Enn eitt kynlífshneyksli nemanda og kennara í USA

Það er alveg skelfilegt að lesa um enn eitt kynlífshneykslið milli nemanda og kennara í Bandaríkjunum. Nú snýst það um að 25 ára stærðfræðikennari í Nebraska sem átti í ástarsambandi við þrettán ára nemanda sinn stakk af með honum yfir landamærin til Mexíkó. Hefur hún nú verið kærð fyrir að stunda kynlíf með ólögráða einstaklingi og hafa rænt stráknum. Þau fundust í Mexíkó og þar hefur konan verið handtekin. Strákurinn er fastur nú í Mexíkó þar sem hann hefur ekki landvistarleyfi í Bandaríkjunum.

Það hefur gerst ótrúlega oft í Bandaríkjunum, og reyndar í Bretlandi meira að segja, að kvenkyns kennarar, oftast á þrítugsaldri, hefji ástarsamband með unglingsstrákum. Það hefur líka gerst, með eftirminnilegum hætti, að kennari hafi táldregið nemanda til að drepa mann sinn með þeim loforðum að þá gætu þau verið saman. Þetta mál í Nebraska er auðvitað skelfilegt, enda er algjörlega siðlaust og ógeðslegt að kennari leiti eftir kynlífssambandi við nemanda sinn.

Það að þrettán ára nemendur sofi hjá kennaranum sínum er auðvitað bara skelfilegt dæmi um hversu lágt meira að segja kennarar ganga í siðleysinu. Þetta er sorglegt mál, en það er áminning um það að jafnvel í skólanum eru börn ekki óhult.

Kennari tældi ólöglegan innflytjanda úr landi

Athugasemdir

[Sveinn hinn Ungi (IP-tala skráð) 4.11.2007 kl. 20:58]

Það hafa nú ekki komið upp svona mál hérlendis í grunnskólum svo ég muni.

[Vendetta, 4.11.2007 kl. 21:17]

Kennslukonan rændi honum ekki, hann var ólmur í þetta ástarsamband. Sennilega hann sem hefur talið hana á að fara með sér til Mexíkó.

[Stefán Friðrik Stefánsson, 4.11.2007 kl. 22:09]

Sveinn: Já, vonum það svo sannarlega að það gerist ekki hérlendis.

Vendetta: Ætlarðu að segja mér að lögin meti það svo að ólögráða strákur, sem hvorki hefur eigin fjárhag né bílpróf, hafi farið sjálfviljugur með 25 ára gamalli konu yfir landamærin og hafi óskað eftir kynlífssambandi við hana. Það er þegar búið að handtaka þessa konu og hún verður ákærð. Það hefur áður gerst að kennari hafi setið inni vegna svona mála og m.a. er konan sem ég nefndi áðan sem ginnti skólastrák í að drepa manninn sinn að afplána lífstíðarfangelsi. Það er auðvitað út í hött að líta svo á þrettán ára skólastrákur hafi dómgreind í kynlífssamband með 25 ára konu, sem ætti að vita betur en flýja með hann með þessum hætti.

[Hákon Unnar Seljan Jóhannsson, 5.11.2007 kl. 00:40]

Já þetta er svona ég held nú samt að svona dæmi séu of sértæk til þess að fara ræða um að börnin okkar séu ekki örugg í skólunum. 

Allaveganna eru þau örugg á Bolungarvík.

muhahahaha.

Bið að heilsa frændi alltaf gaman að lesa hjá þér bloggið 

[Birgir Hrafn Sigurðsson, 5.11.2007 kl. 02:55]

það að þau hafi ekki komið upp þýðir ekki að þau séu ekki til

[Stefán Friðrik Stefánsson, 5.11.2007 kl. 17:38]

Sæll Hákon frændi. Gaman að heyra í þér. Vonandi gengur vel fyrir vestan. Takk fyrir góðu orðin um bloggið.

Birgir: Já, eflaust hefur eitthvað þessu líkt gerst. Erfitt samt að fullyrða það. En þetta dæmi í Bandaríkjunum er með því svæsnara sem maður hefur heyrt.

Addibeggi: Já það er samt stór munur hvort viðkomandi er orðinn 18 ára. Eftir það finnst mér erfitt að tala svosem gegn því, enda er þetta mál hér um þrettán ára strák, þetta er bara barn sem er að detta á unglingsaldurinn. En eflaust hefur þetta gerst hérna heima, sennilega þó með öðrum aldursmun en þessum.

mbk.