Mun Eiður Smári þurfa að lækka launaprísinn?

Það voru ekki góðar fréttir sem bárust af Eiði Smára Guðjohnsen í íþróttafréttum Stöðvar 2 í kvöld. Meiðsli hrjá hann og greinilegt að hann hefur áhyggjur af heilsufarinu sem eðlilegt er. Í þeim bransa sem Eiður Smári hefur valið sér er góð heilsa og úthald allt sem máli skiptir til að vel fari. Mitt í þessum heilsufarsvandamálum er óvissa uppi um hvert að Eiður Smári fari. Svo virðist vera sem að lykilmenn hjá Barcelona séu farnir að tala um að hann sé fastur í varaliði og það er varla öfundsvert hlutskipti fyrir leikmann sem vill vera í frontinum.

Svo virðist sem að launakröfur Eiðs Smára séu metnar of háar í Bretlandi. Það er ekki óeðlilegt eins og komið er ef varaliðsseta er það sem blasir við leikmanninum og jafnvel heilsuvandamál komin til sögunnar. Það er því ekki bjartir tímar í sjónmáli hjá Eiði Smára. Það verður fróðlegt að sjá hvað tekur nú við. Heilsan er lykilmál í bransanum og vonandi að Eiður Smári muni ná sér fljótt og vel af því sem að hrjáir hann. Það hlýtur að skipta hann mestu máli í þessari stöðu, enda ræður það algjörlega framhaldinu.

Það er ekki óeðlilegt að sú spurning vakni núna um hvort að Eiður Smári verði að lækka launaprísinn. Það er greinilegt að verðið og eftirspurnin er ekki eins mikil og talað var um. Hik er komið á bresku liðin. Það verður því auðvitað athyglisvert að sjá hvað tekur við. Orðrómur hefur verið um að Eiður Smári færi til Íslendingaliðsins West Ham og Manchester United svo nokkur séu nefnd. Svo virðist vera sem að tími Eiðs Smára í Barcelona, eftir rúmlega ársvist, sé að líða undir lok ef marka má fréttir og orðróm.

Þegar að því kemur að semja um vistaskiptin skiptir fátt meira máli en launaprísinn, ef frá er skilið heilsa leikmannsins. Það verður fróðlegt að sjá hvort að fyrsta skref Eiðs Smára þegar að hann fer frá Spáni verði að lækka launin og feta einhver skref niður á við.

Segir launakröfur Eiðs Smára háar

Athugasemdir

[Sigurbjörn Friðriksson, 15.8.2007 kl. 14:19]

 

Lögmálið um "framboð og eftirspurn" verður að fá að ráða ríkjum, án þess að sá er lýtur því sé kallaður ónöfnum eins og "gráðugur".

Eru þeir sem selja íbúðir sínar á markaðsverði - gráðugir?....aðeins vegna þess að einhverjum finnst íbúðaverð hátt, en vill ekki flytjast á Kópasker eða Raufarhöfn, þar sem húsnæðisverð er mun minna?