Heiðarlegt mat Hönnu Birnu á borgarmálunum

Það er áhugavert að lesa viðtal Kolbrúnar Bergþórsdóttur við Hönnu Birnu Kristjánsdóttur, borgarfulltrúa, í 24stundum í dag. Þar kemur hún með heiðarlegt mat sitt á sviptingum borgarmálanna í þessum mánuði. Eins og hún bendir á brugðust allir sem komu nálægt þessu máli og gildir þar jafnt um fulltrúa Sjálfstæðisflokksins í stjórn REI og Orkuveitu Reykjavíkur og annarra flokka.

Þetta mál allt er mjög skítugt og það er vonandi að því verði lokið með almennilegum hætti, en ekki með hvítþvotti eins og margt bendir því miður til. Mér hefur fundist það sérstaklega virðingarvert að Hanna Birna horfir bæði inn á við og út á við í uppgjöri sínu. Það verður ekki hægt að saka hana um að vera ekki heiðarleg í uppgjörinu sem er nauðsynlegt, enda verður þetta mál ekki krufið almennilega nema það sé gert opinskátt og með því að segja hvað fór úrskeiðis inn á við og að öðru leyti. Það gerir Hanna Birna.

Hanna Birna hefur sýnt það og sannað að hún starfar út frá heiðarleika og hugmyndafræði, tók ekki þátt í vafasömu baktjaldamakki og laumuspili með skattpeninga. Þetta er sögulegt mál í borginni sem hefur riðið yfir og eðlilegt að hver geri það upp með sínum hætti. Lýsingar Hönnu Birnu á atburðarásinni er heiðarleg, enda er þar bæði sagt hvað gerðist inni í meirihlutanum og eins til hliðar við atburðarásina þar. Enn og aftur þykir mér Hanna Birna sýna og sanna að hún er sú heppilegasta í leiðtogahlutverk Sjálfstæðisflokksins í Reykjavík á komandi árum.

„Við sinntum störfum okkar vel"

Athugasemdir

[Ari Guðmar Hallgrímsson, 20.10.2007 kl. 17:38]

Hvernig gat Björn Ingi komið þessu öllu í gegn með sjö sálfstæðismenn á móti?,hvar voru þeir á meðan hann bardúsaði í öllum þessum svikamálum ?,sem þeir eru saklausir af að eigin sögn

[Stefán Friðrik Stefánsson, 20.10.2007 kl. 18:06]

Það hefur löngu komið fram að Vilhjálmur Þ. Vilhjálmsson vann lykilmál án samráðs við aðra borgarfulltrúa Sjálfstæðisflokksins. Það gerðist einna helst í REI-málinu. En þá sauð upp úr. Samherjum hans mislíkaði verklagið og svo fór sem fór. En það er vonandi að hægt verði að klára sig frá þessu spillingarmáli með almennilegum hætti, ekki hvítþvotti fyrir vissa spillta stjórnmálamenn.

[Baldvin Baldvinsson (IP-tala skráð) 20.10.2007 kl. 18:17]

Ég er þeirrar skoðunar, þrátt fyrir það að Hönnu Birnu finnist hún heiðarleg og Sjálsftæðisflokkurinn líka, þá einhvernvegin missa öll þessi orð gildi í ljósi þeirrar staðreyndar að Björn var einn með sjö sjálfstæðismönnum. Og það verð ég að segja að enginn má sín við margnum. 

BB 

[Stefán Friðrik Stefánsson, 20.10.2007 kl. 18:19]

Björn Ingi hafði yfir 35% vægi í þessum meirihluta og hefur það enn í vinstrimeirihlutanum; völd umfram kjörfylgi. Hann sat bæði í stjórn REI og Orkuveitunnar í fyrri meirihluta. Vilhjálmur sat í stjórn Orkuveitunnar frá júní til október 2007 en var aldrei í stjórn REI. Björn Ingi kom að öllum verkþáttum REI-málsins.

