Skelfilegt mál

Satt best að segja var maður að vona að sá sem keyrði á fjögurra ára strákinn í Reykjanesbæ síðdegis í dag myndi gefa sig fram og hafa vit á því að taka afleiðingum gjörða sinna. Sú von virðist heldur betur vera að dofna, enda liðnir yfir fimm tímar frá þessu sorglega atviki. Lögreglan mun þó vonandi takast að ná honum er yfir lýkur með ábendingum sem henni hefur borist.

Ég trúi því ekki að þetta atvik hafi farið framhjá þeim sem keyrði á strákinn. Finnst það mjög óraunverulegt að þetta hafi farið framhjá ökumanninum. Það getur varla annað verið en að þetta hafi verið nokkuð sem viðkomandi tók vel eftir. Bíllinn hlýtur að hafa dældast við höggið, það fer ekki framhjá neinum.

Finnst það mjög dapurlegt að fólk stingi af eftir að keyra á smábarn og skilja það eftir í sárum sínum. Það er dómgreindarbrestur af verstu sort. Það er eðlilegt að reiði séu fyrstu viðbrögðin, enda myndi allt eðlilegt fólk taka afleiðingum gjörða sinna.

Allar vísbendingar kannaðar

Athugasemdir

[Furðufuglinn, 30.11.2007 kl. 23:59]

Hafi viðkomandi verið undir áhrifum lyfja er ekki víst að hann (eða hún) hafi tekið eftir högginu.

[thora gunnarsdottir (IP-tala skráð) 1.12.2007 kl. 00:20]

góð vinkona mín, og yndisleg og reglusöm manneskja, keyrði einu sinni á 12 ára gamlan strák á hjóli í byrjun desember. Þetta var í Álfheimunum fyrir utan verslunarmiðstöðina Glæsibæ. Þá var nýbúið að setja upp hraðahindrunina (já þetta var fyrir löngu síðan) og þetta gerist við hana. Svo furðulegt sem það megi virðast þá varð hún ekki vör við að hún heafði keyrt á manneskju. Þetta var í myrkri og drengurinn ekki með ljós á hjólinu né með endurskinsmerki. Mig minnir reyndar að einnig hafi verið rigning. Vegfarendur tóku bílnúmerið hennar og löggan mætti heim til að kanna málið. Auðvitað varð hún miður sín og sem betur var slasaðist drengurinn ekki mikið. Handlegsbrotnaði, minnir mig (svo vill til að hann er litli bróðir annarrar vinkonu minnar). En til dagsins í dag staðhæfir hún að hafa ekki orðið vör við að hafa keyrt á hann. Bara lítinn hnykk sem hún hélt vera hraðahindrunina. Og bæ ðe vei...það sást ekkert á bílnum.

[Einar Örn Guðmundsson (IP-tala skráð) 1.12.2007 kl. 02:03]

Hvað með foreldrana? Voru þau ekki á staðnum til að taka niður bílnúmerið?

Hver skilur eftir 4 ára krakka úti á götu á röltinu?