Vítisenglarnir farnir frá Íslandi

Jæja, þá eru vítisenglarnir farnir af landinu og mesta hasarnum lokið í máli þeirra. Sýnist á öllu að flestir sem hafa tjáð sig um málið séu sáttir við þessi málalok og hversu vel lögreglan hélt á málum. Með þessu er tekið vel á máli sem vissulega getur verið umdeilt en ég held að flestir hafi fullan skilning á og styðji verklagið.

Fékk bæði tölvupósta og komment hér um skrif mín um þetta mál. Langflestir þeirra voru ánægðir með skrifin og sammála þeim. Það er mikilvægt að taka vel á þessu og sýna vítisenglum hver stefna íslenskra stjórnvalda er í þeim efnum. Það er talað um að þeir fari jafnvel í mál vegna þessara aðgerða. Það er auðvitað þeirra mál. Ég fæ ekki betur séð en að lögreglan hafi tekið á vanda með skynsömum hætti.

Það er kómískt að heyra suma líkja þessu máli við Falun Gong-málið fyrir fimm árum. Þetta tvennt á ekkert sameiginlegt. Þá kom til landsins hópur friðsamra mótmælenda sem vildi tjá skoðun sína vegna opinberrar heimsóknar Jiang Zemin. Vítisenglar eru útlent glæpagengi, þekkt fyrir hrotta. Þeir eiga ekkert erindi hingað. Þessar aðgerðir voru nauðsynlegar að öllu leyti.

Vítisenglarnir farnir af landi brott

Athugasemdir

[Kolbrún Baldursdóttir, 3.11.2007 kl. 17:02]

Það sýnist sitt hverjum í þessu heyrist mér. Sumum finnst við vera orðið helst til of mikið lögregluríki.

[Zoe (IP-tala skráð) 4.11.2007 kl. 16:29]

Stebbi, mér datt nú svona í hug.  Falun gogn hópurinn og þessir menn áttu eitt sameiginlegt.  Þeim var báðum vísað úr landi án þess að ein almenileg athugun væri gerð.  Einhver lögreglumaður ákvað að vera ransakandi, dómari og aftökumaður í einu lagi.    Hversvegna máttu þessir menn ekki hitta lögfræðing.  Hvað var það sem þeir eru sekir um?  Eru þeri eftirlýsitr?  

Veit ekkert um hverjir þessir menn eru... sennilega engin ljúfmenni, en að lögregla geti ákveðið þetta án þess að nokkura úrræða sé þar við komið...  Tek undir með Kolbrúnu... Lögreglu ríki.  Heil....