[Ari Guðmar Hallgrímsson, 20.10.2007 kl. 18:19]

Ég er sammála þér, um að nauðsynlegt sé að fá þetta mál á hreint,en ekki eitthvert aumlegt yfirklór sem skilur alla eftir í lausu lofti.En það er kannski von að maður sé efins,oftar en ekki enda svona mál með því að allir séu saklausir,eða þannig sko,og síðan er málið þagað í hel.

[Alex Björn (IP-tala skráð) 20.10.2007 kl. 23:04]

Ég er bara orðlaus. Orðlaus. 

Er Hanna Birna ljósið í þínum augum? 

[Stefán Friðrik Stefánsson, 21.10.2007 kl. 01:44]

Gott að við erum sammála um það Ari.

Alex: Allt þetta fólk sem leiðir Sjálfstæðisflokkinn í Reykjavík eru vinir mínir. Þekki sérstaklega yngra fólkið vel. Tobba var varaformaður SUS hluta þess tíma sem ég var þar í stjórn og hin þau yngri mjög virk í SUS-starfinu. Varð fyrir miklum vonbrigðum með forystu Vilhjálms, eins og ég hef margoft tjáð hér. Hef ekkert verið að tjá neina tæpitungu svosem hvað það varðar og þetta mál allt. Hönnu Birnu þekki ég mjög vel, hún var lengi aðstoðarframkvæmdastjóri Sjálfstæðisflokksins og við höfum átt mikil samskipti. Mér finnst hún mjög frambærileg kona, öflug og dugleg. Hún hlaut flest atkvæði í prófkjörinu síðast og hefur sterka stöðu. Treysti henni hiklaust fyrir forystuhlutverki og tel að það sé styttra í að hún taki við leiðtogahlutverkinu en margir hyggja.

[Jón Ingi Cæsarsson, 21.10.2007 kl. 02:14]

Stefán..... Hanna Birna og Gísli Marteinn gerðu sig ekki síður sek um pólitísk afglöp en Villi. Það er ekki honum einum að þakka (kenna) að Sjallar glutruðu meirihlutanum í Reykjavík. Þeir sem tapa borginni verða ekki leiðtogar og Hanna Birna á sennilega stærsta þáttinn í því hvernig fór. Kannski þú ættir að reyna að komast að því hver sendi Svadísi sms með tilboð um meirihluta án Villa

[Stefán Friðrik Stefánsson, 21.10.2007 kl. 02:21]

Þegar að leiðtoginn klikkar breytist staðan. Vilhjálmur Þ. vann á bakvið fólkið sitt að lykilmálum. Hvað mig varðar skiptir ekki máli hvort hann laug í síðustu viku eður ei. Annaðhvort er hann lygari eða hefur ekki unnið vinnuna sína. Í öllu falli hefur hann brugðist stórlega, sérstaklega sem leiðtogi. Hef margoft tjáð það hér og endurtek það.

Þetta er sögulegt mál í borginni og engin fordæmi þess sem hefur gerst. Blæs hinsvegar á allt tal SpillInga um að honum þyki svo vænt um Vilhjálm og allt það. Þetta er hlægilegt rugl. Eflaust hefðu sumir getað gert hlutina öðruvísi. En fyrst og fremst brást leiðtoginn og þar með komu brestir í hópinn. Það er bara þannig að fyrst og fremst stendur allt og fellur með forystu leiðtogans.

Ég held að ég hafi alveg þorað að gagnrýna mitt fólk hér og hef ekkert dregið af mér í því. Það er öllum heiðarlegt að tala hreint út. Hinsvegar skil ég vel afstöðu þeirra sem voru ósáttir. Mér finnst verklagið sem leiðtoginn sýndi gamaldags og óverjandi og hefði sennilega brugðist eins við frammi fyrir stórmáli sem mér hefði ekki verið kynnt.

Það voru engar formlegar meirihlutaviðræður hafnar af hálfu Sjálfstæðisflokksins. Ef svo hefði verið hefðu þau ekki stólað á samkomulag við Framsóknarflokkinn eins og þau gerðu. Það er alveg ljóst að eftir að SpillIngi gekk á bak orða sinna var reynt að falast eftir samstarfi en það var of seint. Hafi fólk upplýsingar um annað á það að koma því til fjölmiðla. Það hafa engin afgerandi merki formlegra viðræðna verið sýnd í fjölmiðlum.

