O.J. Simpson bak við lás og slá

Það er sérstök tilfinning að sjá O.J. Simpson bak við lás og slá, nú vegna afbrota í Las Vegas. Ég var alltaf þeirrar skoðunar að hann hefði myrt fyrrum eiginkonu sína og ástmann hennar fyrir þrettán árum og varð gáttaður á frægum dómi fyrir tólf árum sem sýknaði hann í þessu eina frægasta morðmáli síðustu áratuga í Bandaríkjunum. Réttarhöldin hlutu metáhorf í bandarísku sjónvarpi og allt málið varð eins og sakamálaþáttur með dómsívafi.

Fyrst man ég eftir O.J. í Naked Gun fyrir um tveim áratugum. Myndin var með bestu gamanmyndum þess tíma og O.J. vakti þar mikla athygli og var í öllum þrem myndunum sem skartaði Leslie Nielsen og Priscillu Presley í aðalhlutverkum. Hann hafði á sér ímynd fátæklingsins sem braust til metorða, ameríski draumurinn all over again. Morðmálið árið 1994 eyðilagði mannorð hans og þrátt fyrir dóminn fyrir rúmum áratug eru margir enn í vafa um hvort hann hafi verið saklaus. Flestir telja, sem mjög eðlilegt er, að hann hafi framið morðin.

Hann beit höfuðið af skömminni fyrir um ári þegar að hann ætlaði sér að gefa út bókina If I Did It, þar sem hann lýsti hvernig hann hefði farið að hefði hann drepið Nicole Brown Simpson og Ronald Goldman. Fjölskyldur hinna látnu, sem aldrei hafa sætt sig við sýknudóminn yfir Simpson gáfu bókarskrifunum undirheitið; Confessions of the Killer. Málið er enn í kastljósi fjölmiðla og dómurinn á sínum tíma skók Bandaríkin. Simpson hefur aldrei hlotið uppreist æru síðan, þrátt fyrir sýknudóminn og hefur lifað í skugga þessa máls síðan.

Það munu margir gleðjast yfir þessum örlögum hans nú í Las Vegas, svo mikið er víst.

O.J. Simpson ákærður fyrir mannrán

Athugasemdir

[Ingimundur Kjarval, 19.9.2007 kl. 12:30]

Flott að þú veist betur en bandarískur kviðdómur að Simpson var sekur. Þú hlýtur að hafa verið í réttarsal alla daga, annars værir þú ekki að fullyrða slíkt. Þú áltur kannski að svarta fókið í kviðdómnum hafi verið svo vitlaust? 

Simpsonmálið, bæði þá og núna er lítið annað en merki um að kynþáttahatur gegn svörtum er enn við líði í Bandaríkjunum og þetta máti á að fá útrás fyrir það.

Þú ættir að skammast þín Stebbi að taka þátt í því. Finnst þér eðlilegt að Simpson eigi yfir sér lífstíðarfangelsi fyrir að vera með læti á hótelherbergi? Finnst þér í lagi að maður sem var sýnknaður af verknaði þurfi að greiða skaðabætur fyrir að hafa gert það?

Merkilegt með kynþáttahatur gegn svörtum, ótrúlegasta fólk sem þjáist af því. En á Akureyri? Ekki margir svartir þar svo ég viti. Kv. Ingimundur Kjarval