Hitafundur í Valhöll

Ég sé að miklar kjaftasögur hafa spunnist um fulltrúaráðsfundinn í Valhöll á hinum ýmsu bloggsíðum. Þar er sagt frá því að Geir H. Haarde, forsætisráðherra og formaður Sjálfstæðisflokksins, hafi viljað slíta fundi eftir ræðu sína en fundargestir hafi ekki virt að fundurinn ætti aðeins að snúast um ræðu formannsins. Ég verð að viðurkenna að mér finnast þessar sögur fjarri því góðar og ekki til sóma ef sannar eru fyrir það hvernig fundir af þessu tagi eigi að vera.

Þar hefði átt að tala opinskátt um það sem hefur gerst, fara yfir stöðu mála og klára það í kjölfarið. Þar sem hópur trúnaðarmanna kemur saman á að taka heiðarlega og opinskáa umræðu um stöðuna, til þess eru fulltrúaráðin og stofnanir flokksins þegar eitthvað gerist. Þar á umræðan að fara fram. Það er bara mitt mat. Hinsvegar vona ég að fólk leggi virkilega í að afgreiða málið en vinni ekki með þeim hætti að þar eigi aðeins einn maður að tala og fara yfir málin einvörðungu.

Hvað varðar þennan fund vona ég að hann hafi verið sá uppgjörsfundur þessa lykilmáls að það sé búið. Það er öllum hollt að klára málin hreint út í þessu lykilbaklandi flokksins, enda hlaut að vera boðað til þessa fundar til að tala hreint út en ekki aðeins að hlusta á eina ræðu.

Samstarfsslitin útrætt mál

Athugasemdir

[Gunnar Th. Gunnarsson, 19.10.2007 kl. 02:56]

Þessum kjaftasögum á ég erfitt með að trúa. Ef þær eru sannar, þá segi ég eins og með landsliðið í fótbolta, Gauja Þórðar aftur! (Davíð aftur!

[Valsól (IP-tala skráð) 19.10.2007 kl. 06:29]

Geir hefur greinilega lært sitt hvað hjá lærimeistara sínum, Davíð Oddssyni

[esg (IP-tala skráð) 19.10.2007 kl. 09:50]

Ekki lýgur Moggi.

[Bjarni Kjartansson, 19.10.2007 kl. 12:59]

Auðvitað koma kjaftasögur af svona fundi.  Hann var lokaður og bara út frá því, er svo auðvelt að fleyta lygisögum í skjóli nafnleyndar.

Ég var á þessum fundi og get svosem staðfest, að Geir sagði nokkuð á þá leið, að í raun væri hægt að slíta þessum fundi hér og nú, þar sem eindrægni ríkti nú og traust milli fulltrúa okkar í borgarstjórn.  Fráleitt var hann að leggja til fundarslit, því þa´þegar hafði Vilhjálmur staðið upp og gert sig líklegan til að tala.

Fum og reynsluleysi fundarstjórans er afsakanleg, þar sem um verulega viðkvæmt mál að ræða, enda gat hann þess við fundarlok.

ÞArna töluðu menn blákalt út og sumir óskuðu eftir tæknilegum upplýsingum um ferlið í REI /GGE málunum. 

Ég leyfi mér hér, að benda mönnum á, að setja sig í spor Vilhjálms.  Það var ekki bara einhver maður úti í bæ, sem fenginn var til að undirbúa skjölin fyrir fundinn og samrunann, það voru TRÚNAÐARVINUR TIL MJÖG MARGRA ÁRA OG FYRRUM BORGARLÖGMAÐUR, MAÐUR SEM VERIÐ HEFUR MJÖG SVO TENGDUR FLOKKNUM, SVO EKKI SÉ MEIRA SAGT. 

Hver láir Vilhjálmi mjög, að hafa ekki lesið nákvæmlega yfir það sem þar stóð?  Væru þið eitthvað varkárari ef aldarvinir ykkar útbyggju sjöl í hendur ykkar til samþykktar? 

Hver dæmi sjálfan sig í þeim efnum og láti samvisku sína ráða.

ÞAð er einn lærdóm af þessu ljóta máli hægt að draga ssvona almennt.

Þegar miklir fjármunir og verulegir hagsmunir eru í húfi, ber að fara að öllu með gát og TRÚA engum. 

Svo er annað auðvitað sem blasir við. : Menn verða að leita sér aðstoðar um hápólitísk málefni inn í raðir margreyndra pólitískra refa, af þeim er nógur ,,mannauður" innan Flokksins og þar eru menn, sem staðið hafa að siglingu í gegnum afar mikla pólitíska sjóa.  Nægir þar að benda á fyrrum framkvæmdastjóra Flokksins.

Einnig ber mönnum að nota sérþekkingu þeirra sem eru í borgarstjórnarflokknum, svo sem Júlíus Vífil í svona businessmálum.  Það hefur svo marg marg sannast, að embættismenn borgarinnar láta svo oft plata sig uppúr skonum í samningum.  Svo á einnig við um embættismenn annarra sveitafélaga, hvar sitja menn sem ekki eru vésíraðir úr hörðum heimi viðskiptanna. 

Fundurinn var afar gagnlegur og uppfræðandi um margt. 

Þaðan komu menn sáttir

Miðbæjaríhaldið

Varfærinn og efahyggjumaður

[Stefán Friðrik Stefánsson, 19.10.2007 kl. 13:40]

Takk kærlega fyrir gott og vel skrifað komment Bjarni.

mbk.