Enn eitt raunveruleikashowið í sjónvarpinu

Einmitt þegar að ég hélt að raunveraleikaþættirnir væru að detta úr tísku, enda hefur Stöð 2 slegið af bæði Idolið og X-factor, heldur Bubbi Morthens upp í túr um landið til að leita að næstu poppstjörnu Íslands, poppstjörnunni sinni. Hann verður ekki með amalegan félagsskap, en með honum verður sjálf Unnur Birna fyrrum alheimsfegurðardrottning sem kynnir á öllu dæminu. Ég verð að viðurkenna að ég skil ekki þennan þátt og þemað á bakvið hann.

Af hverju var ekki haldið áfram með X-factor? Var ekki mikið áhorf á þáttinn, ekki vantaði auglýsingarnar í hann og ekki var hægt að sjá annað en að þjóðin hefði gaman af að horfa á. Talað var um keppendur og allt dæmið fram og til baka á bloggi, spjallvefum og almennt í samfélaginu. Gekk sá pakki ekki upp eða hvað gerðist? Bubbi hætti í Idolinu þegar að farið var í X-factor pakkann og var umdeildasti dómari Idolsins, en hann hefur annars alla tíð verið þannig að annaðhvort dýrkar fólk hann eða gjörsamlega þolir hann ekki. 

En þessi módel gáfust upp eftir mislangan tíma og því var freistandi að halda að þetta raunveruleikaþáttadæmi væri búið að vera. Man eiginlega ekki eftir raunveruleikaþætti hérna heima sem hefur gengið upp til lengdar. Það var algjört disaster þegar að Skjár einn íslenskaði Bachelor-dæmið og hver man ekki eftir þáttum eins og Ástarfleyinu og hvað þetta heitir nú allt saman. Þetta er flest allt dautt. Reyndar er Skjár einn enn með Allt í drasli eða hvað sá þáttur annars heitir, sem byggist upp á að fara heim til fólks og redda því út úr ruslahaugnum.

En kannski er eini maðurinn sem getur keyrt upp áhuga á svona dæmi sjálfur Bubbi. Hann verður aðalpersónan í þættinum. Það var hann reyndar líka í Idolinu, en það var greinilegt að hann var ekki alltaf sáttur við að deila sviðsljósinu. En þetta verður þátturinn hans Bubba og snýst um hann, nema þá að Fríða fegurðardís muni skyggja á dýrið sjálft.

Unnur Birna kynnir Bubba

Athugasemdir

[Steinn E. Sigurðarson, 9.10.2007 kl. 15:24]

Þetta er náttúrulega Rock Star á Íslandi, með eins og eina alheimseitthvaðdís í kaupbæti.. Spurning hvor noti meira makeup, hún eða Dave Navarro?

[Fannar frá Rifi, 9.10.2007 kl. 17:07]

Þetta er svo sorglegt hjá honum. greinilegt er að Bubba vantar pening. síðan spyr ég, hvernig hefur gengið hjá þessum íslensku idol/x-factor stjörnum?

[Stefán Friðrik Stefánsson, 10.10.2007 kl. 21:32]

Steinn: Já vissulega. Vona að verði stuð yfir þessu. Verður spennandi að sjá hver meikar sig mest, Bubbi eða Unnur Birna hehe :)

Fannar: Alveg sammála. Þetta snýst allt um peninga þegar að upp er staðið. Another day - another dollar ekki satt? ;)

mbk.