Steingrímur J. æfur yfir samþykkt þingskaparlaga

Það leyndi sér ekki að Steingrímur J. Sigfússon, formaður VG, var algjörlega æfur yfir samþykkt nýrra þingskaparlaga síðdegis. Ræða hans í þriðju umræðu fór langt yfir strikið og gagnrýni hans á forseta Alþingis var einum of gífuryrt. Sumir segja reyndar að Steingrímur hafi verið svo æfur að hann hafi yfirgefið þingsalinn áður en hefðbundinni athöfn lauk, þar sem forsætisráðherra slítur þingfundi með forsetabréfi.

Þetta eru vissulega mjög erfið málalok fyrir vinstri græna. Þeir máluðu sig algjörlega út í horn í þessu máli. Voru sem stærsti flokkur stjórnarandstöðunnar í minnihluta í andstöðunni. Það hlýtur að teljast pínleg aðstaða. Hverjir voru annars að leggja vinstri grænum lið í samfélaginu í þessari baráttu? Varð ekki var við þá marga þann tíma sem rætt var um breytingatillögurnar. Flestir voru hlynntir því að stokka mál upp og samþykkja málið.

Það virðist vera sem að vinstri grænir séu í frekar erfiðri stöðu, frekar einangraðir í ýmsum málum. Það er ekki nýtt hlutskipti svosem. Það verður þó áberandi í þessu máli, þar sem greinilega var reynt að koma til móts við þá. Ræðutíminn var lengdur frá upphaflegum frumvarpsdrögum og t.d. voru sérreglur sett um fjárlagaumræðuna. Það dugði ekki vinstri grænum. Það er svona eiginlega ekki hægt annað en meta það sem svo að þeir hafi aldrei viljað semja.

Vissulega markar samþykkt þessara laga nokkur þáttaskil í þingstarfinu. Nú erum við laus við hinar goðsagnakenndu og hrútleiðinlegu klukkustundarlöngu ræður Steingríms J. og Jóns Bjarnasonar. Kvarta ekki yfir því. Held að það séu tækifæri í þessu. Þingið verður nú mun skilvirkara og vonandi öflugri stofnun, sem fólk vill fylgjast með, en andvarpar ekki í hvert skipti eða blótar yfir hinum löngu ræðum sem skildu fátt sem ekkert eftir sig.

Athugasemdir

[Óli Gneisti (IP-tala skráð) 14.12.2007 kl. 22:36]

Það væri líka hægt að byrja á því að spyrja alla hvort þeir séu búnir að ákveða hvernig þeir ætla endanlega að kjósa. Þannig væri í raun bara hægt að sleppa öllum umræðum.

[Kristján Pétursson, 14.12.2007 kl. 22:37]

Ánægður að nýju þingskaparlögin skulu vera komin í gegnum þingið.Þá verðum við blessunarlega lausir við þessar langlokuræður sérstaklega VG.Jón Bjarnason,Kolla,Steingrímur og Ögmundur ætla mann lifandi að drepa þá sjaldan ég horfi  á sjónvarpað frá Alþingi.Þau  ættu að gera sér grein fyrir því,að þau verða skemmtilegri og áheyrilegri með stuttum og hnitmiðuðum ræðum.

[Guðmundur Björn, 14.12.2007 kl. 23:12]

Loksins loksins!!  Þaggað niður í Fjallagrasa-Jóni, Kollu Klám og Ömma! Sigur fyrir lýðræðið og virðingu þingsins.

[Jón Agnar Ólason, 14.12.2007 kl. 23:55]

Löngu tímabært, vægast sagt. Innihaldslaust málþóf VG, í þeim eina tilgangi að tefja fyrir afgreiðslu mála, var Alþingi til vansa. Steininn tók þó úr þegar þingmenn voru farnir að hóta málþófi svo mál sem voru þeim móti skapi yrðu ekki tekin fyrir; að halda þinginu þannig í gíslingu eru óverjandi vinnubrögð. Nú verða VG að æfa sig í málefnalegum flutningi í ræðustól ...

[Haraldur Haraldsson, 15.12.2007 kl. 00:07]

var eitthver þarna að tala um lyðræði,er það nú svo að vaða yfir allt og alla,maður hefði haldið að þið hafið ekki lesið allt frumvarpið,þetta var ekki bara um ræðutiman,það hangir mikið meira á spitunni/Halli Gamli

[Óðinn Þórisson, 15.12.2007 kl. 12:04]

endalokum málþófs vg-þingmanna fagna ég mjög. þetta á alveg örugglega eftir að auka alit manna á þinginu og er ekki vanþörf þar á.

það kæmi mér ekki á óvart þar sem undir forystu sjs virðist sem vg er að einangrast meira og meira að formannskipti verði á næsta landsfundi og sjs snúi sér alfarið að því að rækta fjallagrös.