[Steingrímur (IP-tala skráð) 21.10.2007 kl. 11:23]

Stebbi, ég veit ekki í hvaða draumaheimi menn þurfa að vera í til að telja þetta viðtal við við Hönnu Birnu vera heiðarlegt!  Ef þetta er heiðarlegt mat hennar á atburðarásinni þá er hún gjörsamlega veruleikafirrt!

Bara sem dæmi má nefna það þegar hún neitar því að það hafi verið ágreiningur innan borgarstjórnarflokks Sjálfstæðislfokksins eða að hann hafi átt að hafa verið leystur.  Það urðu allir varir við í þvílíkum átökum þessi hópur var í og það var greinilegt að sá ágreiningur var (og er) enn til staðar þrátt fyrir orð um að þeim væri lokið- var ekki SMS-ið fræga um samstarf án Villa sent eftir að Villi  lýsti því yfir að allir væru vinir?

Fáránlegustu ummælin hennar voru samt um þátt Alfreðs Þorsteinssonar þar sem hún hélt því fram að hann hefði lýst því yfir að hann hefði haft svo góðan tíma eftir að Gulli litli rak hann að hann hefði getað velt meirihlutanum í borginni.    Það var einhver sem sagði þetta í gríni á fundi Frammaranna og Alfreð svaraði - líka í gríni - að það væri eitthvað til i því!  Það er langur vegur þarna á milli!

Það má í raun taka allt viðtalið svona fyrir - það er í engum tengslum við veruleikann eins og hann birtist mönnum utan Sjálfstæðisflokksins!

Það er reyndar áhugavert að sjá að þú viðurkennir að það það hafi verið þreifingar í gangi.  Það skiptir nefnilega nákvæmlega engu máli hovrt meirihlutaviðræður hafi verið formlegar eða bara þreifingar - þú - og reyndar Villi einhvern tíma áður - staðfestir þarna að svikin sem þið eruð að kenna Birni um eru svik Sjálfstæðisflokksins við Björn Inga!  Eða átti Björn Ingi bara að bíða þangað til að þreifingarnar væru orðnar að formlegum viðræðum?

[Alex Björn (IP-tala skráð) 21.10.2007 kl. 12:26]

Jæja, en svo þú vitir það þá er þín skoðun á þessu máli skoðun mjög fámenns hóps og þar eru þeir allir tengdir sjöllunum.

En við erum sammála um að vera ósammála og Það er ekkert af því.

Ég ætla samt að taka undir með Jón Inga, Hanna Birna á jafn mikla sök á því hvernig fór! Vegna valdagræðgi hennar og Gísla Marteins.

Hvað sem segja má um Hönnu Birnu á hún samt ummæli ársins:

“Það kom upp ágreiningur í meirihlutanum um mál sem augljóslega hefði verið hægt að leysa ef Björn Ingi hefði verið tilbúinn að fallast á okkar sjónarmið”

[Stefán Friðrik Stefánsson, 21.10.2007 kl. 15:20]

Steingrímur: Hanna Birna fjallar um það sem brást bæði í eigin flokki og á öðrum stöðum. Það kalla ég heiðarlegt uppgjör. Ræða hennar í borgarstjórn var mjög opinská og beitt, ekki síður gegn fulltrúum Sjálfstæðisflokksins í stjórn REI og Orkuveitunnar. Enda þurfti að tala hreint út. Það verður að vera uppgjör eftir þetta sögulega mál. Það er bara eðlilegt í stöðunni.

Hvað viðræður varðar get ég ekkert fullyrt í þeim efnum. Ég er engin lykilpersóna í þeim efnum. Hinsvegar hefur ekkert augljóst komið fram um formlegar viðræður. Þar til að það verður gert er aðeins um að ræða kjaftasögur og þreifingar einhvers fólks út í bæ. Það eru margir sem ræða stjórnmál og það er varla furða í hitamáli af þessu tagi að einhver hafi viljað horfa út fyrir spillinguna.

