Skelfilegt slys - myndbirtingar

Það er sorglegt að heyra af enn einu umferðarslysinu á Suðurlandsvegi, þar sem vörubíll og fólksbíll rákust á. Það er öllum vel kunnugt að tvöfalda verður þessa miklu hraðbraut milli Reykjavíkur og Selfoss - vonandi verður af því mjög fljótlega. Um 60 manns hafa látið lífið í umferðinni á Suðurlandsvegi frá árinu 1972.

Það sem mér finnst jafnan einna sorglegast við fréttir af dapurlegum slysum í umferðinni er að sjá sjálfan vettvang slyssins í fjölmiðlum; myndir af bílflökum og aðrar þær sorglegu aðstæður sem þar jafnan birtast. Stingur mig að sjá enn einu sinni strax komna mynd af slysstað. Þetta gerist mjög oft t.d. hérna á fréttavef Morgunblaðsins.

Myndbirtingar af vettvangi umferðarslyss þjónar mjög litlum tilgangi, hef aldrei talið það skipta miklu máli að sýna bílflökin. Kannski er það ábending til annarra að svona geti farið í umferðinni, en fyrir þá sem tengjast hinum látnu er þetta særandi myndræn umgjörð um mikinn harmleik.

Veit ekki hvort það er einhver algild regla hjá fjölmiðlum í þessum efnum. Sumir fjölmiðlar eru þó meira áberandi í þessu en aðrir eflaust. Hef séð hjá þeim sumum að þeir birta aðeins staðsetningu slyssins á korti. Það er ágætis nálgun á það finnst mér.

Það er alltaf jafn stingandi að sjá aðstæður umferðarslysa, enda getur aðkoma að svona slysum verið virkilega sjokkerandi og vandséð hvaða erindi þær fréttamyndir eigi í fjölmiðla. Vona að fjölmiðlar fari að hætta slíkum myndbirtingum.

Umferðarslys á Suðurlandsvegi

Athugasemdir

[Kristján (IP-tala skráð) 28.11.2007 kl. 14:48]

Eins leiðinlegt og það er að segja það þá er kraftaverk að ekki fleiri slys verði þarna.  Ég hef keyt  þarna á hverjum degi í 8 mánuði og gæti verið dauður tvisvar á þeim tíma, út af akstri vörubíla.  Ástæðan fyrir því að ég hef sloppið er bæði heppni og færni ef ég leyfi mér að kalla það.

 Nú vill ég ekki setja alla vörubílstjóra undir sama hatt en mér finnst orðið skuggalegt að sjá hálfgerða unglinga, rétt yfir tvítugu (og nei ég er ekki röflandi gamlingi er 33 ára) keyrandi með aðra hönd á stýri og hina í gemsanum á 30-40 tonna fullhlöðnum bíl.  Auðvitað eru daprir ökumenn í fólksbílum líka en ég bara sé ekki rétt um tvítugann mann hafa þroskan í að keyra svona tækjum.

 kv Kristján

[Guðný Lára, 28.11.2007 kl. 14:54]

já ég er mikið sammála þér með þessar myndbirtingar!! Maður kemst ekki hjá því að sjá þessar myndir og getur jafnvel dottið í það að skoða þær gaumgæfilega... og fær jafnvel sting í magann því bíllinn er líkur bílnum hennar ´mömmu eða eitthvað álíka.... það ætti að banna þessar myndir ættingjanna vegna!


Og svo styð ég af öllum sálar og lífsins kröftum tvöföldun suðurlandsvegar!!!

[Pétur Myrkvi (IP-tala skráð) 28.11.2007 kl. 15:37]

Ég vissi til þess að meiraprófs ökumaður ók fullfermi freðinn af hassreykingum, jafnt því sem að hann fékk sér stundum í haus af og til yfir daginn.

 Hversvegna ekki að krefjast þess að þeir sem vinna við akstur að atvinnu verði fíkniefnaprófaðir af og til af handahófi, líkt og t.d starfsmenn álveranna ???´

Ekki að ég sé að kenna bílstjóranum um þetta slys, einungis vil ég vekja umræðu um þetta efni.

Mjög margir hafa verið staðnir að fíkniefnakeyrslu undanfarið.

[Árni Sigurður Pétursson, 28.11.2007 kl. 20:00]

í fyrsta lagi.

Pétur Yngvi

þú vissir af manni keyra með fullfermi og maðurinn var freðinn og að hann fékks ér stundum í haus yfr dagin.

hringdiru á lögregluna ?

með þessr myndbirtingar, það er náttúrulega alveg út í hött að það skuli vera birta myndir af slysum, og jafnvel ekki nema örfáum mínotum eftir slys.

ég persónulega mundi ekki vilja þekkja bíl hjá vinum eða ættingjum af svona mynd (eða finnast hann vera svipaður og vita af fólki á ferðinni þarna)

en úr því að Kristján nefndi nú meiraprófsbílstjóra, þá man ég ekki eftir slysi á meiraprófsbíl þar sem að hægt að er benda á ökumanns þess bíls og segja það hafi verið hans sök.

einsog í þessu tilviki, þá fer fólksbíllinn yfir á rangan vegarhelming, eins var í slysinu um dagin þar sem að maður fórst á suðurlandsveginum, þar var það líka málið að það var ekið í veg fyrir flutningabílinn.

ég er alls ekki að segja að meiraprófsbílstjórar séu einhverjir englar en ansi oft finnst mér illa að þeim vegið.

[Gola (IP-tala skráð) 29.11.2007 kl. 10:18]

Já það er sitthvað að. Mér hefur dottið eitt í hug. Hvers vegna hafa verktakarnir ekki mötuneyti fyrir alla þessa menn sem aka þessum stóru trukkum. Hef séð þá stöðva drekana og hlaupa yfir veginn þarna ofan Rauðavatns þeir kaupa óhollustu og drekka gos með. Sem sagt óhollusta allan daginn og troða sig út á hlaupum af kransæðakítti og sælgæti í eftirrétt.

Áreiðanlega freistast einhver til að hafa sterkt í pípu........svona með til að þola betur leiðann sem fylgir í starfinu. 

Þetta er eitt. Svo hitt. Gamalt fólk á að hugsa ofurlítið áður en lagt er af stað oft í hreina erindisleysu......og yfir heiðina í tæpu veðri,nei svona bara gerir maður ekki,taka þá heldur langferðabílinn eins og gamlir segja. 

Annað,læknar eiga eða ættu að færa í tal við þá sem eldri eru að leggja bílnum en fá þess í stað frítt í alla vagna og rútur. Sparnaður fyrir alla líka heilbrigðið.! Skoða það !

Hvað segið þið svoooooo?