:07]

Eiður Smári er mjög vel þekktur og flestir vita hvernig að hann lítur út. Það líður varla sú vika að Eiður Smári sé ekki í fréttum eða sýnilegur okkur hérna heima. En kannski þekkja hann ekki allir, en þeir eru samt fáir held ég sem ekki þekkja hann í sjón.

[Stefán Friðrik Stefánsson, 31.7.2007 kl. 19:06]

Það er alveg ljóst að það var þannig. Kallað var til hans með nafni og þegar að hann sinnti ekki því kalli var ráðist að honum.

[Stefán Friðrik Stefánsson, 31.7.2007 kl. 21:12]

Mér finnst ekkert fyndið við það að svona atvik eigi sér stað. Það er ekki eðlilegt að ráðist sé að fólki í miðbænum með svona hætti, alveg sama hvort það er Eiður Smári eða aðrir. Annars sást atburðarásin vel í kvöldfréttum en hún náðist á myndsíma.

[Ingibjörg Friðriksdóttir, 2.8.2007 kl. 13:29]

Bjarni er auðvitað húmoristi dauðans.  Það eru bara misvitrir karlar að tjá sig um þetta mál á þessari síðu.  Ég er kjeddling og bý í austurbænum, langar samt að segja ykkur:  Í mínum huga er þetta ekkert gamanmál, hvort sem það er hann eða hún sem verður fyrir barðinu á ofbeldisfólki, þá er það hræðilegt og ekki til að henda gaman af.  Það er eitthvað stórlega mikið að hjá fólki sem finnur sig knúið til að berja annann mann eða konu.

Fáum atferlissálfræðinga til að skoða þjóðarsálina og athuga hvort ekki sé hægt að gera eitthvað sem koma megi að gagna.  Það fyrsta sem mér dettur í hug er að útrýma fátækt barna,  gera allt tómstunda og íþróttastarf gjaldfrítt.

Ég er ekki eins leiðinleg og skrif mín benda til, ég er bráðskemmtileg, þó ég segi sjálf frá.