Alex: Hvaða vitleysa. Hanna Birna Kristjánsdóttir fékk flest atkvæði allra frambjóðenda í síðasta prófkjöri, vann Júlíus Vífil með yfirburðum í slagnum um annað sætið og hefur unnið í innra starfinu árum saman, er okkur öllum þekkt. Hún er mjög traustur forystumaður og hefur notið mikils trausts í starfi flokksins árum saman. Hætti Vilhjálmur verður horft til hennar. Það er bara eðlilegt. Hvað næsta prófkjör varðar er auðvitað óvissa yfir því. Það eru hið minnsta tvö ár í að spilin verði stokkuð upp þar.

[Óðinn Þórisson, 21.10.2007 kl. 15:26]

Ég vil benda á orð Þorbjargar í silfrinu í dag, á síðasta fundi fyrrverandi meirihluta sagði Björn Ingi " að þetta snérist um sínu pólitísku framtíð "
Björn Ingi hefði aldrei stofnað til nýjs meirihluta öðruvísi en vera búinn að semja um að niðurstaðan yrði sú sem hann vildi.

[Stefán Friðrik Stefánsson, 21.10.2007 kl. 15:38]

Já, Óðinn, þetta var athyglisvert innlegg hjá Tobbu. Mikilvægt að fá það fram í dagsljósið. Þetta snýst allt fyrst og fremst um pólitíska framtíð hans. Auðvitað fór hann ekki yfir nema hafa keypt VG og tekið yfir þeirra hug í málinu.

mbk.

[Stefán Friðrik Stefánsson, 21.10.2007 kl. 16:20]

Það er eðlilegt að litið sé á þetta viðtal sem einhverskonar stuðningsyfirlýsingu. Ólafur Þ. Stephensen, ritstjóri 24stunda, hefur opinberlega sagt réttast að Hanna Birna Kristjánsdóttir yrði leiðtogi borgarstjórnarflokks Sjálfstæðisflokksins. Tek ég undir það mat hans. Umboð Hönnu Birnu til leiðtogahlutverks ef til uppstokkunar kemur er afgerandi.

Hún fékk flest atkvæði í síðasta prófkjöri og var afgerandi sigurvegari í slagnum um annað sætið, fékk sterkari stöðu í heildina en Gísli Marteinn. Þar til spilin verða stokkuð upp í næsta prófkjöri er staða hennar afgerandi sterkust. Atburðir síðustu vikna breytir engu um það. Ég tel blasa við að hún taki við ef Villi hættir.

Hvað varðar örlög Vilhjálms Þ. Vilhjálmssonar er erfitt um að segja. Ég sagði hér í vikunni að þau væru ráðin og hann hætti fyrr en síðar. Stend enn við það mat. Tel ljóst að hann hætti fljótlega en leyfi málinu að róast aðeins fyrst. En hann er á útleið, ég tel það blasa við öllum. Hvað hann fer að gera er erfitt um að spá. Það verður spurt um hvort hann klári kjörtímabilið sem borgarfulltrúi en ég tel það þó ólíklegt. Tel að Sif Sigfúsdóttir, systir Árna Sigfússonar, komi inn fyrir lok tímabilsins.

mbk.

[Auðbergur Daníel Gíslason, 22.10.2007 kl. 18:23]

Mig langar að benda Alexi Birni á það að ummæli hans: "Fáránlegustu ummælin hennar voru samt um þátt Alfreðs Þorsteinssonar þar sem hún hélt því fram að hann hefði lýst því yfir að hann hefði haft svo góðan tíma eftir að Gulli litli rak hann að hann hefði getað velt meirihlutanum í borginni.    Það var einhver sem sagði þetta í gríni á fundi Frammaranna og Alfreð svaraði - líka í gríni - að það væri eitthvað til i því!  Það er langur vegur þarna á milli!" eru illa hugsuð og fáránleg, ég sá viðtalið við Alfreð Þorsteinsson og þar sagðist hann hafa meiri tíma til að sinna sínum málum sem meðal annars var að gjörsamlega eiðileggja góðan meirihluta sem ég sé svo sem ekki mikið eftir núna vegna þess að ég vil ekki að mitt fólk starfi með svikamörðum líkt og Birni Inga. Sorglegast er samt að sjá eftir frábærum málefnum kastað á glæ enda hefur Sjálfstæðisflokkurinn unnið að frábærum málum í borginni, en nú mun Samfylkingin fá allt hrósið fyrir það. Ég óska nýjum meirihluta engs góðs, þó ég voni, þrátt fyrir efasemdir mínar um það, að borgarbúum verði ekki "meint" af nýju meiri hlutasamstarfi.

