Hverslags manneskja keyrir á barn og stingur af?

Það er dapurlegt að heyra að einhver hafi svo ógeðslegt hjartalag að stinga af eftir að keyra á fjögurra ára barn, en það gerðist þó síðdegis í dag í Reykjanesbæ. Finnst þetta mjög alvarlegt, enda á fólk að bera ábyrgð á gjörðum sínum og standa frammi fyrir því sem það gerir, en ekki sýna þann heigulshátt að láta sig hverfa og barnið liggja eftir stórslasað.

Slysin geta vissulega alltaf gerst, en mér finnst það svo innilega sorglegt að fyrsta hugsun fólks eftir slíkt slys sé að láta sig hverfa af vettvangi. Vonandi mun viðkomandi einstaklingur sjá að sér og taka ábyrgð á sínum verkum og gefa sig fram.

Ef marka má fréttir slasaðist strákurinn í Reykjanesbæ mjög alvarlega. Við færum honum og fjölskyldu öll innilegar batakveðjur.

Ók á barn og stakk af

Athugasemdir

[Stefán Þór Steindórsson, 30.11.2007 kl. 19:54]

þú spyrð hverslags manneskja gerir þetta.. Held að svarið sé og vona að það sé í manneskju í "panic attack" 

Held að oftast nær í slíkum tilfellum gefi fólk sig fram. 

[Stefán Friðrik Stefánsson, 30.11.2007 kl. 23:40]

Þakka kommentin.

Þorvaldur: Vissulega, það er alltof mikið af fólki sem keyrir undir áhrifum, Því miður.

Guðlaugur: Það vill enginn trúa því. En það er orðið nokkuð liðið, yfir fimm klukkutímar og það getur ekki annað verið en viðkomandi hafi áttað sig á þessu. Getur varla annað verið en dæld hafi komið og höggið hlýtur að hafa verið mikið miðað við að áverkar á stráknum eru miklir.

Stefán: Eflaust eru allir í sjokki eftir svona atvik, en fólk á að taka afleiðingum gjörða sinna.

mbk.

[Anna Lilja (IP-tala skráð) 1.12.2007 kl. 20:25]

Án þess að vera að bera í bætifláka fyrir þann sem keyrði á barnið og stakk síðan af finnst mér líka að þurfa að spyrja annarrar spurningar!

Hvernig stendur á því að 4 ára gamalt barn var eitt á ferð??