Vandræðaleg yfirsjón í auglýsingu Símans

Sanniði til, ég þurfti sannarlega stækkunargler til að sjá Vodafone-merkið í auglýsingu Símans. En ég sá loksins það sem varð til þess að auglýsingin margfræga var tekin úr umferð, eftir fína ábendingu er ég leit betur á málið eftir fund í kvöld. Hafði heyrt um þetta seinnipartinn og renndi hratt yfir auglýsinguna áður en ég bloggaði um málið og sá ekki neitt þar. Þegar að ég kom aftur heim beið mín tölvupóstur frá góðum vini þar sem voru fínar upplýsingar og bloggvinir bentu á þetta líka.

Þetta er óneitanlega ansi vandræðaleg yfirsjón hjá Símanum. Dýr og áberandi auglýsing og svo kemur í ljós að undir niðri er þetta dulin auglýsing fyrir Vodafone. Sjokkerandi uppgötvun allavega. Þeir hjá Vodafone hljóta að brosa lúmskt yfir þessu. Svo vekur athygli að hjá Júdasi sjálfum er víst árið 2007. Vandræðalegt.

Athugasemdir

[Jens Guð, 12.9.2007 kl. 02:02]

  Ég verð að taka undir að þetta er spaugilega klaufalegt hjá Símanum.  Eins og mikið er lagt í dæmið. 

  Þar fyrir utan þykir mér uppstillingin á síðustu kvöldmáltíðinni - þó að hún sé sótt í frægt málverk - hálf kjánaleg.  Allir sitja sömu megin borðs í stað þess að raða sér umhverfis borðið. 

[Huld S. Ringsted, 12.9.2007 kl. 09:04]

Ekki var ég búin að taka eftir þessu í auglýsingunni.

[hræsnari, 12.9.2007 kl. 15:00]

Mér fannst þetta einmitt vera rúsínan í pylsuendanum og snjallt bragð hjá Símanum. Þetta eru svonefnd undirmeðvitundar skilaboð (slæm þýðing á Subliminal message). JÚDAS NOTAR VODAFONE!!