Auðbergur D. Gíslason

14 ára Sjálfstæðismaður

[Steingrímur (IP-tala skráð) 22.10.2007 kl. 22:55]

það er ég sem þú ert að vísa til en ekki Alex, Auðbergur, þannig að fyrst þú fórst rangt með það þá getur nú alveg verið að þig hafir ruglast eitthvað líka með orð Alfreðs.

Ekki það, ég hefði svo sem líka geta hafa yfirsést viðtal við Alfreð og ég á það til að mislesa svona texta þannig að þetta er alls ekki illa meint.  En ég sá viðtal við Alfreð þar sem hann neitaði því að þetta hefði nokkuð með brottreksturinn frá Landspítalanum að gera og svo fréttabrotið þar sem þessi brandari kom upp, en ég ekki lesið hvert einasta blað með hverju einasta viðtali við Alfreð þannig að ég get að sjálfsögðu ekki neitað því að Alfreð hafi sagt þetta sjálfur síðar.

En það er alveg klárt að upphafið var sagt í gríni og ekki af Alfreð og þó hann hafi endurtekið brandarann annars staðar þá er það langt frá sannleikanum (og heiðarleikanum) sem Hönnu Birnu átti að vera svo kær!

Þannig að - ég veit ekki hvar þú hefur lesið þetta, Auðbergur, en passaðu þig á því hvernig þú túlkar hlutina - svona almennt.  Það er ástæða fyrir því að fólk innan við 18 ára hefur ekki kjörgengi og það er einfaldlega að fólk hefur ekki náð nægjanlegri lífsreynslu til að meta alla þætti mannlífsins sem þarf að huga að þegar kemur að stjórnun landsins.  Það er ekki nóg að horfa bara á gáfulegar kenningar - málið er nefnilega að lífið fellur sjaldnast að kenningunum!

[Alex Björn (IP-tala skráð) 22.10.2007 kl. 23:49]

"Ég tel blasa við að hún taki við ef Villi hættir."

Heldur þú að hún hafi ekki séð það blasa við að hún tæki við ef Villi hætti, rétt eins og þú? Þarna varstu bara að taka undir með okkur :)

Það er ekkert I í nafninu mínu og ef einhver vill benda mér á eitthvað, þá bendir hann Alex Birni á það.

Til þín hr. Auðbergur, þá ættir þú að vita eins og Össur Skarphéðinsson talar um á bloggi sínu að enginn er jafn fær og Alfreð að klekkja á íhaldinu. Þessi ummæli fara ekki í taugarnar á neinum nema íhaldsmönnum og gera það svo um munar :D Það er munur á að fara með ummæli þar sem ætlast er til þess að framsóknarflokkurinn gangi í íhaldið, en að fara í taugarnar á einhverjum eins og Alfreð gerði.

En ég er sammála þér um það af þetta hafi verðið góður meirihluti. Hins vegar eru margir ósammála þér um hvers vegna hann sprakk. Margir telja að þar megi kenna sjálfstæðismönnum um og ástæður þess, getur þú lesið á bloggsíðum á t.d. eyjunni.

En hvort samfylkingin fái hrós fyrir það sem sjálfstæðisflokkurinn á að hafa gert, skiptir nákvæmlega ekki neinu máli!

Góðir hlutir eiga að gerast, sama hver gerir þá. Það á ekki sorglegt ef góður hlutur gerist, af því að sjálfstæðisflokkurinn stóð ekki fyrir honum!