Fingralangur ökumaður gefur sig fram

Það er gott að ökumaðurinn sem gaf fuck you-merkið í umferðinni, við hlið sonar síns, hafi gefið sig fram. Mér finnst reyndar sérstaklega alvarlegt að hann skyldi hylja númeraplötu sína. Það vekur eiginlega mesta athygli og ekki undrunarefni að hann verði ákærður fyrir það, auk auðvitað hraðakstursins sem er eitt og sér alvarlegt mál.

Finnst það jákvætt og gott skref að lögreglan taki á svona hraðamálum með myndbirtingum á þeim bílum sem fara of hratt. Alvara málsins verður enn meiri þegar að það er gert opinbert með þessum hætti. Ökumenn verða að gera sér grein fyrir ábyrgð sinni í umferðinni, hvort sem það snýst um að keyra ekki drukkinn, ekki keyra of hratt og eða auðvitað að virða almennar umferðarreglur. Leikreglur umferðarinnar eiga að vera okkur öllum skýrar.

Það besta við þetta allt að nú er komið fordæmi fyrir myndbirtingu og því vita þeir sem eru í umferðinni og brjóta af sér ekki nema jafnvel en að þeir endi í fjölmiðlum með þessum hætti. Það er greinilegt að maðurinn gaf sig fram vegna kannski bæði samviskubits og eða bíllinn þekktist. Hann tók ábyrgðum á sínum gjörðum. Það er virðingarvert. Mér finnst það gott mál að svona hegðun sé ekki látin óátalin.

Ökufantur gaf sig fram

Athugasemdir

[Baldvin Nielsen (IP-tala skráð) 6.12.2007 kl. 10:52]

Þar sem er 30 km hámarkshraði á vegakafla sem dæmi er hægt að keyra ökutæki á vítaverðum hraða þó að ökumaðurinn sé bara á 20 km hraða ef slys verður við þessar aðstæður og tjón verður á fólki. Ákvæði í umferðarlögunum er að finna að enginn hefur óskoraðan rétt í umferðinni. Þess vegna verðum við öll að standa vaktina að passa okkur sjálf þegar við erum í umferðinni þar var, er og verða alltaf hættur um ókoma tíð sem gera ekki boð á undan sér. Þess vegna er ábyrgðin svo mikil að vera ökumaður með góða dómgreind því slíkur ökumaður leggur sig fram að meta aðstæður hverju sinni þegar ekið er. Ökumaður með góða dómgreind á því oftast síðasta úrræðið til að koma í veg fyrir að það óvænta í umferðinni endi með umferðarslysi. Ökumenn sem leggja sig í líma við að vera stöðugt á vaktinni í umferðinni eru bestu umferðarljósin sem til eru í umferðinni.

Baldvin Nielsen, Reykjanesbæ

[Bjarki Hilmarsson (IP-tala skráð) 6.12.2007 kl. 14:39]

Mér finnst þetta nú frekar fáránlegt allt saman.  Maðurinn er bara að fylgja umferðarhraða þarna!  Og þetta með að gefa myndavélinni fingurinn finnst mér bara hið besta mál, enda er löngu orðið ljóst t.d. í Bretlandi að þær eru bara tekjulind fyrir ríkið en fækka ekki slysum.

[Greta Björg Úlfsdóttir, 6.12.2007 kl. 19:18]

Huldi hann sjálfur númeraplötuna? Ég hélt að lögreglan hefði gert það, vegna myndbirtingarinnar, svo ekki væri hægt að þekkja manninn af bílnúmerinu???

[Greta Björg Úlfsdóttir, 6.12.2007 kl. 19:20]

Þó ég taki undir orð þín að öðru leyti, vildi ég sagt hafa!

[Stefán Friðrik Stefánsson, 6.12.2007 kl. 20:10]

Þakka kommentin Baldvin og Gréta.

Já, mér skilst að hann hafi gert það, Gréta.

mbk.