Háskaakstur í Reykjavík - mildi að ekki fór illa

Það er alveg sláandi að heyra af umferðarslysinu á Kringlumýrarbraut. Lýsingarnar eru ekki fagrar. Það er skelfilegt að hraðakstur af þessu tagi sé inni í miðri borg. Hraðakstur af þessu tagi getur varla talist slys, heldur hreinlega manndrápsakstur að mínu mati. Það getur varla öðruvísi endað en með skelfingu þegar ekið er af þessu tagi. Þetta getur orðið að tilræði við gangandi vegfarendur, sem fyrir tilviljun geta orðið fórnarlömb þess sem fylgir hraðakstrinum, enda þarf lítið að gerast til að ökumennirnir missi stjórn á stöðunni.

Það er auðvitað algjört sjálfskaparvíti að stunda hraðakstur inni í miðri borg og getur farið verulega illa. Það er hreinasta mildi að í þessu tilfelli skyldi ekki verða stórslys allavega. Þetta er dapurleg þróun, enda virðist vera sama þó að klifað sé á því að hraðakstur eða hreinn kappakstur geti orðið fólki að bana að staðan virðist lítið sem ekkert breytast til hins betra. Það þarf að stokka málin upp enn frekar og reyna að vinna bug á þessu vandamáli.

Það hefur reyndar oft verið rætt hvort að breyta þurfi ökunámi á Íslandi og eyða meira púðri í djúpa innrætingu. Það er margt til í því. Eitthvað þarf allavega að gera. Það blasir við. Þetta er þróun sem á ekki að sætta sig við. Til þess er hún enda í senn bæði of drungaleg og sorgleg.

Lögreglan: Ótrúlegt að ekki skyldi verða stórslys

Athugasemdir

[Ellert (IP-tala skráð) 24.10.2007 kl. 11:37]

Hversu margir af þeim sem eru með sleggjudóma í fyrri póstum ætli hafi farið yfir á rauðu? Svo virðist sem Íslendingar skilji ekki notkun ljósa, Grænt = áfram Gult = gefa í Rautt = láta vaða og vona það besta. Og þetta er að gerast á mesta umferðartíma, ekki á kvöldin eða næturnar..........

 Það eru ótrúlega mögnuð atvik sem maður hefur orðið vitni að, og í raun mun meira kraftaverk að ekki hafi orðið margföld dauðaslys vegna þeirra aðila sem þetta stunda og finnst mér þetta jafn alvarlegt.......!

 Bara umhugsunarefni fyrir múginn sem vill brenna gaurinn á báli

[Ellert (IP-tala skráð) 24.10.2007 kl. 11:51]

Ætlaði nú reyndar að benda á hreðjahengilinn, ekki brennuvarginn...þar sem hann hafði nú eitthvað uppbyggilegt að segja.

[Bjarki Hilmarsson (IP-tala skráð) 24.10.2007 kl. 11:58]

Ég held að innræting hafi lítið að segja í tilvikum sem þessum.  Ökumaður hafði áður verið sviptur ökuleyfi ævilangt þannig að það það vantar augljóslega eitthvað í hann   Allavega er ég að komast á þá skoðun að sumir ættu einfaldlega ekki að ganga lausir, það þekkist alveg í öðrum löndum að menn séu lokaðir inni fyrir svona lagað og það lítur út fyrir að í þessu tilviki veiti sko ekki af!  Það eru margir sem stunda hraðakstur og brjóta umferðarlögin en þeir hafa þó flestir vit á því að velja stað og stund þar sem öðrum stafar ekki hætta af, þessi aðili hinsvegar valdi kringlumýrarbrautina þar sem alltaf er mikil umferð.

[Haraldur Haraldsson, 24.10.2007 kl. 15:37]

Þetta er sakamál og maður  að fara beint i Fangelsi/og ekkert annað,barataka fast á svona /Halli gamli